聖誕檔期全動畫新片《蜜蜂電影》(Bee Movie)開畫，除了鄭融外，還找來了一群「峰」來配音，慶幸還未出動到「洪朝豐」。結果，全線終然上映戲院超過廿間。不過細心一看，且看大家又會數到多少間會播回原音英語版？
答案是：只得九龍站The Grand Cinema及AMC Pacific Place兩間。
再到網上訂票系統一看，竟然The Grand Cinema只播日場，五點半後已再沒有任何場次安排播放《蜜峰電影》英語版。唯一有英語版夜場的AMC Pacific Place，卻安排電影於僅得三十九個座位的一院播放。兩家戲院的位置，其實不算是極方便的區域，要觀看英語版本非花點交通時間不可。
動畫電影以粵語配音版為主已是香港發行的慣性。然而，粵語版本一般而言都不附上字幕，對於不韶粵語的觀眾，實在不明所以。數年前每每播放英語版本的戲院，都會有金鐘地區（無論是AMC Pacific Place還是當年UA金鐘）、Palace IFC、UA時代廣場、JP銅鑼灣、百老匯電影中心甚至UA東薈城。
可是，《蜜蜂電影》竟發行得像「施捨」一樣？
難度，追求原汁原味也是罪？發行商為何不能「闊綽」一點，多安排一點戲院播放原音版本？
Ryan
MM：至於排片策略，將另文再談，放心好了。至於《色，戒》，別忘記一日未出碟，入場也是唯一觀看足本的途徑。
Ryan
登勤：這個觀念，永遠令到原音版本受不到應有的重視。
Ryan
杜絲先生：這也許是極商業營運戲院的結果。
Ryan
Cassio：其實即使十多年前，原音版動畫戲院都是得四至六間，不過現在情況更糟而已。
Ryan
MM：題外話，其實《我在伊朗長大》入座率也是極高的。
Ryan
shtmanhk：還不及當年《海神號》來得精采。
Ryan
KK：到時《色，戒》功成身退。《愛．誘．罪》該是靠口碑，故此上映戲院應不會太多吧！
Ryan
JJ：自遊行的因素，實為《色，戒》票房走勢勁強數周甚為重要。
Ryan
JJ：動畫片近年普通都只排上日場，夜場要找來看實在難上加難。
Ryan
MM：十家戲院播放，其實算是中型發行。觀乎電影片種，也不是沒有機會的。當然不求高票房，但至少入座率會不太低吧。
Ryan
MM：不過講真，動畫電影有時票房難以想像。至二、三千萬票房時有爆冷現象。
Ryan
MM：其實《蜜蜂電影》場次唔多，最主要原因係玩好多食字gags，並不易搞。
Ryan
登勤：日本動畫電影情況其實不遑多樣。
Ryan
JJ：這類《魔戒》feel電影近年充斥著大檔，實在睇到厭。
登勤
動畫電影受眾以小朋友為主這個觀念很難改變、、、
MM
有少少野想更正先~
早排地鐵海報的確係 show 左兩間做原裝英語版，
亦即係 Ryan 兄提及o個兩間，
之不過o係上畫前幾日既報章廣告就 show 有三間戲院有原裝英語版，
多左既係 AMC 又一城~
但係唔知點解o係星期四、五上畫日，
又一城係冇英語版，
要去到星期六開始先至有英語版播放~
時間最遲都係開 4 點場~
不過同日起，配音版就好似少左幾場咁~
至於點解 Pacific Place 淨係放o係得 39 座位既 1 院，
咁講真，呢排既戲真係比較多，
Golden Compass、I am Legend、驚天奪寶：世紀秘冊、投名狀 呢幾套戲點都會o係一間院放，同埋夜晚o的人睇動畫片既比較少，所以放o係最少位既院都唔係冇道理~
p.s. 講開又講，估唔到色戎仲可以頂到咁耐，
唔知係咪因為得番好少戲院做九點場，Pacific Place 可以晚晚九點場都 full，仲要由幾個星期前九點場放 1 院，去到而家 5 院 + 1 院~真係有少少跌眼鏡~
杜絲先生
一向不看粵語配音版,那次看《荒失失奇兵》粵語版,
d配音講野又快又無字幕,有d地方都唔知佢up乜
Palace IFC、UA時代廣場、JP銅鑼灣、百老匯電影中心等
聖誕檔期太擠擁,這些戲院大概已被Golden Compass、I am Legend、、投名狀等更大的片佔據著,這也很難怪發行商
Cassio
呢樣係好過份…
以前好似做原裝o既戲院多過做配音版ge, 而家調轉
MM
以前原裝版點都係少過配音版，
個情況由好耐之前已經一路係咁，
咁耐除左 Harry Potter 係配音版少過原裝版外，
其他動畫片基本上係唔會原裝英語版上既戲院多過配音版~
只不過…呢套 Bee Movie 特別少戲院做原裝英語版而已~
Palace IFC 真係冇可能上到 Bee Movie，
淨係 Golden Compass、投名狀、I am Legend、驚天奪寶2：世紀秘冊呢 4 套戲已經霸佔左 4 間院，淨番o個一間…就係上我在伊朗長大。
講真，4 套大片點都要 full show，開足咁多場，我在伊朗長大又得 IFC 做英語版，又係冇可能 cut 好多場，
根本冇可能抽到幾場出黎 for Bee Movie~
至於電影中心，又係幾套片o係手，自己又得 4 間院~
百老匯派得做原裝英語版既，派到都已經派左，
至少之前得 AMC Pacific Place，而家都多左間 AMC 又一城做英語版。
反而真係唔太明白點解 UA 唔安排太古城/東薈城上 Bee Movie 英語版。
其實…花鼠明星俱樂部個情況同 Bee Movie 一樣，都係得幾間做英語版，冇記錯既得 4 間，
AMC Pacific Place、又一城、UA 東薈城、The Grand Cinema..
shtmanhk
其實地鐵海報和實際戲院排陣有出入很常見,驚天奪寶：世紀秘冊也是如此
KK
MM:”色戒”之所以仍有Full House情況的出現,據說是多得國內同胞的鼎力支持,因為仍有很多”自由行”的朋友想在港觀看”色戒”足本,故此AMC Pacific Place的場次仍經常滿座.
另外,下星期的戰況將會更激烈:”愛誘罪”和”異獸戰2″亦會加入戰團,不知道PALACE IFC和AMC Pacific Place如何去排片呢?因為這兩套電影都是安樂發行.
JJ
MM:本人都覺得有點奇怪,”色戒”做到今時今日,我昨天(12月20日)check票房看amc pacific place 9:30場仍爆滿,我都在想,信不信呢!看到當然開心,這部始終是華語片,也有份光榮的感覺.如果是90年代,這個情況並不陌生,但今時今日,真的很久很久無發生過.李安在創造電影的奇蹟.
JJ
電影原裝版這個問題困擾了本人多年,但凡有此類電影上映,都不容易找原裝版戲院看,因選擇實在太少,而且映夜場的更少.
MM
愛誘罪出左海報，
會o係 AMC Pacific Place、又一城，
Palace IFC、百老匯電影中心、奧海城、Palace APM，
UA 時代廣場、太古城中心、朗豪坊，
The Grand Cinema 呢 10 間戲院上~
MM
我諗呢個真係冇辦法~
普遍香港人 + 小朋友點都會睇配音版，
所以講真，
每逢動畫有配音版既，
往往原裝英語版就只會安排O係外國人多既戲院上映。
而家O係香港既戲院，
上原裝英語版既不外乎以下呢咁多間，
AMC Pacific Place、又一城、Palace IFC、UA 東薈城、The Grand Cinema
最多加埋太古城中心、電影中心呢兩間度~
同埋以排片既角度黎睇，
動畫片夜晚會較少人睇，
所以寧願會放映其他電影~
MM
唯一諗到近呢一年動畫片可以開到夜晚場而又爆既
應該得五星級大鼠~
不過我諗都要睇排片o個個對套戲有冇信心，
唔知點解我覺得今次幾間院商都排 Bee Movie 好少場次，
即使係粵語版都係，
可以一間戲院排得兩場~
登勤
本人也是追求原音版本的一群，最後只好買碟一個人在家裡看
但是日本動畫電影的情況好像有些不同？
無野好講
有DVD你選擇嘛，不要乜都話歧視，成個糞青咁得唔得？
JJ
“魔幻羅盤”擺明拍給小朋友看,小女主角由頭帶到尾,為何無廣東話配音版?無廣東話版應對這部電影票房有負面影響.