《圍。城》之虛擬現實？

請注意電影節從沒有把圍城列為「世界首映」，不要在此誤導大家。只是把「世界首映」的無野之城同日作首映(可能意思是電影節首映)。

我想問下原意想反映D咩架，想反應天水圍既童黨問題？或是其他？
如果係既時候，我想問點解要選擇天水圍？係因為天水圍既童黨特別嚴重？
又好似唔見得吧，近年天水圍已經被外界標籤得好嚴重，「天水圍城」「悲情城市」我相信無一個香港人唔知道，但事實天水圍係唔係咁一文不值，我相信自殺、家庭問題每一個社區都會有，點解要標籤天水圍呢？
呢部戲我睇左首影啦，其實我好欣賞呢部戲既內容，演員都做得唔錯，可以反映到童黨既問題，比到我好多既衝擊。但我睇完之後我好唔開心，唔開心唔係因為戲既內容，我唔開心既係戲再一次將天水圍標籤成為一個負面既城市，一個滿是童黨問題既地方，我個人覺得對天水圍既居好唔公平，每一個區都有童黨問題，我想信唔單止係天水圍，但點解要選擇天水圍？係因為天水圍被人標籤慣？或是天水圍人易被人「蝦」？
我相信天水圍有很多值得我們去欣賞地方，而唔係你或外界所描述滿是負面問題社區。