香港的片名改法，可以說是五花八門，甚麼方法也有可能見過。然而，怎樣改都好，都不能亂改。因為「唔怕生壞命，最怕改壞名」。
然而，最近卻有一部電影的名字，卻因為過長而累事。
上圖所見的電影，便是荷里活愛情喜劇《Over Her Dead Body》，中文片名卻是《我男友搞乜鬼…有隻死鬼未婚妻》，全片不計標點便有十三個字。
片名這麼長，去到戲院售票處，單是要求讀出完整片名，也許已經是一件苦差。而中文版海報前面六字亦扁得緊要，不小心地看的話隨時讀漏也不知不覺。
片名過長，雖然看似沒大礙，不過實際上卻令不少觀眾不經不覺的感到過於奇怪，反而對電影出現一定的戒心。而且，片名太長又難記，令到電影若要成為觀眾間的話題也不易。
結果，這部片名長長的電影，上映十一天僅收八十二萬，真的不算理想了。恐怕日後發行商改片名時，真的要留意一下。
Ryan
路人丙：弊在而家長到唔想講 😛
Ryan
14k：那些看厭了。
Ryan
ju：《波叔出城：哈薩克鄉下佬去美國搵著數》一樣長得緊要。
Ryan
Paul：但敢說全無影響麼？
Ryan
杜絲先生：無吸引力其一，片名難頂再踩多一腳。
Ryan
Tony：其實唔避都唔覺有太大問題喎。
Ryan
shtmanhk：總覺得其實理應收百萬似的。
Ryan
hd-dvd_rip：台灣跟香港改片名是互有優劣的，日後或另文探討。
Ryan
董小玥：也許排陣也有關係了。
Ryan
Nic：買飛果陣要講返出來就難搞少少囉。
Ryan
Cody：港譯加上愛情兩字，也要想過才這樣改的。
路人丙
文雅D可以叫”他的未婚鬼妻”，衰Ｄ咪叫”跟住佢有隻未婚鬼”。。。:P
14k
還有”奇俠”興”奇兵”系列.
ju
我想上一套有咁長中文名的西片應該是….
“羅密歐與朱麗葉後現代激情篇”
不過應該無今次這一套咁難記.
Paul
其實《我男友搞乜鬼…有隻死鬼未婚妻》係美國都票房慘敗, 故小弟相信此片中文片名過長並不是此片香港票房慘敗的主因.
杜絲先生
其實直接叫《有隻死鬼未婚妻》咪幾好聽囉，再加「我男友搞乜鬼」上去真係多舊魚，不過我認同呢套戲票房慘敗並非全因為片名
Tony
連明報影評咁專業都只有半個片名!!
《有隻死鬼未婚妻》（Over Her Dead Body）是幾「盞鬼」的美國新愛情喜劇，不過英文和中文片名都太「抵死」，雖然符合劇情，但如果避用死字可能更有吸引力。
shtmanhk
11天收82萬,以此片的題材及卡士,其實已算是超額完成.
hd-dvd_rip
講起失敗戲名,突然諗翻起好耐之前睇過一個介紹台灣嘅電視節目,個節目講到台灣嘅戲院,當時上緊AL PANICO同MICHELLE PFEIFFER做嘅”現代愛情故事”(FRANKIE AND JOHNNY),但係台灣個戲名改做”性。愛情。漢堡飽”,笑死我!
switchonann
不如就叫”抵死未婚妻”啦~~仲短
改片名係好考功夫, 最近同個朋友傾起至覺”奇緣”用得好濫. 遲d有套戲 Penelope叫”豬法奇緣”, 我就覺得改做”貴族少女豬事丁”仲正… haha
董小玥
本來想看嚟套的，但係太少戲院上畫，上的戲院又唔方便，所以無去過，唯有等出碟。
Nic
始終片名用”死鬼”唔係咁吉利嘛..
其實我覺得片名長短又冇乜所謂呀..
只要係好片就得啦~
Cody
近年改得好聽既我覺得有cash back愛情回水,簡單直接