位於九龍站的The Grand Cinema雖然開業已經兩個多月，不過對不少到過此處的觀眾來說，除了座位一項外，其他部份似乎仍有著大的改善空間。觀乎戲院裝修得美輪美奐，可是在管理方面卻真的可以用未如理想來形容。
今天，就齊來細數The Grand Cinema管理上的七宗罪。
The Grand Cinema由洲立轄下的MCL院線所管理。MCL院線的其他戲院中，最多銀幕的只有將軍澳戲院的五個銀幕，比起其餘三大院線（嘉禾旺角八個銀幕、昔日AMC又一城十一個銀幕、昔日UA沙田十個銀幕）起來，未有過管理極多銀幕的經驗。於是帶來不少問題。
排隊購票混亂
The Grand Cinema的售票處位於入口處，設有購票窗口約六至七個。當中兩個闢作電話及網上訂票專櫃，一個則為渣打白金咭專用。其餘其他觀眾，無論即場或預售，均要排成一隊輪候其餘三至四個櫃位。以一百人的人龍來計算，每個櫃位有過二十五位觀眾在等候，觀眾平均需等候超過30至45分鐘才可購票。
整個問題，先是先天預計觀眾購票櫃位比例不足，繼而是因其售票系統不濟，硬闢兩個櫃位作網上及電話訂票出票用。倘若這批觀眾可使用自動出票機出票的話，便可善用多兩個櫃位疏導人潮。
同時，對於開場前兩小時的場次，何不開設即場專櫃？一來加快促銷，二來也不用這批觀眾因看見人龍而打退堂鼓。
小食部欠人手
排隊購票後，臨入場前又要排另一輪隊，就是購小食！小食部收銀只設一個，實在戇居！人家如Palace apm又或是嘉禾旺角至少也設兩個，以12家戲院來自居的The Grand Cinema，實在不成比例。觀眾看其人龍，買小食的興致又少一半。
小食質量欠佳
購得小食不要開心，因為小食的質素亦是The Grand Cinema的問題所在。例如腸仔每每都從熱櫃夾埋，放進膠兜，然後等了不知多長才賣給客人。至於忌廉芭芙的冷盤亦只是預先放好。結果觀眾在等候一輪後購來的小食，應熱的不熱，應凍的不凍。幸而是次未有資源將其樣本送去化驗，不知結果又會怎樣。
入場混亂非常
到了入口，只見入口處迫著一大群觀眾，然而戲院職員聲嘶力竭地講某個院入場，可是後方的觀眾根本聽不見。這個完全是戲院職員及觀眾「雙輸」的局面。其實真的要宣佈入場的話，何不用播音系統甚至最基本的「大聲公」？而且該戲院的電視屏幕極多，騰出一個顯示哪間戲院可以入場，比起堆到入口處才得悉仍未入場在旁苦候更佳。
節目配套失誤
The Grand Cinema嘗試在入場後搞些《花鼠明星俱樂部》真人公仔合照活動，可是在戲院入口通道拍照之時，卻撞正二、三百名觀眾入場入內看戲的情況。結果公仔被入場觀眾推撞，職員殊不好受。而通常充斥大量觀眾，根本無法拍照。這些活動安排，不是應一早計劃好不會在人多之時才做麼？如斯安排實在是荒謬之極。
廁所指示混亂
入場時若要去廁所的話，只得兩個方法，一是利用戲院下方通道去廁所，二是利用入口處再下一層前往。前者欠缺指示，廁所在哪看不到，如廁後返回所屬哪家戲院亦無指示，不少觀眾因此「去錯戲院」。至於後者，其樓梯設計狹窄兼空心，穿高跟鞋女士很易「叉錯腳」。相信急著去廁所的朋友，宜多預時間。
散場亂作一團
觀影完畢，當大家想散場之時，卻發現下方的散場位置卻未能使用，又要用回入口處原路散場。將入場及散場位置放在一起，只是增加戲院管理的難度，同時亦令到入口處已出現的樽頸問題惡化。既然戲院已安排下層出口位置，何以不用？難度是散場位置欠缺人手而索性不用？
以上七宗罪，均與戲院先天問題關係不大，而是管理方面未能照顧觀眾需要而出現的管理問題。而且這些問題理應可以避免。不過觀乎戲院情況，似乎人手嚴重不足，成為了問題的主要核心。MCL首趟管理如斯大型的戲院，宜針對情況，不然的話，恐怕混亂情況比起「昂坪360」更甚，難叫觀眾再來光臨。
Ryan
小田：已領教，換了四次，頭四副指模十足。
Ryan
bbon99: 其實整個問題源於管理時根本沒有從觀眾角度出發，結果扭盡六壬慳人手，但系統奇差，其如意算盤最終打不響。
Ryan
bb: 相信在該處做的員工也不好受。
Ryan
Donald Kwan: 其實好多戲院聖誕都大把人排隊，呢間只係櫃位唔夠叫客人呆等而已。
Ryan
Mandy: 得一個門口出入，又係低能的做法。那些眼鏡，真的擔心有無菌。
Ryan
The Grand Gangster：若果只是一味罵的，不會這樣寫。是次反映了戲院管理方面，缺乏了觀眾期望的「常識」。希望可以從善如流好了，情報人員不知會否繼續跟進呢？望大家繼續留言好了。
Ryan
Grand Cinema Staff: AMC金鐘也要全程企，其實企之餘沒有適當更替才是問題。至於電腦屏幕設計，這個似乎是MCL獨有，因為其他院線的屏幕都是放在下方，這個設計實在不見得方便。
至於薪酬，實在是就業市場問題，自由調節。只能說的是，近年其實戲院事務員的時薪，沒有上升過。
至於網上售票系統，看見那些MS Server出來的Error Message，保安漏洞實在不少。
Ryan
MM：戲院設計也許本來是這樣，但在票房方面，提供高椅其實是可解決長期企著的問題。
戲院存在的問題，先天的不易改，但後天的，相信戲院實有需要改善吧。不從員工角度出發，也要看看觀眾的情況。像入場和散場也故作一團，實在講不通。
Ryan
好心人：十分認同。這些對很多觀眾來說是「常識」的東西，戲院管理層也許欠缺觸覺。
Ryan
過路人：不少人已簡稱該處係九龍站戲院或圓方戲院了。
Ryan
MM：先談AMC Pacific Place之例，之前是UA金鐘的位置，不少人直覺是改由UA變成AMC，當年 UA Pacific Place 叫UA金鐘，那麼AMC Pacific Place便直覺是AMC金鐘。
戲院名字，官方改不改中文名一回事，觀眾要叫總有其方法，正如屯門「巴倫 倫敦 紐約」被稱為「巴倫紐」一樣。從發音角度 Pacific Place 發四個音，不及金鐘兩字來得簡潔。而且，不是每個香港人也會懂英文或懂得發音的。
Ryan
MM：其實戲院設計，一定是設計師同埋戲院管方有所共識才會這樣做。現在的設計，只能說是「華而不實」，用家變成最大的受害機構了。
Ryan
敢言：設計師很多時不會太了解其用家的實際運作，這亦是戲院管理層需要參與的原因。所謂的參與是提供意見，而不是作應聲蟲。
Ryan
敢言：周末所見，情況有排隊上略有改善，但那些電腦位置一日唔改，問題仍在。
Ryan
過路人：不欲被冒充的話，可考慮申請賬戶，到時便有所保證了。
Ryan
沙漠少年隆美爾：現在的問題是，用電腦購票本來想快，來到還要排隊等十多分鐘才得到戲票，是十分無謂及浪費時間的。且看其他院線用自助出票機，數部機之餘，部份戲院更有職員在旁協助，既具成本效益，又算有一定支援。
如果排長龍才叫格調的，相信我們買樓也要回復至九十年代初期排足七日七夜了。
現在情況，真的看不出這種站法有何效率可言，每每因位置不佳，選位慢了，找贖也慢了。至於恭敬與否，相信大家會對於一些發自內心的恭敬與服務，多於形式化的「做樣」。
Ryan
路人甲: 還是找某小姐較直接一點?
Ryan
勞氣人: 那些似乎不是「客戶服務」，而是「嚇戶服務」。
Ryan
蛋人：都唔明小食部咁多人但係何以效率咁低，實在奇觀。
Ryan
bbon99: 三部機收錢咁型？好似每次只用一機咋喎，莫非另外兩部係「道具」？腸仔十分難食，而且唔熱，千祈咪搞好了。
Ryan
709394：開場都唔知，咁真係好離譜下喎。
Ryan
bbon99: 情況要找問回情報員才清楚。
只能說的是，經理的工作十分繁重。周末一名男經理看他由朝捱到晚。
Ryan
蛋人：有些walkie是很誇張的，當年Palace apm便是這樣。
Ryan
落穴：多謝補充。不過響The Grand Cinema真係唔多覺囉。
Ryan
kenie808: 有去過洲立營運其他戲院如MCL康怡、將軍澳或JP銅鑼灣的朋友，不知其他戲院的服務水平如何？
Ryan
kenie808: 佢地的會員制度，真的搞到不知所謂喎。咁都得？
Ryan
神秘員工xyz：入得來的，當然會在乎這裡的留言。倒想反問一個問題，就是人手的比例。
一直的觀察看來，其實戲院在入場方面的人手是否嚴重不足？同埋工作同休息方面又怎樣？因為感覺奇怪的是，不少員工常常出出入入趕著，似乎是有點像「救火」一樣。
Ryan
神秘員工xyz：首先多謝回應，讓我們了解情況。有幾點看到的。
關於入口處，其實跑來跑去也看過。在該處跑來跑去，有時碰正入場／散場觀眾（因為出／入口處是同一位置，雖然已有欄分隔）。其實是否不夠Walkie還是有等於無？
蛇的地方不談了（談了就等於沒了）。
兩個人三間院的比例，坦白說，真的不太足夠，入場的員工要入場、清場、清潔等（有遺漏請補充），其實工作不少。
敢問其實全職與兼職比例會否知道，又流失率是否亦不低？不便直接回應的，可用右方電郵再談亦可。
Ryan
kenie808：12月13日至1月1日四大院線的優惠暫停，當中包括MCL旗下的 The Grand Cinema的。
至於服務改善的問題，其實也許基層員工也是受害者之一。當然，不少說話在這裡吐吐苦水可以，但對於觀眾也許結果截然不同。
至於工作熱誠問題，要理這個行業的薪金其實十分微薄。稍後會貼貼某戲院通告，大家就明白全職員工薪金若要扣上交通費還剩多少了。
Ryan
kenie808：多謝補充。試過在康怡購票，問題相對較少。也許使用的系統未經調較有關，因為MCL與GC的系統又唔係完全一樣。
戲院初步看來問題是人手比例失衡得緊要。結果基層員工做到停不了，怨氣甚多，觀眾也得不到期望的服務。
周末特派員匯報了一點情況，小食部仍排出近30人人龍，雖然已使用兩個收銀櫃位，而小食部職員僅得4人，只跟Palace apm相若。
Ryan
蛋人: 觀眾的了解程度不同，有時實在很難去評論。與其在此糾纏，何否大家一同理解戲院管理問題的癥結?
Ryan
落穴：多謝補充。某天經過JP，看到票房設計實在奇怪。
Ryan
film：基本上，問題出現了，似乎要解決也並不容易。
Ryan
旁觀者：其實該戲院院內硬件是不俗的，可惜管理欠佳而影響整體質素，才是發文提出的主因。稍後會繼續跟進其改善情況的。
Ryan
sw：今天去過The Grand Cinema看戲，中午時段，服務還是可以的。而廁所的指示也增加了。不過，農曆年的人潮，才是真正的考驗。
Ryan
STAFF1234：今天特派員所見，下午時段排隊即場與預告故作一團，排出近70人龍買飛。
Ryan
young: 因為新春期間，所以暫停？這個情況似乎唔止呢間戲院係咁喎。
Ryan
Jazz: 佢地那個會員服務，開下午一點，死未？
Ryan
Jazz: 基本上，投訴可直接向母公司洲立影藝投訴。不過，不知去東方、蘋果或太陽這類報章的「社會服務」版會否更有效就不得言之了。
Ryan
Jazz: 慶幸當天是免費入會即拿了會員証，不然後果不堪設想。
Ryan
bc: 百老匯的會員制度其實已建立超過十年，相信整流暢順是累積經驗的成果來。
Ryan
Kelvin：想問該回是在上方離場還是下方離場？下方的話，指示十分唔清唔楚。
Ryan
Kelvin：怪不知了，下層幾乎無職員響度咁滯的。
Ryan
把火人：開場時間錯，看來已不是首次，聽起來也感覺有點「離譜」。
Ryan
shtmanhk: 大家又覺得這個價錢如何?
小田
嘩,你觀眾得十分細微,這間戲院實在在官理上衰到拍案叫絕,如果你有看過3D的場次,你仲會發現那些十分”clean”的眼鏡…
bbon99
一間新院叫全港最大最多，開幕係１１月係不智，加上１２月呢間野鬼咁多包場、首映同function，而且開埋早場午夜場，呢間野應該要預留多d人手，不過聽聞經理主任全職兼職人工比較麻麻，旺季吸引唔到人返工，自助售票機佢地有六部，可惜如RYAN兄說超級麻麻。人地買四張，部機出得二張，個客要再去售票處，搞笑！邵氏同MCL可能真係第一次經營咁大的戲院，真係要開下會研究下方法點拆。希望佢地有人睇到呢度檢討下。
不過，本人去睇３ｄ，副鏡都有印，我叫佢地換，佢即時同我用眼鏡布揉，不過我唔滿意，佢地即時拿副新給我。
另外，佢地個puff我食幾次，全部都凍到硬晒，差d咬唔到。
bb
我不會recommended這家戲院，服務差
Donald Kwan
我淨係去過睇3D怪誔城…那次人少冇咁混亂
乜嘩有一百人排隊買票?? 我好耐冇見過咁0既情景啦…..
Mandy
我之前去睇3D怪誔城，第一次去買唔到飛，兩日預售D飛係全FULL….
上網買，都係FULL，等左好耐，終於有一日可以預售十幾日後既飛，買左之後再去睇，又變返預售兩日既飛…..果下幾驚係佢系統出錯，到時拎唔到飛
到去睇果到，拎到張飛係手寫飛….無奈
又話要早15分鐘入場，點知到最後兩分鐘先入場
眼鏡好細，頭大D都戴唔到…不過可以係早期去睇，D銀鏡無指模
戲院唯一好係收唔到電話，唔會睇睇下有電話響
THE GRAND GANGSTER
戲院已收到了，先多謝各位。
Grand Cinema Staff
我是其中一個staff，希望可以在此發言會有高層聽到我們的聲音。其實可以分為兩部份，一係先天不足，二係後天管理無能! 先講先天，票房櫃台設計令員工苦不堪言，一日工作十多小時，1.全程要站立，2.電腦屏角度成90度，要我們日日打側頸，3.滑鼠位置更需要長期(咬)住隻手，筋骨勞損，4.收銀櫃位過低，長期彎腰找續。日日咁樣做十幾個鐘真係人都癲，我遲d諗住去信生果日報同勞工處，睇下咁樣係咪符合”職安健”，廣告都有賣，我都唔明點解仲要設計成咁，咁辛苦唔會有有肯去票房賣飛。而且人工仲得$2x/h聖誕仲點會有人返。其實售票系統不算得上係差，而問題係出係網上購票方面，我聽聞售票系統係向外購買，而網上售票係自家寫，而該系統問題多多，固中原因我就不得而知了。後天，經理、主任缺乏管理經驗，但又好似話做過戲院，不過硬係覺得佢地乜都唔識咁。唉，我都係無謂係度多講，反正我都諗住唔做，離開呢個鬼地方
MM
我是其中一個staff，希望可以在此發言會有高層聽到我們的聲音。其實可以分為兩部份，一係先天不足，二係後天管理無能! 先講先天，票房櫃台設計令員工苦不堪言，一日工作十多小時，1.全程要站立，2.電腦屏角度成90度，要我們日日打側頸，3.滑鼠位置更需要長期(咬)住隻手，筋骨勞損，4.收銀櫃位過低，長期彎腰找續。日日咁樣做十幾個鐘真係人都癲，我遲d諗住去信生果日報同勞工處，睇下咁樣係咪符合”職安健”，廣告都有賣，我都唔明點解仲要設計成咁，咁辛苦唔會有有肯去票房賣飛。而且人工仲得$2x/h聖誕仲點會有人返。其實售票系統不算得上係差，而問題係出係網上購票方面，我聽聞售票系統係向外購買，而網上售票係自家寫，而該系統問題多多，固中原因我就不得而知了。後天，經理、主任缺乏管理經驗，但又好似話做過戲院，不過硬係覺得佢地乜都唔識咁。唉，我都係無謂係度多講，反正我都諗住唔做，離開呢個鬼地方
—————-
回Grand Cinema Staff,
我都同情你既工作環境，
但係我諗有o的野又唔可以話怪哂戲院o個邊~
如果我冇記錯既話，
The Grand Cinema 個 designer 應該同 AMCPP o個個係一樣，都係 James Law，
佢 design 的確係特別，
但係..就唔係太 user-friendly..
講真，全程要企呢個唔淨止係你地呢間戲院係咁，
至少 AMCPP 都係一樣，
要怪既就只怪 designer 設計既時候冇顧及做野既 staff 既處境~
同埋，你地又有冇將o的問題同經理佢地反映??
至於人工得廿幾元，我真係想知有邊間戲院唔係廿幾元時薪?
的確我覺得係少，但係我諗入去做既時候你都知o個個人工幾多，咁呢樣野真係冇得去怪人~
坦白講，如果嫌人工少既可以搵其他工都得，
同埋入去做o個陣，應該都知呢份係服務性行業，
星期六、日、假期都要返工架啦。
但如果自己揀呢份工而又話人工低既，
咁就有點兒那個~
至於經理、主任冇管理經驗，
可以咁講，我都認識你地其中一個經理，
佢的確係有做過戲院 management 既野，
但唔係 under MCL，
亦都可能唔同戲院有唔同既做法，
所以形成你地會覺得佢地乜都唔識咁~
講真，單係售票呢樣野，
唔同戲院已經有唔同 system，
佢地去 The Grand Cinema，都要再重新學過o的系統，
咁好難怪佢地唔熟個系統~
一個同情你的人
To 樓上的staff
那實在是一個早走早著,遲走訓唔著的地方,去第二間做至少booking有得坐.
好心人
繼其中一項罪:入場混亂非常
我認為該間戲院真的有需要另裝一個入場顯示器給顧客知道哪一個院可以入場!入場門口只放著職員自己更換既紙牌.我聖誕假去時,眼見那裡剩係得一個職員忙著撕飛,根本唔得閒去換那些入場牌,害得我呆等唔知幾時可入場.
繼另一宗罪:廁所指示混亂
我認為戲院也應該設置一些指示牌放在當眼處明確的指示洗手間在哪裡?!免得經常也要問職員廁所係邊,咁麻煩.而且該間戲院的4號院位置在不知哪裡的深處,沿路又沒有明確的指示,使人搵時浪費了不少時間…
我覺得戲院另一需改善的地方是:
我覺得應該在每一行的頭一個座位旁邊應設置著燈的座位位置,令人在開場時都仍看到和尋找到自己的位置
過路人
The Grand Cinema 有中文名未?
不如係度幫佢改返個中文名~~
我改”戇膠Cinema”
一係”迷城Cinema”
反正都唔夠Grand，不如改埋英文
The Kai Cinema?
MM
佢應該唔會有中文名~
正如 AMC Pacific Place 一樣，
中文英文都係叫 AMC Pacific Place~
不過唔知點解有人會話係 AMC 金鐘/太古廣場~
MM
之但係睇番個 Case，
有可能提供高椅反而會令到佢地買飛收 $$ 更加唔方便~
個 case 同 AMCPP 一樣，
唔加高椅其實有兩個原因，
一來就係個 designer 設計到下面係中空，
加左張椅感覺上冇咁好睇，
於是乎 AMCPP 係需要企~
二來有可能係 designer 既要求，
咁始終叫得佢設計，如果佢認為唔應該有椅既，
戲院好多時都會聽 designer 既意見~
原因就唔太清楚，
但有可能係因為呢個 case~
試過某戲院入場位置係樓梯上面，
點知個 designer 行過見到話個設計原意唔係咁，
於是就將入場位置移落樓梯下面~
敢言
其實, 設計戲院的Designer, 才是問題所在, 只著重概念創新, 卻忽略了員工的需要及顧客的方便, 有頭無尾, 簡直是垃圾的設計!! 希望唔好再設計埋D害人害物的工程.
敢言
Ryan!Designer固然不會太了解其用家的實際運作，但設計了出來亦是鐵一般的事實，這是不是反映戲院管理層沒有參與設計，亦暴露了管理戲院的經驗不足，對前線的員工需求亦未能了解，連基本顧客的需要也不兼顧。其實票房是一間戲院的收入主要來源，亦是給顧客的第一個印象，但連前線員工的需求也不知又怎能帶起仕氣，沒有仕氣又怎能給予顧客的滿意需要，連選擇位置、排隊、嘟八達通都同樣辛苦，員工又做到苦口苦面，叫顧客們怎會再來?
請有關方面細心考慮，對症下藥，不要再用這種垃圾設計，要不然首先員工四散，繼而顧客不再來，最後步上滅亡之路~
AMC PP
踏入自動化年代竟然還需要將兩個闢作電話及網上訂票專櫃，在戲院界實在可笑~~~倒不如取消網上購票罷了!
我們公司投放在網上購票系統資源很多，而且測試成熟、穩定才推出市面，如果一些系統只能夠應付平日運作，倒不如回家自用算了，不要拎出來獻醜，正所謂”養兵千日、用在一時”，這麼簡單的道理誰人不明? 請行家三思，不要再貽笑大方，投放多少資源去做，搞不好就先從淨取票埋手，循序漸進。
過路人
上面的那位不是本人，請不要冒充
過路人
上面的那位也不是本人，請不要冒充
沙漠少年隆美爾
「服務」兩個字真的好考人，如果全部自動化電腦化，效率及成本是很好，但是便會形成格調低一點，好像電話查詢時，相信客人喜歡直接對話多過聽指示按這按那。
另外看過一些報導，說人站立工作效率比坐下工作為高，而且以服務業來說，服務員站立對客人來說是恭敬一點，總好過工作人員坐下服侍站立的客人。
路人甲
其實Ryan有無將呢個網頁直接send去the grand or 洲立總公司，等佢地可以正視一下問題所在?
勞氣人
去左2次, 可能都係公眾假期既原因,覺得某d staff 既服務真係ma ma 地, 第一次去, 我係網上訂票, 去到print返張飛時,發現佢地既電腦系統幫我買多左3張另一套戲既飛,叫經理出來都解釋唔到咩事,由於趕住入場,唔記得問當職人員貴姓,以便查詢. 但個個經理有留我電話, 話會打返俾我, 但都冇,幾日後,我再次去grand睇戲,買飛時問返個件事,但個staff 既態度真係差得緊要, 我問佢個度既電話幾號, 佢聲都唔出就放左張紙仔係台面, (上面寫住電話等資料), 由於當時我冇留意,再問多次, 個staff只係指住張紙仔, 大佬, 出下聲都得掛??跟住我想查詢之前個件事, 但個staff 答既野都係廢到唔廢,完全解答唔到問題.仲有, 當時我用渣打卡買飛, 返來睇網上先知有8 折, 但當時佢冇俾到折我, 我打返電話去, 佢都只係答, 1月1日係冇折…呀?? 咁都冇, 個優惠冇話公眾假期除外.
依d 勞氣野都係人既問題, 但都要讚下個度睇戲真係幾舒服, 不過係坐11 院時, f 行, 只要你前面既人高d, 你係睇唔到d 字幕, 唯有下世自己都生得高d 啦.
蛋人
都唔明點解, The Grand個小食部又唔係好大, 但係就企咗6-7個staff… 不過條隊依然排到出門口…. 鬼咩, 啲人都唔係做嘢嘅…. 一味”吹水”… “玩”…. 連爆”popcorn”都兩個人?!?! 人就多喇…. 真係做嘢嘅好似冇幾多個…. 啲經理仲白痴, 啲”細”嘅就嘻嘻哈哈…. 佢自己就企响度”lok 木”咁….!!!! 哩啲乜嘢management嚟架….
bbon99
十一月中開幕，十二月頭搞首映，十二月中聖誕黃金檔期，請唔到人剩番個幾個日日都做十幾個鐘，就算d經理幾有心都無力做Training同搞好d服務。上星期六我睇早場，都係個四眼經理係入場處撕戲票，我去洗手間出番走廊，一個職員都無，都幾爆笑！查實佢地開幕，做魔戰王/投名狀首映時都好多staff，點解現在一個都無?唔知係咪人工低太辛苦走左/放緊聖誕假/定係借其他院的staff，佢地好好趁呢幾個星期改善下應付農曆新年。
小賣部的位置佢地設計都幾唔得，成條led播Trainer的電視柱阻住晒，我見佢地係有三部機收錢，不過條柱阻左形成一個很窄的通道，形成只可排一條隊，真真設計大失敗！加上學蛋人兄說的小賣部是成間戲院人數比例最多的部門，但是d staff都唔主動，見個收銀話要中可樂先去做，好心就大時大節未叫就整定d冰杯，或者預備定幾杯可樂放係度，唔駛叫人等。佢地d staff比較新，唔識整popcorn，成日整到燶晒，所以咪兩條友整。
佢地小賣部d野食我覺得最好食就係一大條煙用芝士腸，甜爆谷ok，熱狗好多人買。腸仔太貴把鬼，Salt爆谷佢新鮮整就好食，最差就係shake shake爆谷同 puff，千祈唔好試。之前好似有燒賣賣，幾好食，依家無左。
總括講，我住係隔鄰先幫趁The Grand，因為住得近同埋價錢呢排比較街坊價。如果佢地回返$70~$90一張飛，而人手唔夠，我寧願去港威/海運/電影中心睇。
709394
啱啱個friend forward哩條link比我…. 嘩正, 終於可以發表了…. bbon99 講到首影我就火都嚟…. 我响The Grand睇蜜蜂電影嘅首影…. 我都唔係笫一次出席首影禮, 都未見過會staff多過客嘅, 但係又冇人知到點安排, 十問十唔知, 又冇指示, 最後開咗場都唔知, 谷鬼氣走人! 阿蛋人就講得啱喇, “乜嘢management嚟架….” 阿bbon99, 你話training幾有心都無力做呀… 冇嘢呀你, 開張之前就應該做啦, 開張後至做咪等於唔駛做!! 如果The Grand個老闆睇到我哩段嘢, 歡迎reply去我e-mail, 我教你咩嘢叫做management, 咩嘢係training!!
bbon99
蜜蜂首映我都有去，好似佢地等入晒場先叫開機嗎﹖我記得佢地叫walkie叫放映佬開機。果時佢地鬼咁多人，有staff做人肉指示叫你去邊度，會唔會709394大哥你問錯左人?…係之前的Blog文，Ryan大哥都有去過呢間野首映，可以討論下。
The Grand開張前佢地都請唔到人，未開幕前佢地只係得一個櫃位招會員，邊有人俾佢地「清」?就是經理佢地都唔夠人啦，果次我想搵經理問下點解碌唔到AE，visa同master就可以，個staff搵左好耐先搵到個經理，個經理話頭先跟緊另一個客case，我問成間The Grand得一個當值經理嗎﹖佢說處理票務的暫時得佢，其他未返工。浪費左我十幾分鐘時間等…
蛋人
阿bbon99, 點解你咁清楚內部運作嘅?!?!連”佢地叫walkie叫放映佬開機…”你都聽著八到咁???????????? 你係咪”無間道”…. 講….
落穴
其實amc pp有得坐ga
佢地有張登係到..
無人就可以坐得…
kenie808
管理可算十分混亂, 有些是先天問題, 有些是後天問題, 其實可歸納:
先天問題-
1.戲院設施的欠佳設計, 指示牌又不足
2.票務系統程式不穩定, 購票出錯失誤
3.急於推廣會員咭項目, 配套支援不足
4.特多推廣宣傳等策略, 妄顧現實情況
後天問題-
5.人手不足以應付及改善上列的問題,
6.訓練不足以回應顧客查詢及增加其岡位的工作效率(例如:小食部)
7.總公司投放資源不足去減少票務系統出錯, 反而要設立網卜及電話訂票專線, 浪費人力物力, 把這些員工調去處理會員服務或入口處更好.
以上問題累積且急於開業, 造成十年前新機場大混亂後的又一新猶「新戲院大混亂」.
另加該戲院的申請會員的大混脹:
http://hongkongfilms.mysinablog.com/index.php?op=ViewArticle&articleId=818598
(詳見 [6] 不知所謂的圓方Grand Cinema戲院)
kenie808
仲有, 該戲院經理說若我以$138入會後, 我便即時取得會員証, 之前我以用兩張戲票而免費入會的會藉會因資料重覆而注銷. 不過, 現在我郤有兩張會員証, 真係…. 不過都好, 兩張已內有50分積分, 加快換贈卷
神秘員工xyz
你地班粉腸，有種咪唔好黎睇囉，係度講乜x野者，我地做得差咁又點者，你地咪又係仆住黎睇!十幾個院你估好易好做呀，咁叻你地黎做丫!勞氣人，人地俾紙你咪睇囉，問咁多做咩，你唔x識用腦架，問問問~~~仲有呀，買飛要咩折者，黎到呢度咁高尚d地方問攞折，咁cheap就咪x黎睇啦，莫講話1月1丫，平時都咪問啦，要買菜講價就去街市，死cheap精!內部既野你地又知幾多呀?做x死仲要俾服務態你呀，有飛你就買、有位你就坐啦，唔滿意就走咪阻住下一個，大把人唔介意繼續仆住黎，吹咩~ 有時唔係成碌木，係做到累抖下者，唔係唔x得呀?吊頸都要抖下氣啦，你地入到場就有得坐，我地d員工成間院搵埋都唔知有無十張(登)係俾我地休息，你地又知唔知呀?
神秘員工xyz
平均咪兩個人三間院囉，入場口既同事又叫天不應叫地不聞，咪跑出跑入通知入得未，跟住又跑返去入場。休息?有架咩? 唔到你放工、放假你都唔駛旨意休息，最多俾你食下飯，其他人咪周圍蛇囉，唔係咁點者，咁大地方搵到先算
kenie808
FROM 56「買飛要咩折者，黎到呢度咁高尚d地方問攞折，咁cheap就咪x黎睇啦，莫講話1月1丫，平時都咪問啦，要買菜講價就去街市，死cheap精!內部既野你地又知幾多呀?做x死仲要俾服務態你呀，有飛你就買、有位你就坐啦，唔滿意就走咪阻住下一個，大把人唔介意繼續仆住黎，吹咩~」
呢個係會員既福利, 且宣傳既手法. 加上你地間戲院亦要面對市場競爭, 如果自以高高在尚, 不肯改善服務, 客人不如搭多個地鐵站去奧海城看啦.
況且看你的意見, 做得辛苦, 沒有了工作熱誠, 倒不如轉工罷了.
kenie808
補充: 客人亦可搭多個地鐵站去香港站ifc看啦, ifc那怕更高級啦! 你有沒有發覺ifc票價更高, 但仍時常滿座, 點解呀? 服務好,值回票價law!
kenie808
RE:54, 「kenie808: 有去過洲立營運其他戲院如MCL康怡、將軍澳或JP銅鑼灣的朋友，不知其他戲院的服務水平如何？」
其他MCL院除機場外, 都沒有像GC的問題, 而且人手比例好像較高(可能院數少), 服務不錯, GOOD. 網上及電話訂票有否問題就不得而知, 因為我比現金買的.
加上以往MCL好少大型推廣會員証, 因此估計會員數目不多, 發現問題更不多. 其實其他MCL與GC是同一個票務系統, 我估計問題一直存在, 只是多左人申請及使用, 問題滾大了.
蛋人
Kenie808 : 人地話用信用咭喎，無講到話係會員咭，唔該你睇清楚先好講野!就係你呢d人未睇清楚就係度嘈，你盲架咩?香港地多你幾個廢人咁就慘咯!
至於工作熱誠我能夠理解當時人感受，你估熱誠可以當飯食?俾你又會點?自己用多d腦諗下啦!
仲有你講到ifc咁好，點解你又唔去果度睇呢?仲要係GC做會員?仲有兩張會員咭?仲要儲分換贈卷?莫非你真係一個cheap精?
kenie808
蛋人,
1.那處人地指信用咭呢? 請指出出處來? 擺出証明吧!
2.對不起,IFC我都是會員.
3.另外兩張咭是貴戲院程序出錯所致, 不是本人問題.
4.蛋人, 不要在此人身攻擊, 正所謂崩口人忌崩口碗, 難度你是GC員工?
蛋人
kenie808 我地討論緊呢個喎
[37] 某d stafff 真係 ma ma 地..去左2次, 可能都係公眾假期既原因,覺得某d staff 既服務真係ma ma 地, 第一次去, 我係網上訂票, 去到print返張飛時,發現佢地既電腦系統幫我買多左3張另一套戲既飛,叫經理出來都解釋唔到咩事,由於趕住入場,唔記得問當職人員貴姓,以便查詢. 但個個經理有留我電話, 話會打返俾我, 但都冇,幾日後,我再次去grand睇戲,買飛時問返個件事,但個staff 既態度真係差得緊要, 我問佢個度既電話幾號, 佢聲都唔出就放左張紙仔係台面, (上面寫住電話等資料), 由於當時我冇留意,再問多次, 個staff只係指住張紙仔, 大佬, 出下聲都得掛??跟住我想查詢之前個件事, 但個staff 答既野都係廢到唔廢,完全解答唔到問題.仲有, 當時我用渣打卡買飛, 返來睇網上先知有8 折, 但當時佢冇俾到折我, 我打返電話去, 佢都只係答, 1月1日係冇折…呀?? 咁都冇, 個優惠冇話公眾假期除外.依d 勞氣野都係人既問題, 但都要讚下個度睇戲真係幾舒服, 不過係坐11 院時, f 行, 只要你前面既人高d, 你係睇唔到d 字幕, 唯有下世自己都生得高d 啦.
[引用]| 作者 勞氣人 | 3rd Jan 2008
邊度既會員証你都有，犀利!唔駛講你銀包一定成寸厚，果然係鐵達尼，You are Cheap of the World!
kenie808
如果有會員証就係CHEAP, 有多張信用咭那怕叫CHEAP中之CHEAP!
...
其實點解賣飛無得坐呢?? 好似UA & 嘉禾咁全部都有得坐 ~ 上次朝早我去買飛…夜晚黎睇戲都係見個幾個STAFF .. 我心念一日站立十幾個鐘人都癲啦.好心就有張高椅等人坐下啦,
蛋人
“信用卡”事件唔係我講嘅…. 有人冒認我啫…. 嗰個”人”… 有種講又唔用自己個名, 做咩呀…驚人認得出你哩個廢柴…. 賤人….
蛋人
真係火都嚟… 有人夠膽做我個名响度亂講嘢…. 個賤人請你”公開道歉”….
我剛剛睇完哩幾日大家嘅對話…. 我想回應吓”神秘員工xyz”…. 你呢啲咩嘢工作態度呀…. 你唔好諗吓天水圍嘅人?!想揾嘢做都難…. 你有份工做…. 仲咁大聲响度講”做x死仲要俾服務態你呀”…. 我都做過customer service, 我都知道嗰個心態, 但係, 我亦知道我工作時係代表緊”公司”…. 所以我點都唔會好似你咁嘅態度…. 唔想做就咪做…. 你地公司啲managerment簡直係”屎”…. 都唔點解你會仲响度做…. 如果你响我公司?… 晨7我就炒咗你啦…..
再次…. 冒認我嗰個賤人請你”公開道歉”….
落穴
mcl jp同the grand 就真係無得坐啦
其他我就唔清楚
film
人手不足基本上間間戲院都有,
百老匯, UA, 嘉禾, MCL 既戲院都有呢個情況, 由帶位, 售票, 小賣部, 去到放映, 經理主任等,
有時人手可以不足到得一個服務員, 一個售票, 一個小賣部,
甚至有戲院試過無售票員, 由經理充當售票員, 一個服務員係入口, 無人帶位,
只要經理主任管理指揮得好, 服務員醒目識執生, 大家合作得好, 一樣可以做得好,
The Grand Cinema 問題就係經理唔識指揮, 服務員又唔夠醒目, 默契欠奉, 就算幾多人都唔掂啦! 仲要加埋票務, 設施等問題, 實亂到九彩啦!
film
補充: 係早上第一場由經理充當售票員, 一個服務員係入口, 無人帶位
旁觀者
看到對The Grand Cinema的七宗罪，及其他的回應，以另一角度來看T.G.C.在很多人心中已留下或壞或好的印象了，它應感到高興才對吧！
大家對T.G.C.的批評，令管理階層有了目標對它昨出相應的改善是有很大的幫忙的。
兩個人的相處也需要時間來適應、來改善他們相方接受不來的缺點，何妨是一間也頗具規模的電影呢！
對於那位說來T.G.C.的消費者是Cheap精的不成熟人士，假如他是管理階層才是T.G.C.的致命傷呢！因他連街市有街市的文化，消費娛樂有消費娛樂的樂趣也可混為一談，這麼“無品”的人如何Grand得起呢﹙可能他是一時之氣吧！﹚！
觀眾
點解the grand cineam d服務太差了, d員工又串,我入場果時仲見到佢地成班係度吹水,都冇理過我地..咁請佢地反黎做咩呢??都唔明佢地都係 洲立既戲院, 但係其他好似 同公司jp 戲院果 d 完全唔同, jp 起馬 d staff都會帶下位,係旺區黎講服務都算叫好d, 但係 grand 就完全唔同. 究竟佢地 mangement d rules 係唔係一樣, 真係講到火都黎埋!~~~~
yo
我同意樓上幾位的說法, grand cinema 同 jp cinema 個集票都冇得坐, 但係你覺唔覺佢地 d 買飛速度好唔同, 本人係兩處都買過飛, 但係 grand 果 d 一有小小問題就要 hole 住問其他人, 好心佢地就清楚d先做賣飛啦, 整到等左成8個字先買到飛, 你話 jp 果 d 雖然都頂排隊, 但我個人覺得佢地pro d, 問佢有咩 discount 都可以答到人, 最重要我排緊隊果時起馬覺得條隊好似向前面行緊咁, 唔係成日停係度@@
\
蕭公子
我覺得grand 既staff完全做唔到野,經理又垃圾,處事能力不足,野食又唔熱,有一次叫隻熱狗,職員隨即從wramer拎隻狗出黎,不過熱狗硬到扑死人,到睇戲果時,途中想去個toilet,但係去完想返入個院時真係蕩失路囉,去toilet果條巷起碼連接好幾間院,但院門口一個指示都冇,雖然唔知呢個問題解決左未,但係佢地唔係一早要發覺喇咩?!點解要不斷有人投訴先改進到少少
西門吹雪
JP 好? 唔係下話，JP 員工儀容唔係幾好喎，賣飛似做雞，帶位似爛仔，賣野食似垃圾收集站!
買飛無得避，一定要買，但服務態度欠奉，櫃位設計差，撞正個員工口臭無得避，想死!帶位個個似爛仔，寧可自己搵位!
xyz
好同意以上講法，ＪＰ都唔好得好多，有次睇睇下，去個廁所，見到一大班員工，同埋個四眼經理，坐曬係lobby，大飲大食，見到我找廁所，就大大聲，攞往杯大可樂，咬著野，個我講廁所Ｅ邊，我心想你Ｅ到冇休息室嗎．．．．？？定係ＬＯＢＢＹ就係你地休息室呀．．．．？？Ｄ女個個正豬扒，重要黑臉，好似我要佢去死咁，Ｄ仔就係到睇女，我好記得我想上上下電梯，條仔根本睇緊我條底．．．．我條仔差Ｄ想打佢，個樣高高地，黑粗眼鏡，正一死四眼仔．．．．。xyz
sw
哈…你地以為人地的員工唔係人黎ga?? 你們都有阿媽生ga … 俾小小體諒啦…香港人….問心個句，你們對住人地d staff 係咪好有禮貌先?? 我係jp買ticket咁耐…自己有禮貌問D STAFF 野…未試過有惡言相向lor …. 如果你真係有禮貌問野，都係咁…sorry 恕直接….我諗係你樣衰吧…..
sw
其實做人都唔好咁無口德………咁樣貶低人地….. 睇你地咁話人地d STAFF , 比你貌若天仙…都無用….. 因為你們比起那些欠缺外貌的staff 更不堪…..
STAFF1234
估唔到有人會唱呢間戲院,,仲以為d人會盲目再泥呢間所謂既 “grand” cinema
我同你地講,,全公司full time既staff人數最多得9個 7個經理,2個staff–都係會員櫃台
仲要有1個經理係借反泥,,,…
跟本就唔夠人,,大家可以新年既時候去睇下咩環境,, 個個都冇歸屬感,唔反呢d大節日,,鬼咩咁少錢,,院又多,,工作量又多過人,人工又咁少,,
d人做得個零月就會走,,所以賣飛d人係好新,,有好多問題都唔識,,so賣飛長期都有龍
young
The complimentary tickets cannot be used even on weekdays. Not until I was in front of the ticketing office at the Grand Cinema that I was informed. Why not written clearly on the compliementary ticket? Any more restrictions? Never mind. The complimentary ticket would be expired this week and I wouldn’t re-visit the Grand Cinema – the worst cinema I had ever experienced and I was astonished about so bad the management was.
Jazz
我都中招,前日apply咗個membership,尋日Login點知唔得,仲話無我membership資料,好,咁打去問,兩個電話都無人接,錄音又話平日Office hr 開,成十點幾都仲係錄音話closed,頂,俾百幾銀做會員,連基本CS都無,仲話Grand cinema,唉……………..
Jazz
唉,尋日幾經辛苦終於都打到俾CS,攪掂可以Login,咁今日上網買飛啦,買完check?自己個積分,睇?個Login得唔得,哈,居然係show我無任何購票記錄。而家4:30,打去個office又close?啦,mailbox又爆埋,想點架呢間 The Grand,真係好後悔join會員,唉。都唔知可以同邊度投訴
Jazz
唉,話說當日我email咗一封語氣幾重既投訴信去MCL,佢哋夜晚7點打俾我話問題已經解決,仲saysorry。我以為ok啦,哈點知今日Login入去個account,係有俾返分我,但係個購買記錄完全係錯,我真係唔想次次買飛都有問題,次次check,真係好鬼大火,好心個system唔得就唔好攪membership啦,真係,唉……………….十分後悔join咗會員
bc
我覺得佢地應該參考百老匯會員的入會方式, 好pro…
比左錢比張臨時會員証先, 三至四星期再取正式會員証, 在這幾星期, 佢地會將你申請資料入電腦及做正式會員証. 到你取正式會員証便可以網上查閱積分. 未有正式會員証前, 仍可用臨時會員証購票儲積分換優惠, 他們會為你記錄加分, 不像GC要自己留戲票, 一兩星期自行到售票處加分. BC系統好穩定, JOIN會三年未錯過.
Kelvin
對the grand呢間戲院太失望
一d都唔grand
無人帶位不突止
睇完戲要自己開門走…
仲有一次睇完戲..要行一條好長既路先出到去…想死
Kelvin
係下方離場架
把火人
星期六去這間把鬼戲院睇”玩轉身前事”,事先我係在網上訂票的,去到戲院以為有自動出票機,點知係冇,一樣要去櫃台排隊取票,咁响網上訂票把鬼咩,已經把幾火啦.點知取到票,開場時間竟然同我訂票的時間爭15分鐘.我訂票時明明係4:00PM,我都醒目將訂票資料打印出來,冇花冇假係4:00PM.點知真正開場時間係3:45PM,有冇搞錯呀?!?!?!咁都得,等我坐定粒六3:55PM去到戲院取票,結果4:00PM取到票都已經睇少左15分鐘啦,呢個乜野電腦系統黎架,咁樣出錯都得,你叫我仲有乜野信心再去呢間戲院睇戲呢!!!
冇氣波波
仲有,用銀行贈送的”專貴會員coupon”去換票,被受miu視,一行到櫃位,攞住stanxxxx銀行的coupon同佢講話換飛,女職員問我換咩飛….O咀左一下,我話…換戲飛!!佢都低能GEI,入戲院就緊係換戲飛啦,唔通換地鐵飛咩?見住我張COUPON都要問廢話…頂!之後換完飛行轉背,仲MIU我地,好在我o係側邊睇到…!!咩services呀呢D…睇唔起我地用COUPON換飛就唔好同銀行做PROMO啦,我地冇錢買飛咩?山長水遠走黎換你兩張飛仲要比你MIU…有冇攪錯呀?食蕉啦你地,有錢都唔會幫襯,垃圾!其他戲院比你地好一萬倍!冇SERVICES都唔緊要,唔好MIU客人,我唔係乞你地,係BANK送比我地用我地先會黎,BUT都多謝哂,唔係咁gei話,就真係會on居居黎買飛睇戲比錢你地洗!!你地接埋佢啦!!
shtmanhk
圓方戲院10月 入會有着數
圓方The Grand慶祝開業一周年，為觀眾提供三重着數優惠，於10月31日前入會或續會，可獲贈三張電影禮券，總值$400 餐廳優惠券，以及Starsuite私人影院包場9折優惠。The Grand入會年費$160，續會年費$120。