大家看到上圖，會聯想起甚麼？旺角西洋菜街那些派街張的人？非也，她是一名戲院職員。
一般來說，戲院職員大都只會在戲院範圍工作，何以這位職員卻要當上「企街」來？
上圖所見，是攝於年三十晚銅鑼灣皇室大廈外，一名身穿UA戲院制服的女職員拿著一堆黃色的紙條，不斷地派給前往皇室堡商場的觀眾。
該張紙條，跟戲院相片櫃貼出的指條一樣，是寫著UA皇室戲院的「震撼子夜場」，分別上映《功夫灌籃》、《L之終章－最後的23天》及《長江7號》，約在凌晨二時許開場。然而，戲院何以要到街頭派單張，莫非入座率真的不太理想？
坦白說，自從UA皇室戲院的售票大堂由一樓遷上四樓後，戲院的生意可算是大不如前。單從商場看來，幾乎察覺不到該商場有戲院的存在。以昨晚約十時觀察所得，正當UA皇室戲院的子夜場仍剩著不少座位之時，相隔對面的MCL JP銅鑼灣的子夜場已告滿座，當中《長江7號》還要加開深夜場03:15。UA皇室相比之下，實在相形見絀，怪不得要即時「企街」宣傳來爭取入座。
Ryan
fgfrff：皇室最初開幕時是永高經營、後來變成安樂旗下、繼而易手了娛藝（UA）。當年安樂時代可算是最風光的年代。
Ryan
路人甲：因為一樓的舖位收租極具潛力的，整個皇室堡一至三樓的舖已全新「洗牌」，連屹立多年的玩具反斗城，也要由四月起搬上七樓了。
Ryan
當下：有朋友近日到皇室戲院，發現新份座位更是爛的，難度真的想等摺埋？
Ryan
迷逃小書童華安：聞說UA與商場管理方面曾因為搬上四樓後情況鬧出官司來，難度是「陰乾」戲院的手法？
Ryan
14k: 相信UA也始終不及，接手無耐就要搞成咁。
Ryan
Victor: 間戲院真係好唔掂喎。但你結果係退票還是看朱延平作品？
Ryan
Victor: 《L之終章》看了，是一部「撈油水」之作喎。至於銀都，初一至初四收$45。
Ryan
維達：當年農曆年爆滿的，有MCJ JP前身的翡翠／明珠同埋近天后站的百樂戲院。而年三十所見，JP銅鑼灣的戲票一早爆得緊要。
Ryan
維達：的確如此，給觀眾多一個選擇。當然，還不望這些情況常常出現。
Ryan
guest: 租未必平好多，但係買預售的要騰上四樓再落返黎的話，就會去JP銅鑼灣了。
Ryan
文少：UA皇室的票價，其實唔算特別平，JP都貴的。
Ryan
Raymond: 而家根本係阿蘭嫁瑞，早幾個月未出牌，要爆谷都唔賣得。
Ryan
JJ: 其實百老匯時代的皇室Palace院與現在的已經不同，當年係得36個位，但用按摩椅咁滯，而是只係闊少少而已，有七、八十個位。
Ryan
JJ: 其實壟斷不一定是雙贏，計收入才最重要。看起來百記比起ua的收得多一點。
Ryan
Victor: 都唔一定既，始終palace apm貴成十五大元。
Ryan
Victor: 基本上，皇室戲院的Palace院，跟當年相距遠矣。
Ryan
Joe: 座位水平，買飛要騰上四機，已經係致命傷。
Ryan
Someone: 其實除了宣傳品外，觀眾亦不會神心地為求購票而走上四樓的，而家跟人說皇室堡沒戲院都唔一定無人信。
Ryan
fgfrff: 呢種營運態度，執只係遲早問題。
Ryan
ua: 之前因為續牌照搞到上法庭，想續到約都幾難。
Ryan
shtmanhk: 多謝補充。其實呢點好視乎該集團會否有新戲院落成 (例如UA沙田重建幾時完成) 等因素。
UA朗豪坊較旺角百老匯高收也很合理，畢竟座位數目較多。而五間高收戲院中，三家位於旺角。至於入座率高的戲院，由於座位數目未必多，故此票房收入未必入榜。
Ryan
shtmanhk：似乎嘉禾旺角雖然也屬旺角區，但位置相對較差，院多也沒用。
Ryan
shtmanhk: 租約期滿，難怪座椅爛了也不換。
Ryan
Raymond: 大家心中有數了。
Ryan
路人乙：其實致命傷係售票處由一樓搬到四樓，搞到人地以為商場無戲院咁。而家真係無囉。
Ryan
shtmanhk: 地產商覺得物業繼續升，租黎做舖好過做戲院，無橋。
Ryan
shtmanhk: 大家不妨想想，這個項目會否四大院線其中一家經營？
Ryan
Ben: 這是一個商業社會下的產物了。
Ryan
Raymond: 現在已經截然不同。隨時屯門票房高過沙田。
Ryan
shtmanhk：恐怕機會甚高了。
Ryan
shtmanhk: 明天看重播就知談甚麼了。
Ryan
shtmanhk: 相信價錢亦未必平。
Ryan
JJ：基本上，香港不少戲院經營不易。而很多商場也寧做舖不做戲院。
Ryan
shtmanhk: 早期皇室戲院，其實是永高經營，首播電影為《夢醒時份》及《飛越長生》。
Ryan
shtmanhk: MCL德福 該在今年年中開幕。
Ryan
shtmanhk：計起來以人口來算，觀塘區有回戲院是需要的。
Ryan
知情人: 多謝補充，因為這個情況其實甚少見。
fgfrff
現在皇室真係沒人睇，想當年百老匯時代由地下樓梯排到一樓售票處。
路人甲
其實不知是什麼原因UA皇室要由一樓搬至高層。
此舉令UA客源大減(至少我成年冇去過XD)
當下
除上述原因,水平座位排設也是問題之一,裝修後亦如是,令人失望.
迷逃小書童華安
就算搬左上四樓，皇室佬都應該「加送」特大廣告在樓下！！！！比人知皇室佬是有戲院的！！！！！
14k
以地產為主的購物中心. 其他的收益不會重視.
UA底死.
Victor
皇室戲院真係好唔掂，今朝以為執到寶9:20去Palace睇平價早場，點知銀幕收細陣壞，投映機影像一樣唔識校細變番16:9，到10點都整唔掂，結果退票收場/轉去隔離睇功夫灌籃，認真掃興。
Victor
我一心去睇L 之終章‧最後的23天，做乜要監我睇第二齣戲?所以退票囉，況且功夫灌籃去寶石/影都/銀都/華懋睇全日都係$30之嘛。我會寫依貓去UA反映意見喇。
維達
百老匯時代的皇室,的確旺場
但風光不再,現在最旺場的,相信是MCL洲立旗下JP銅鑼灣
機乎每晚滿座,就連公眾假期的午夜場/子夜場亦一一爆滿
JP銅鑼灣以港島區少有的闊銀幕,高質素音響與座位,當然其地點方便,得到不少觀眾支持
維達
其實戲院有這做法,是因為經常有不少觀眾,只在看電影消磨時間(e.g阿伯),不介意看甚麼電影
因為戲院才有這措施
當然一般戲院亦會提供退票服務
guest
想當年
成個銅鑼灣d 戲院都係皇室咁o既質素，梗爆啦
今時今日，好過皇室o既戲院多的是 (連總統都重新裝修。p.s. 我懷念以前大戲院) ，加上上左四樓，生意差又係梗o既，但相對地租都平左好多……
文少
要我騰上四樓買飛﹐加上隔來就有JP﹐又可以去總統﹐皇室D飛又唔係特別平(印象中總統﹑JP係平過皇室)﹐比我都唔去皇室。
Raymond
看樣子，UA–皇室命不矣！
JJ
一如本人所說,凡是ux院線的戲院一定不會便宜.因他們一向的策略是中高價錢,平價促銷並非他們的做法.以前百老匯時期皇室Palace入座率低,會把票價低調由120元減至80元.但現在的新主人是不可能的,寧願零入座也不減價.
JJ
幾年前開始,當ux和百老匯巧合地大家互換戲院,皇室跟了ux,金鐘跟了百記,意義其實十分重大.即百記壟斷了中環和金鐘區戲院,ux壟斷了銅鑼灣區戲院.大家win win,無需大家鬥便宜做低票價.
Victor
係呀，套戲用《死亡筆記》去包裝一個老套生化危機古仔，睇完有被笨感覺。
銀都學人玩新年削優惠，唔知入座率有冇急跌至新低?
Victor
皇室Palace已平民化，除平日夜晚同禮拜六日比皇室貴重$5外，其他時段票價同皇室一樣。
Joe
感覺上, UA 皇室好似垂死掙扎咁, 自從搬左售票大堂後, 生意真係差左. 因為商場外牆或樓下大堂又無大型廣告牌, 可能好多人以為佢執左. 戲院本身座位唔舒服, 水平座位設計亦是一致命傷.
Someone
幾年前, 4樓而家UX皇室售票處個位係一間日本餐廳, 餐廳結業不久, 百記就收到通知話售票處要搬上去4樓, 百記高層當時走去個吉舖研究左好耐, 最後因為開出既舖租不及UX而退出, 其實我覺得百記退出係明智的, 以前售票處係一樓, 起碼有個大海報櫃向街, 而家一D宣傳品都擺唔到, 邊個知有間戲院係度?
fgfrff
我估皇室幾個月都停業
ua
聽聞過完年就會摺…好似係因為續唔到約…
shtmanhk
今期 iMoney 智富雜誌有專題講戲院爭奪市場,重點是專訪UA揸弗人,主要提及 UA 今年目標是將市場佔有率由30%增至40%(和百記睇齊)
文中列出去年收入最高五大戲院:
1.UA朗豪坊(7000萬)
2.旺角BC (6500萬)
3.AMC 又一城
4.UA 時代
5.GH 旺角
JJ
旺角區很厲害,5大有3間,旺角bc即使加了朗豪坊這對手,仍排第二.記得以前旺百1院在嘉樂線時是全港最高收入戲院.
shtmanhk
更正去年收入最高五大戲院收入:
1.UA朗豪坊(7100萬)
2.旺角BC (6200萬)
3.AMC 又一城 (5200萬)
4.UA 時代 (4500萬)
5.GH 旺角 (4400萬)
shtmanhk
UA皇室將於2月28日起進行內部裝修，全院暫停營業。
http://www.uacinemas.com.hk/publicUA/news/news_detail.jsp?code=NEWS080215
Raymond
恐怕要結業了！
路人乙
佢地出左呢個notice,好明顯係做埋呢個月唔做啦, UA d商層都冇腦既, 當年百記唔要皇室, 佢地就要左呢間戲院, 人地梗係睇唔好呢間戲院先至會唔要。
shtmanhk
UA 接手 皇室至今剛好兩年,租約期滿大劉順勢摺埋間戲院,繼新港後再殺多間,同岳少一樣旗下物業唔再租俾戲院商.
銅鑼灣步尖沙咀後塵,戲院逐間結業,兩區各只剩下三間.
另外除了安樂壟斷了中環和金鐘區戲院,嘉禾也獨佔
尖沙咀旺區
shtmanhk
據知尖沙嘴凱悅酒店重建項目ISQUARE，會有一間戲院，共五個廳一千個座位。
ISQUARE 預計2009年底落成
Ben
港島區已經冇乜戲院了，仲要摺…
得番d貴ge….
Raymond
六七十年代，都是旺角、油麻地區的戲院票房佔優！
shtmanhk
今日應是UA皇室的 Last day ,相信下埸會和新港一樣一笑:家陣大劉唔再需要好似以前咁成日包皇室幾行同女朋友拍拖睇戲,所以摺埋皇室間戲院都冇乜所謂
shtmanhk
今晚港台節目香港電影月第一集正是講戲院,據知會訪問 UA 揸弗人
shtmanhk
尖沙嘴凱悅酒店間戲院,照計嘉禾唔多會接手.
JJ
香港的高地價玩死左很多行業,戲院是其中之一,本來高地價不是大問題,只要零售業把產品賣高d價錢就可以解決,弊在香港市民一向不太受高價錢買貴價貨的概念(日本,歐洲是表表者),而且經營者之間的競爭也很大,難以把訂價不斷提高,造成這個現像.更甚的是,地價高,經濟好,代表會不斷加租,造成經營零售業者面對的”惡性循環”,香港的高地價和業主大晒的情況亦間接令香港市民的視野狹窄左很多,因為很多知名的外地品牌難以打入香港做生意.
shtmanhk
港 台 製 作 的 《 香 港 電 影 月 》 頭 炮 主 題 「 電 影 與 戲 院 」
曾 經 戲 院 是 光 影 殿 堂 ， 大 銀 幕 及 闊 座 位 沉 澱 了 電 影 最 華 麗 的 回 憶 ， 也 是 凝 聚 城 市 人 口 的 重 要 地 標 。 今 天 老 戲 院 一 間 接 一 間 拆 卸 ， 觀 影 活 動 移 至 商 場 連 鎖 影 院 放 映 室 或 家 中 ， 這 當 中 有 那 些 事 不 見 了 、 變 了 ？
導 演 黃 修 平 及 作 家 陳 寧 談 《 色 ， 戒 》 ； 「 文 雋 會 客 室 」 今 晚 專 訪 陳 慧 琳 ， 下 星 期 則 有 陳 可 辛 。
日 期 ： 2 月 27 日 至 4 月 9 日 （ 逢 星 期 三 ）
時 間 ： 7:00pm （ 首 集 10:30pm ）
頻 道 ： 亞 視 本 港 台 ， 另 港 台 網 上 廣 播 站 作 視 像 直 播 及 重 溫
shtmanhk
專訪文章:UA 院 線 技 術 總 監
40 年 放 映 員 夕 陽 紅 50 載 電 影 珍 藏http://appledaily.atnext.com/template/apple_sub/art_main.cfm?iss_id=20080227&sec_id=38163&subsec_id=6038907&art_id=10798745
KK
百老匯沒有在尖沙咀地區經營戲院,不知道安樂是否有意在該插旗,繼中環(PALACE IFC)及金鐘(AMC Pacific Place)後,再次造就高票價的戲院呢?
JJ
如果有去過其他先進城市旅遊見識過的話,香港的戲院給人的外觀感覺其實相對頗”寒酸”,原因在於香港的地方實在太矜貴,土地成本高,太著重眼前的經濟效益.本人曾到過地方不算多,但也去過中國大陸,台灣,泰國,韓國等先進戲院,只是戲院大堂的面積,已相當寬敞,特別是韓國和泰國,戲院大堂可以大到有十幾個籃球場咁大,樓底幾十呎高,放了很多梳化,設計相當美觀和舒適,凝聚了大量愛看電影的觀眾.在香港真的到處都很擠逼.
shtmanhk
皇室戲院的情侶座位是開先河的設計,是當時一大selling point,星光天花板也很特別.
皇室戲院是否92年尾開幕?
記得新港戲院(同是大劉物業)是93年暑假開幕,但忘記了安樂何時接手兩間戲院?是否94年頭?
shtmanhk
kk:尖沙咀間新戲院,安樂確是有機在該區插旗,有司能是 palace / amc , 不過 UA 也大有可能,佢地希望今年以後將市場佔有率由30%增至40%,同百記睇齊.
至於 MCL,如果爭到黎做就真係發展迅速,德福重建就快完成,今年MCL 將共有6間戲院,超越嘉禾.
shtmanhk
Ryan:東九龍區戲院越來越多,逆市而行
知情人
據我所知 每年o既年三十晚o既子夜場
每套戲o既收o既錢 都每分一部份俾員工做bonus
(例如:某某港產片全部俾晒員工，某套西片分6 成至4成)
無三十晚嗰場午夜場後 返工d 員工都會打卡收工
因為子夜場係無人工收 純粹係收子夜場o既bunus
所以你張相所做o既野，我信相唔係ua叫佢地做 ，係佢地自己做