數星期前，雲翔及劉國昌執導的《無野之城》開始於巴士展開其電影宣傳，當中包括於自五月十五日起於中環、銅鑼灣及彌敦道的巴士站展示如海報款式的大型海報。然而，近期這款海報已被更換至一大群球員疊在一起的款式。
不過，據聞這次海報「換畫」事件，卻源自一宗市民投訴。
據《蘋果日報》引述雲翔所說，事緣一名路過市民接受不了其原款設計，向運輸署投訴。其他運輸署通佑九巴，而九巴於五月廿二日要求片商更換海報，否則便會讓其廣告位「開天窗」，結果即時換上另一款海報來。
新、舊海報除了編排上分別，主要分別在於舊海款只刊出眾人上半身褲子以上位置，新款則看到他們有穿褲子，赤膊上身依然。
雲翔解說其赤膊表達在港打棒球沒有前途，仿如一無所有。有關設計是想引人注意，他嘆香港作風保守得會變成《無嘢之城》。主角梁宇聰直斥投訴人無聊，而女主角董敏莉則指該海報純粹是藝術。據悉影視及娛樂事務管理處收到三宗有關該海報的投訴，並正在跟進。而「淫審處」審裁員張民炳於表示海報因沒露出男士私處，應可通過。
到底這款海報設計誰時誰非，大家又有何意見呢？
Ryan
UncleRay: 其實大家覺得政府是否應該轉介給九巴呢?
Ryan
Switchonann: 相信我們很難阻止人家投訴吧。
Ryan
杜絲先生：香港是自由社會，故此有人投訴。不過，九巴的手法似乎是反應過敏。
Ryan
Raymond: 在哪一方面呢？
Ryan
bbon99：不過有疑問的何不先去問問呢？現在好像投訴未成立先投降，莫非是希望保住企業形象？
Ryan
II：相信沒可能是自願吧。
Ryan
Raymond：明白了。
Ryan
星夢魂：仿如《天旋地戀》 😛
Ryan
眾本無相：不知這是否為企業形象了。
Ryan
4res：因為沒人走去投訴吧。
Ryan
眾本無相：原因當然說得好聽吧。
Ryan
4res: 但九巴發言人卻說了解情況。
Ryan
Cloud：相信不是電影公司講，事件恐怕難以得悉吧。
Ryan
Albert：可能想賣的是另一些東西乎？
Ryan
Ohnus：不然不會見報了。
Ryan
win: 相信投訴人的心態是我們想不到的。
Ryan
Fanny: 現實就是如斯無奈。
Ryan
Nic: 九巴驚俾人投訴而咁搞法，結果揚了出來。
Ryan
迷逃小書童華安：相信政府只是轉介，然後要求給投訴者回覆而已。
Ryan
Maple：說起來也是。
Ryan
14k: 投訴人有投訴的權利，畏手畏尾則是另一個問題。
Ryan
B_Q: 但係有用同入場意慾又未必等同。
Ryan
The Grand會員: 看來也許是有關方面反應過敏了。
Ryan
阿橙: 這樣真不知道了。
Ryan
小飛俠: 相信問題不是在政府，她只是轉介個案而已。
Ryan
大愚俠 史艷文：也許大家誤解了情況。以香港的情況，要求換海報的，該是九巴。
Ryan
Zacky：不妨估估開畫數字好了。
Ryan
大愚俠 史艷文：市民也許向運輸署投訴吧。
Ryan
shtmanhk: 果然日日有新聞。
Ryan
JOE: 到底叫做「藝術」還是「偽術」呢？不知道了。
Ryan
Simon: 日日都賣已經麻木。
Ryan
Simon: 標榜有誠意炒作乎? 😛
Ryan
JOE: 或者呢個才是作品的意思呢? 😛
Ryan
娜娜聲: 相信有都唔慌正面了。
Ryan
犀犀利：一向準則都是時鬆時緊。
UncleRay
香港政府是愈來愈沒有judgement和sense了。
Switchonann
政府最船頭驚鬼船尾驚賊。
琴晚《同事三分親》阿大言生夠露兩點啦，咁個件市民投訴埋佢啦，笨。
至於《無野之城》海報，我覺得設計得幾靚添。
杜絲先生
仲口口聲聲話要推行創意工業？真搞笑
幅海報我完全睇唔出有咩問題，反而投訴人思想就真係有問題喇！
Raymond
再這樣下去，不出廿年，香港會變成沙地阿拉伯了。
bbon99(Grand Thief Auto)
慶幸無人在該海報塗鴉，畫滿紋身。
男人上半身都是一個很性感的部份，難免令人聯想，難免令人不安。
ll
好像是被迫換海報的…..
Raymond
在藝術表達自由方面，用沙地阿拉伯來比喻，表示問題的荒謬而己。9096
星夢魂
都好無聊….
真係e家愈來愈多人濫用機制=-=”
乜都投訴一餐。
擺明2邊都唔想理啦….
新版感覺有d怪怪地~~
眾本無相
又關政府事?
以我所知運輸署只會”通知”九巴有此投訴. 是否淫褻不雅非在運輸署權力內. 運輸署只針對影響交通安全的廣告, 例如會閃動的廣告.
今次抽廣告似乎是九巴自己商業的決定. 情況有如當年地鐵抽起廣告一樣.
4res
剛才聽《五天精華遊》阿芝也有講及是次事件
說到意識大膽的話
某C字頭著名內褲品牌
僅一布蔽體的赤裸男model（還有”mat”大雙髀的動作）的海報豈非更體態撩人？
還一樣照出無誤？
眾本無相
“…情況有如當年地鐵抽起廣告一樣.”
補充: 當年地鐵抽起 “幽靈人間” 的廣告. 原因是 “引起乘客不安”.
4res
是的
整件事情與政府的judgement無猷
運輸處做的動作只是「轉告」而已
決定換海報這個動作的，是「九巴」…
Cloud
個人直覺 – 這似是宣傳的把戲而已。
Albert
講真呢件事又唔可以怪運輸署。運輸署收到投訴轉達比九巴都好正常，係九巴驚得失人客啫。
不過講番張海報以至整個宣傳策略，我只覺得運動員赤膊甚至赤裸都無乜野大不了，但係以此作為整個宣傳的重心，就令人摸不著頭腦。
Ohnus
香港幾時多左咁多衛道之(偽)士o架?幾個男人唔著上身衫，就投訴….咁多雜誌d女星著咁少，又冇人投訴？莫非，男人唔著衫，比起女人唔著衫引起更多人有性衝動 / 性反應？怪！怪！
win
投訴個個人真係OK無聊下喎
Fanny
唉
呢件事令我諗起而家我間中學o既情況
我間母校o既校長因為驚得失d家長
就叫d 老師唔可以鬧d學生
驚俾d家長投訴呢樣投訴果樣…
Nic
咁唔通o係街見到d男人露上身，
又可以即時同警察告這男人咩？
九巴咁做明顯小事化大啦~
迷逃小書童華安
我覺得，只要投訴者再諗深Ｄ先投訴，就唔會發生！！
我一直覺得，投訴人投訴，只係佢見到果一刻果一秒果一殺震撼到佢，就話要投訴，跟本無諗過成舊野既意思！！
做人係咪咁做法既呢？點為之「接受不了」再具體Ｄ都無，佢只係行過，見到果一刻：「嘩，我接受唔到。」無內容個喎，而當局係咪做官既呢？只是一宗，又話要點要點，有無標準既呢？一句「接受不了」就可以成立？
香港只係遠東區一個三流城市！！！！
Maple
之前朱凌凌的《博到單車變摩托》眾人都全裸上陣，海報橫額滿街都是，好像不見這樣的投訴。
14k
正. 三宗投訴玩謝香港廣告設計行業. 香港真自由.
B_Q
其實換個方向諗….即係佢地個宣傳有用啦….起碼引到人注意,有noise
有人提到單車變摩托…..真係成個籮柚露出黎都冇事喎….不過人地係貼街招,想投訴又真係無門既
The Grand會員
我估又係衛道之士既表表者-明x社又一最新力作
…
另外九巴管理層隻眼瞎的, 冇腦的, 是非黑白都分不清, 點去管理間公司呢? 為了一個由鄉村出城且思想封建的投訢人而換廣告. 難道這個鄉下老看見海灘赤裸上身的男人而投訴, 康文署豈不要派出職員勸阻有關人仕?
九巴沒有吸取淫照事件的教訓, 把海報送檢評級再處理, 又搞出問題來.
阿橙@我愛查之女
不如叫果個人再投訴多次睇下仲有冇第3版本!
哈哈!!
小飛俠
自由系什么？
一個人話唔好，“橫巴欄”話好都無用，因為甘樣所謂的文化部門只會考慮一個人的感受。之前周潤發唔記得物戲二十年后首次系電視臺播出，居然要俾人投訴。d人算唔算濫用投訴權呢？好彩好尾都撤銷左處分。香港政府越來越保守，睇怕同大陸的有關官方壓力有關。
如果連張甘個海報都接受不了，叫d人唔好睇未得law！睇嚟都同d仁歧視同性戀有關。如果嚟部戲宣傳無甘focus on同性戀，可能就五會有甘多人投訴。
大愚俠 史艷文
其實運輸署以甚麼理據及權力要求九巴換海報呢？
香港(政府)道德之高，實在令人不知所措……
或者，不久將來，文字獄會再現。
甚麼小狗能擦西，都通通拉去坐牢！
Zacky
有d投訴，就算得一單，有關方面都會做野
有d投訴有成幾百單，有關方面都會以「一般市民接受到」為理由唔做野
好視乎執行單位 (九巴) 本身既諗法
P.S.
聽聞部分男主角上左一個同性戀題材電台節目(全港唯一，就係0個個)
發表左佢地既恐同言論
搞到唔少同志話杯葛唔睇……..
齣電影本身已經差
演員連呢班「純享受視覺效果」的market都得罪埋
再夾埋其他人既口碑
今次無野之城應該會死得好慘
大愚俠 史艷文
但從上文來看，投訴者是向運輸署投訴的。
當然最後要求片商換海報的是九巴。
當中到底是運輸署向九巴施了甚麼壓力，還是其他？
我想，本身九巴的行銷部絕對有一定指引，既然第一稿是出了街的，很相信是在可容許下，接受了這綜生意的。
也許，九巴也是怕麻煩才要求片商轉海報。麻煩是從市民所來，還是政府，這當中只有局內人知道。
還有，到底這個問題，是否應由運輸署處理的呢？
這個我真的不清楚了。
不過，香港之所謂道德高地，的確越來越高，亦扼殺了越來越多的言論，及創作自由，這是很悲哀的！
shtmanhk
無野之城又有宣傳新橋:連環3重賞優先場
6月11-13日晚上9:30於銅鑼灣UA時代廣場舉行”連環3重賞優先場”詳情如下:
6月11日：女仕之夜 Ladie’s Night (所有女士免費入場)
6月12日：健美之夜 Fitness Night (持健身中心會員証免費入場)
6月13日：學生之夜 Students’ Night (持學生証之學生免費入場)
不設預先派贈門券，名額有限，於當晚以先到先得形式派發
JOE
我覺得佢哋自己本身都有責任,唔通佢地本身唔清楚香港既尺度? 今次依件事, 一味係咁話藝術, 如果下下用藝術黎講, 全世界根本唔洗將電影分級~ 色情雜誌都唔洗18歲先買得! 我諗其實香港有唔少人都覺得反感, 差在會唔會去投訴?
Simon
Simon
原本一部標榜有誠意有理想既作品, 竟然要靠呢種炒作o 製作人心態比王晶更低俗……
JOE
之前電台講錯野, 又話香港有言論自由, 相反人地投訴佢, 佢又話投訴人無聊! 由頭到尾大力推銷佢地全裸入戲, 就連宣傳海報都要裸, 咁李安套色戒夠話湯唯同偉仔全裸入鏡, 又唔見人地將佢兩個既裸體當海報! 身為創作人連點樣傳遞該作品既意思都唔識!
娜娜聲
哎呀！錯過0左添，有Ladie’s night，諗住同班姊妹去睇下點樣好似廣告咁講「赤裸」。不過第一張廣告，我一見到都吾多鍾意，d 姿勢姣左d，無d 運動員對比賽、對前路的希望，或者team spirit。如果好似作者話齌係對棒球的無前景的無奈，都吾需要賣肉。好可惜。俾人地的印象吾好，對家長俾小朋友學棒球的意慾都吾知有無影響呢！
犀犀利
完全不知道是哪來的標準, 王晶導演那些意淫的電影poster放在街上就沒問題!?