早幾天，郭子健執導第二部作品《青苔》舉行慰勞宴，當中主角余文樂被問及於去年接了七部電影，卻被指濫拍。而余文樂則表示合作並不覺得導演的戲差。
到底余文樂是否濫拍？
要回答這個問題，先要理解余文樂去年演出的情況，余文樂去年接拍並於戲院上映戲院的電影，包括了《男兒本色》、《塚愛》、《破事兒》，而《軍雞》及《花花型警》則即將上映，還有不能排在戲院開畫直出影碟的《危險人物》及《男才女貌》，一共七部。
七部電影中，他在《男兒本色》、《花花型警》及《危險人物》均演警察。前兩部作品飾演有型差人，後者則演出一名於黑白兩道之間徘徊曾是臥底的角色。至於佔戲不多的《破事兒》，則是飾演一名初階殺手。而《軍雞》則是飾演暴力少年。五片除《破事兒》外，均有不火動作演出。
至於《塚愛》及《男才女貌》，均是愛情片類型。不過從效果外，兩片的重點似乎放於女角多於男角上。
從上述情況看來，雖然余文樂去年接拍了七部電影，可是實際上，只是在兩個類型上演出。余文樂近期在《青苔》又演臥底警察，結果令余文樂再次被定型於警察及臥底類動作片的演出。在愛情片方面，余文樂的發揮不多。以這樣的情況，即使拍了七部電影，其實對在演技的訓練，實在非常有限。
余文樂其實外型不俗，不過問題在於他的面部表情變化不多，結果在演技上多年來存在局限。現在情況看來，已有被定型之感。
回到主要問題，大家又覺得余文樂是不是濫拍呢？
Ryan
杜絲先生：但長拍對演技來說未必是好事。
Ryan
Nic：其實余文樂先天在表情上變化不多，故此表現十分視乎角色及戲種。
Ryan
FlyingDonkey：難道他無警不歡？ 😛
Ryan
路人甲：暫時仍未清楚。希望今回郭子健在風格上可聚焦多一點。
Ryan
DMA：倒不如問大家何謂濫拍？
Ryan
神舟：去年香港製作50部計，7部便佔去一成半。但用比例咁計就有點問題。
其實這個問題被報章說成「濫拍」有點炒作成份。
Ryan
4res：當年雷宇揚也十分經典。其實余文樂問題係在於角色變化太細。
Ryan
Paul：人家的意見，認不認同是第一個問題。這條問題是頗主觀的。閣下又有何看法？可否再闡釋一下。
Ryan
董小玥：其實接戲的問題係角色發揮，如果以「搵食」計，價錢合理當年會接。之不過若果每次款式幾乎一樣的話，恐怕影響戲路。
Ryan
Paul: 其實個問題在於，外國有正統的渠道訓練演員及可流到商業電影市場，香港方面相比起少得多。
Ryan
Paul: 關於接戲問題，其實很睇自己的市場價值，沒有價值的話，依然要包括「有工就開」的心態。
Ryan
歷蘇: 近年鄭伊健好像在影壇也不太活躍。
Ryan
澳門joe: 但這種拍法也要睇命水，近年盧巧音接戲也不少，但大家總不覺得她的演技好在哪裡。
Ryan
purplebaby: 其實拍得多部便叫濫拍，這個在原本那間傳媒的定義已出問題了。
Ryan
二虎: 抱著搵兩餐心態當演員，可能最終連糊口也未必做到。
Ryan
Paul: 其實林家棟的轉營，當中也要有一定程度的付出的。
Ryan
華華：請先看看羅家良在《電影鴨》或《失業皇帝》的表現好了。
Ryan
Paul：畢竟電視跟電影有不一樣的要求。羅嘉良的舊作爛味實在太重，「洗底」也不易。
Ryan
ver：其實不能說濫拍，只不過他的角色定位太似，對觀眾及他自己來說都唔健康。
Ryan
阿卜：其實拍得同類角色多很易定型，但係唔拍又驚無錢開飯，實在難做。
Ryan
阿卜：也有可能，但係如果唔試，演出亦會十分局限，並唔係好事。
杜絲先生
響香港的確拍動作片最好搵，觀乎佢上年拍既電影票房都唔算太差，
算係成為中小型片既中流砥柱，至少好過唔少人-張家輝、吳鎮宇等…
Nic
自問不太懂欣賞余文樂的”演技”了..
雖然佢曾拍多部電影，但佢的表情及聲調如一，拍愛情片尤其明顯…
佢往年在逆市中也能拍7部戲，但又有能幾多人記得佢擔正了幾多部呢？…
FlyingDonkey
男才女貌都是做交通警 🙂
路人甲
他的演技當然沒有Ryan上次介紹的李彩嬅這麼差
但顯然不太討好…
不知《青苔》是否警匪片呢?
觀乎上次郭子健的《野。良犬》,槍戰場面拍得真兒嬉
DMA電影紀念品平台
如果這樣說的話，當年劉德華跟梁朝偉，也有過不短的濫拍期。
神舟
不如大家諗諗，今世何世!?
有戲拍經已好好啦! 7部點算濫拍呀! 一年拍17部-70部就話濫拍嗟!
都要食飯架嘛! 香港市場唔係大陸唔係Hollywood，唔係一年拍一部戲就夠食架!
4res
說到濫拍的演員
我第時間想起以前的黃秋生和李燦琛,甚麼好片爛片都會見到他們
余文樂的7套也許還相差很遠
說回余,儘管他的演技沒有出彩的表現
但我覺得在年輕一代當中,已經比較出色的一位了 🙂
Paul
爾冬陞 曾經講過一位演員要成為真正好演員, 便一定要盡量多接戲, 好片爛片都要演, 從而累積經驗.
★董小玥★
咁又係吖，好似章子怡，都接過爛片啦，佢咁紅都試過客串，就算周迅都試過演爛片，演員有時真係好被動，尤其嗰d人情牌的爛片，真係有時不得不接。
Paul
我覺得以外國的環境, 爾冬陞 的言論未必正確; 但他的言論卻十分適用於香港影壇.
而家香港最好戲個批演員 (ie. 任達華, 黃秋生, 劉德華 等), 都是曾經有瘋狂濫拍的日子. 可能因為那時香港片拍攝太快, 演員無時間係一個set慢慢學野, 唯有以快打慢, 接多d片累積更多經驗.
當然, 有時候演員還需要高人指點, 才可開竅. 劉德華當年的問題跟現在的余文樂有d似, 後來經王晶指點, 才可把自己的演技潛力盡情發揮.
我想余文樂需要的, 是一位能令他開竅的高人而已.
Paul
其中一句更正: 可能因為那時香港片拍攝太快, 演員無時間係一個set慢慢學野, 唯有以快打慢, 接多d片累積更多經驗? (加問號, 係因為我未算太熟香港電影的拍攝程況. )
btw, 發現香港影壇通常多d演員係首先是大濫拍, 之後演技好左, 接戲亦較嚴謹; 反而歐美影壇則較多演員是初頭接戲比較嚴謹, 之後演技好左, 然後先開始大濫拍….
歴蘇
佢梗係等錢洗,所以先拍咁多。又或佢係啲冇乜遠見及理想的演員, 只想及時揾快錢。
但花無百日紅, 佢咁拍, 都冇法。不過, 站在觀衆的立場我會開始覺得佢似另一藝人–鄭伊健, 真係一睇個名就悶。
澳門 joe
濫拍與否,其實好在乎點睇…
如果佢無市場,又或者”唔岩數”咁..
自然就會俾市場淘汰,想拍都無得拍
我認為最主要係要做一個香港演員,係好需要經過濫拍期的,以前周潤發,劉德華,周星馳,以至近d既古天樂,邊個無經歷過呢個時期,而且,濫拍有一個好處,就係可以洗底,將佢以前歌手的身份洗晒,變成一個”電影人”,情況就如古天樂,食正九十年代尾的香港電影最後一趟水,乜都拍,成功咁將電視形象過檔去電影
purplebaby
RYAN问了，何谓滥拍？
我觉得是重量不重质的作品拍摄
但乐仔接的几部没有不重质吧？
今年拍的陈英雄导演的”I come with the rain”
听说有份参与嘎纳
角色可以类同，但要在角色上寻求突破就要花功夫了
Paul
十分同意. 講得好過我多多聲. :p
記得林家棟當初簽劉德華間公司時, 劉德華向林家棟表示佢首先要用數年時間黎洗脫[電視味]; 始終在香港, 演出電影,演出電視和演出舞台劇的方法是很有分別的 . (單看林家棟在去年下旬一些電影的演出, 看來他已成功洗脫[電視味])
二虎
大家都是搵兩餐吧…
華華
同意,我較為欣賞同埋最近的,起碼完全無左電視人要”入屋”既枷鎖:)
可惜例子:羅嘉良,請睇睇簽寰宇之後做過D乜?三岔口其實都做得唔錯架啦…..
華華
可惜例子:羅嘉良,請睇睇簽寰宇之後做過D乜?三岔口其實都做得唔錯架啦
Paul
寰宇為羅嘉良狂簽國內劇, 雙方都豬籠入水. (羅嘉良曾表示他現時的收入, 比在無線時的收入高很多)
只可惜寰宇未安排為羅嘉良接更多電影..
ver
我也認為被說濫拍是因為
有些角色定位相似
但仔細去看
可以發現每一部的劇情都是不同的
而且我也覺得演員要透過經驗的累積
才能磨出演技
才能明白如何表現出角色特性
因為我也很高興有這麼多的片可以看
所以我並不覺得是濫拍
畢竟演員也是要養家活口的
阿卜
我覺得余文樂心態係用數量磨練演技
亦似係有人教佢咁做
問題其中之一係角色類型太似
即使有變化
但大部分觀眾唔會同你慢慢睇清楚
今次個警察同上次個警察有咩分別
再加上佢本身形象唔好
「無演技」兼「奶油小生」形象深入民心
(暫且不論真確程度)
演得多片觀眾會更覺佢演爛片
對佢自己而言
少接觸其他角色
自然少機會鍛鍊豐富層次演技
問題二係
拍太多會有疲態影響表現
尤其是佢根本未有能力駕馭咁多戲
睇得出佢好累
演出水準極不穩定
軍雞、危險人物幾好
甚至男才女貌我都覺得OK
但花花型警真係唔知似乜
其實就算男才女貌
都覺得佢一套戲裡面水準一時一樣
同高圓圓訂情0個段真係呆滯得緊要
無錯好多演員都有濫拍期
但策略可能只適用於個別人身上
雖然余文樂唔係咩奇才
不過以佢同期0既男演員來講
佢算係好唔錯
有進步(不過速度一般…)
而且睇得出佢都有心想做好
如果因為濫拍問題而死
都幾可惜
阿卜
我相信而家叫余文樂做其他角色
例如一個普通白領
佢可能都呆左
唔知從何入手