位於九龍灣宏照道的UA MegaBox，雖然開幕初其以IMAX 3D戲院及四十座位的小型精裝影院Cineluxe作賣點，可是由於IMAX 3D上映電影不多，加上戲院本身位置較偏僻關係，其他影院的票房不算理想，近月來更優惠不斷。
繼普通影院後，就連Cineluxe戲院也要變陣求存。
上圖所見，便是特派員早兩周於購票通網站所見，附註寫著「由2008年5月22日至2008年6月11日，UA MegaBox Cineluxe 戲票票價與其他UA MegaBox影院相同，並不設$20美食券。」
UA MegaBox Cineluxe最初訂每票九十大元，當中巳括二十元的美食券，可是這個模式看來並不奏效，相信現在是值將票價與其他戲院看齊來試陣。觀乎該院上映的，看來是二輪片為主，就仿如將電影安排在細院播放一樣，故此收九十大元不成。
正當大家以為無法享用這個特惠票價之時，特派員昨晚再次查閱購票通網站，竟發現該項優惠終止日期已改至六月十八日，到底是太受歡迎還是成就不彰而延期？
無論如何，這種種的舉動，難免令人以為是衝著暑期MCL德福戲院開幕前所作的反擊吧！
Ryan
阿橙：市區outlet? 😛
Ryan
維達: 位置實在太「優越」。
Ryan
MM: 多謝指正，原文會修改的。
Ryan
guest: 沒港鐵未完全死，途經巴士線少得緊要才是致命傷。
Ryan
bbon99: 平日放工專程要入去的觀眾，真的很少，恐怕點搞都未必好理想，假日還可以考慮一下。
Ryan
shtmanhk: 但大家認為保了多少?
Ryan
shtmanhk: 接手皇室似乎是希望增加市場佔有率，至於放棄德福也許怕同區兩間戲院難以兼顧，但如意算盤似乎打不響。
Ryan
阿橙: 可能諗住IMAX好掂，點知3d版片源沒想像中多，計錯數都唔奇。
Ryan
MM: UA MegaBox 銀幕高得出奇，可謂先天不足。
Ryan
迷逃小書童華安: 四分鐘前叫大家買零食 😛
Ryan
P仔: 夏日炎炎行過去都幾和味。
Ryan
Raymond: 問題是該段路真的沒甚麼景致可言。
Ryan
Billy: 完全不明何「巨」之有囉，難道指的是IMAX影院?
Ryan
ka: 有時就是這樣。
Ryan
迷逃小書童華安: 泰蘭花…. 😛
Ryan
shtmanhk: 有得播算係咁了。
Ryan
KK: 傳聞的確在UA沙田開IMAX。問題只是片源，不少外地的IMAX戲院也會播普通電影，希望藉此幫補，而九龍灣UA MegaBox的IMAX院也曾於農曆年間播放《長江7號》。
Ryan
KK: 會否機場4D的銀幕大一點?
Ryan
KK: 可能諗住駕車來，但事與願違。
Ryan
shtmanhk: 沒記錯UA金鐘曾裝修一趟，由A,B,C,D院改稱為1,2,3,4院。而裝修後大當好像更為豪華。
Ryan
董小玥: 現實就係咁。
Ryan
MM: 其實所謂的三院，便是那兩間Director’s Club，故此影協票房寫出是3A和3B戲院。
Ryan
Someone: 如果沙田開2間IMAX會否太多? 不過亦要視乎座位數目。
Ryan
維達：那個「宣傳易」的比喻十分精警。
Ryan
MT仔: 係好大，但亦都好前，坐前一點或者幾辛苦下。
Ryan
MM：可能收返原價是聽執吧。
阿橙@我愛查之女
反擊有咩用呀
成個商場根本就失敗~~
貪平開埋D咁既地方
維達
雖然廣場本身個主題
想學好似外國果d大大間舖頭係幾好
問題在於地方唔就腳、仲要舖頭太少,又要上落麻煩
唔少人都貪新鮮去
但真係去一兩次都夠哂…
guest
港鐵仲話「一路帶動生活」……呢d 非主流商場冇左港鐵帶動就……
bbon99(Grand Theft Auto)
正面d咁諗，當然只係諗，唔包一定Work。
對比起MCL德福，UA Megabox已經叫舊，可以用價錢和優惠上作戰鬥籌碼。正所謂密食當三番。
如果單以戲院來說，的確位置唔就腳。Megabox勝在酒樓夠多夠新夠派頭，黃大仙鑽石山彩虹九龍灣牛頭角以至德福商場都唔夠Megabox多。UA Megabox其中一個優惠《飯．戲攻心》本人覺得唔錯，如果戲院爭取到更多其他商場的食肆就更好，上次去睇戲時只得兩間德福食肆有此優惠。
其他優惠像《學人大曬》及《Executive Night》優惠可以推向星期六日及假期就好。另外德福周圍唔少學生，特別是兩間大學進修學院，可以有另外一些特惠計劃給他們，當然可以包括埋兼讀制學生。另外邊有咁多卡片俾戲院呢，附近工廠寫字樓職員可唔可以用職員證就有特惠﹖
再想深一層，學校／公司包場睇戲可不可行呢?歷史戲如《集結號》，文學或小說如《魔幻羅盤》《卡斯柏王子》都會有包場睇。
可以行連鎖優惠（如片商肯的話），睇完《鐵甲奇俠》， 憑飛尾可以在睇《新變型俠醫》就有折扣，跟住《新》片飛尾可以在睇《Batman: The Dark Knight》都可以有得平。
The Grand地點都係唔就腳，不過燒鵝味道蔗渣價錢，早場三十蚊星期二就四十，星期二連睇兩場戲都係七十蚊，所以有時都幾吸引。
潮流興儲分，當然UA自己Loyalty Club，或者同八達通都行緊呢個，不過可以試下玩”吸印仔”，幾個印仔有野換，都幾有滿足感。
專門換精品的戲院是否可以諗下，黎緊有自己寰宇出品的《文雀》，出番d精品如雨傘，只係Megabox睇戲先有得換，都可能會谷到d人來。（當然UA東薈城職員會即時拍檯抗議）
shtmanhk
相信MCL德福開幕時也會有票價優惠吸引新客,UA
MegaBox 現在做的談不上反擊,只是盡力保命吧!
且看九龍灣百老滙遲些會否減價迎戰?
shtmanhk
UA自06年頭失去金鐘後,其後兩項業務的決定是否不太明智?
1.接手皇室
2.棄德福做Megabox
沙田重建遲遲未完成,新開的屯門又是否達標?
幸好朗豪坊及時代生意仍是相當不俗
阿橙@我愛查之女
係lor
都唔知UA搞乜鬼..
D新PROJECT好失敗
我諗MCL德福同UA Megabox可以用無線同亞視黎比較
UA Megabox要突圍我睇都幾難!
MM
我諗 Megabox 要突圍都幾難，
先唔理 MCL 德福，
將佢同九龍灣百老匯比都已經唔掂~
第一，交通唔方便，
講真，九龍灣百老匯至少由淘大行去地鐵站都係十分鐘內，但係 Megabox 就起碼十五分鐘~
同埋至少淘大行出大街就有巴士、紅小 etc 搭，
Megabox 都有，但係唔多~
第二，論銀幕，
Megabox 個銀幕真係太細，
間院細唔係一個大問題，
人地 AMCPP 都係咁細，
但至少人地個銀幕都夠大，
但 Megabox o個個真係一味縮細銀幕，
especially 套片係新藝~
相反九龍灣雖然坐得唔太舒服，
但至少銀幕都正常o的~
不過有個問題想問好耐，
究竟 Megabox Cineluxe 同普通院有咩分別?
MM
Re: Ryan
Megabox Cineluxe 係收 $ 90~
當中 $ 70 係戲票，而 $ 20 係美食劵~
迷逃小書童華安
ua得一樣好，就係Ｄ音響好大聲！！連預告都好大聲，這個好好！！尤其是我鍾意睇預告既人來講（唔知係唔係得Megabox係咁…）
雖然Megabox個幕算細，但近觀眾…還算可以…
但ua實在太多廣告，有睇「投名狀」次遲左十五分鐘入場，都仲睇到「長江七號」預告…可想而知有幾多無聊野睇…
P仔
我去過Cineluxe一次,坐位上根本就同1-3,5-6院冇分別,都唔知憑咩收$70+$20.
UA Megabox根本就係極唔方便,九龍灣港鐵站行過去接駁巴士站要5分鐘,又要等巴士,車程又5分鐘,真係極唔方便
Raymond
問題在於離開九龍灣地鐵站範圍到戲院所在商場的一段路，若這一段路像銅鑼灣那樣，大家就不覺得遠了。
上世紀八十年代，灣仔的新華戲院同樣偏僻，若有好電影可看，大家一樣不怕長途跋涉前往。
上世紀五六十年代，每條西片院線只有兩三家戲院，要看戲就要不怕路遠。還有，那時的交通遠不及今天的方便。
Billy
Cineluxe 標榜是超巨銀幕,但它只是”超高銀幕”,寬度原全比不上JP/AMC/GrandCinema等等, 放現在大部份2.3:1的電影, 原全沒優勢可言. 加上”優越”的位置, 非迫不得以我是不會再去的了.
ka
Re: 迷逃小書童華安
…我試過一次在朗豪坊看8點半早場，早到五分鐘，SUPPOSE開場的時間後，竟然有二十分鐘叫人去買零食和預告啊 -______- 結果是等了25分鐘才開始看電影，有夠氣的。
MEGA BOX 只去過一次看HP 3D版。那20分鐘簡直要了我的命=v= 不知道是不是坐得不夠中間的關係，看起上來辛苦非常啊。
迷逃小書童華安
果25分鐘播預告，咁就鍾意喎…
好拍佢播電視廣告…
shtmanhk
和百老滙的做法極端相反
KK
有沒有人知道當年UA會失去金鐘的經營權?其實當年UA金鐘只有1院是闊銀幕,其餘的2,3,4院都是”壓幕”. 反而現在AMC Pacific Place都是闊銀幕.
另外,據說UA沙田重建後會有第2間IMAX影院,此傳言是否屬實?但觀乎Megabox的IMAX影院的情況,片源不足,能否吸引到更多到沙田的IMAX呢?
KK
其實IMAX的銀幕亦沒有想像中那樣巨大,官方網址聲稱其銀幕有5層樓的高度,但我覺得最多只有3層. 有朋友曾到美國的IMAX影院,亦表示香港的IMAX較美國為細小.
KK
等候那些穿梭巴士,令人極之不耐煩,等車連同乘車可能要30分鐘,簡直是浪費時間. 我相信”交通不便”絕對是UA Megabox致命的死因.
shtmanhk
(轉貼)新達經營太古兩戲院
電 影 業 近 年 唔 係 咁 好 景 ， 皆 因 盜 版 猖 獗 ， 但 剛 剛 用 六 十 一 億 八 千 萬 ， 向 中 信 泰 富 買 埋 九 龍 塘 又 一 城 半 數 權 益 太 古 地 產 ， 就 唔 係 咁 諗 ， 佢 重 同 安 樂 影 片 旗 下 新 達 國 際 合 作 ， 一 齊 經 營 商 場 內 AMC 又 一 城 戲 院 。
AMC 九 八 年 開 始 進 駐 又 一 城 ， 連 小 超 電 盈 主 席 李 澤 楷 都 有 幫 襯 。 太 古 點 解 揀 呢 個 場 ， 同 新 達 合 作 ？ 擁 有 幾 多 權 益 ？ 佢 話 不 便 透 露 。
講 開 太 古 商 場 內 戲 院 ， 蘭 西 記 得 ， 太 古 發 言 人 上 個 月 話 ， 金 鐘 太 古 廣 場 UA 金 鐘 戲 院 暫 時 停 業 ， 進 行 裝 修 ， 加 入 一 迎 合 市 場 需 求 設 施 ， 點 知 原 來 第 三 季 重 開 時 ， 已 經 變 由 新 達 經 營 ， 改 名 AMC 太 古 廣 場 。
市 場 消 息 人 士 話 ， UA 金 鐘 停 業 後 ， 太 古 同 幾 間 院 商 洽 談 ， 最 後 交 畀 新 達 負 責 營 運 。 新 戲 院 共 有 六 間 電 影 院 ， 比 之 前 四 間 為 多 。 太 古 交 畀 新 達 經 營 間 戲 院 ， 自 己 唔 插 手 。 蘭 西 想 知 ， 究 竟 AMC 又 一 城 收 入 好 ， 定 係 AMC 太 古 廣 場 好 數 ？
AMC 娛 樂 係 美 國 最 大 規 模 影 院 營 運 商 之 一 ， AMC 又 一 城 同 AMC 太 古 廣 場 ， 係 首 兩 間 由 新 達 取 得 經 營 權 後 管 理 戲 院 。
(蘋果日報 2006-02-15)
01-05年間,最常去的戲院是UA金鐘,看了很多電影,
寬敞的售票大堂及小食部附近的裝設很有格調,其實UA太古城院內的設計與UA金鐘很相似.
★董小玥★
減價都無用，個商埸無嘢行，唔會為睇戲特登入去嚟間戲院，車費計埋都唔會平。
MM
講開 UA 太古城中心，
佢地好似 cut 左間 3 院~
睇番 UA 戲院設施O個個網頁，
UA 太古城中心已經冇左 3 院，
但係唔太清楚幾時開始~
Someone
2 Houses of BIGGGGG IMAX cinema @ Shatin
The new cinema @ Shatin will be GREAT.
維達
不過本人亦愛好UA那些自家預告片頭，連電影預告也不少
假若晚上在朗豪坊觀賞電影的話
那些源源不絕的廣告，比起無線的宣傳易還要難受
個人看過時間最長的預告與廣告，是04年聖誕節在海運看周星馳「功夫」，差不多用了半個小時。
MT仔
相信 UA MegaBox 賣的是 IMAX，大家睇完IMAX又對呢間theatre有咩感受?
我就覺得個銀幕好大，音響都幾好！
但可惜車程問題……
MM
Ryan,
UA Megabox Cineluxe 票價同 Megabox 其他院一樣好似變左無了期，
睇番 Cityline 網頁，
佢都 mention 左直至另行通告為止~
即係 18 號後票價仍然同其他院一樣。
另外，有關於 6 月 30 日前逢星期一至五下午 5 點 30 分前學生 $ 35 優惠，
o係 UA Megabox Cineluxe 都用到~