今時今日絕大部份戲院已經採用了電腦售票，對於人手劃位的戲票已經印象模糊。今天忽然執回昔日戲票，就借用這張戲票來講講當年售票的情況吧！
上圖所見的戲票，其實是旺角百老匯戲院的戲票，不過戲票上只寫「百老匯戲院」。當年還以「堂座」稱呼。雖然戲票標價三十六元，不過購票時已加價，用上印台印上四十元的票價。戲票原是用作八月廿五日的，不過後來卻又加印了八月廿八日的日子。
戲票的正面固然精采，不過背面卻另有乾坤！
背面印著的，就是戲院的座位表，比起現在的旺角百老匯，當年旺角百老匯四有四百多個座位，以每行間距狹窄見稱。不過奇怪的是，明明是二院的戲票，何以印上一院的座位表？其實當時旺角百老匯只設三間影院，而三間的設計和座位表完全一樣。
再看情況，座位表中間劃了一條線，左下角寫著「嚴禁吸煙區」。當年戲院也分「吸煙區」和「非吸煙區」，不過實際上是根本作用不大。令人摸不著頭腦的，就是較近銀幕不少座位是被劃在中間，到底是「吸煙區」還是「非吸煙區」？
單是這張戲票，會否勾起大家對該戲院的回憶？
Ryan
鉛鉛：以往戲院有樓上或樓下之分，樓上稱為超等，至於樓下，有前座、中座、後座時代，後分為前座和後座，繼續合稱為堂座。
不過，現在沒有戲院再設超等了。
Ryan
sunmovie: 要找恐怕不易了。
Ryan
sunmovie: 有的話，不知可否拍攝後借用圖片來介紹一下。
的確，今時今日，售票似乎少了一份人情味。
Ryan
sunmovies: 多謝支持，不用太擔心幾時找到，不用急的。
那張《92黑玫瑰對黑玫瑰》都有興趣呀，煩電電郵來丫。
Ryan
Harrison: 電腦售票用紙不差的，很易被人遺忘。不介意的話，歡迎拍照電郵來分享吧！
Ryan
sunmovie：不知大家當年有沒有儲如壹週刊的廣告？
Ryan
sunmovie; 當然指前者啦，後者跟「講。鏟。片」無關。 😛
Ryan
sunmovie: 留意右方「講鏟電郵」一欄，有電郵地址的。
Ryan
貓空子：舊式的戲院模式，也許人情味多一點吧！
鉛鉛
賞面答堂座係咩嗎…?^^
sunmovie
早廿年前如果有大片上畫，Ｄ大戲院(好似海運、凱星等等。)仲會將該電影宣傳劇照，以單色印在戲票上面，呢Ｄ仲有紀念性，有冇人見過？
sunmovie
對唔住！我唔係想哂野！果Ｄ戲票其實我係有，我咁問係想睇吓有冇我果輩嘅戲迷，同我懷舊吓！討論一番！
因為我個人立場，自從戲院電腦化後，即使有大片上，戲票亦再不會有特色，就連演唱會飛都係咁！
對我等追求紀念性的粉絲來說，「時代進步」亦代表「時代脫色」，效率取代懷念、效益取代感情。唉……
sunmovie
基本上冇乜問題，但係我已經唔記得放咗喺邊，需要Ｄ時間揾揾，遲Ｄ揾倒再Ｅ畀您。
不過早輪我無意中揾倒張梁家輝套「92黑玫瑰與黑玫瑰」嘅戲院宣傳單張(裏面刊登”舊歡如夢”歌詞)，當年喺文華戲院任攞！距今只有十幾年歷史，呢張您又有冇興趣睇吓？
Harrison
本人很認同你的見解，電腦售票等於脫色售票。所有戲票都是冷冰冰，而我亦收藏了以往的海報戲票，包括(星球大戰)、(太空堡壘卡拉狄卡)、(大白鯊續集)、(ET外星人)、(回到未來)、(第一滴血第三集)等等。
sunmovie
正！Harrison, 您正係我期待遇上的同志(志同道合的志)，我亦正係有「星球大戰」、「大白鯊」等單色專印戲票，其它還有「半斤八兩」、「第三類接觸」等等，衹可惜唔記得放喺邊！
不過當年未識得去揾賣海報嘅渠道，而且海報收藏較麻煩，所以頂多係儲吓「大眾電視」、「金電視」等內頁電影劇照，……其實如果依家Ｄ電影公司認為自己拍嘅係好戲，印啲精美劇照或咭之類跟戲票送以作紀念，會吸引部份戲迷入場睇戲，亦表現出電影公司對自己部戲嘅自信同誠意。(但屎片就無謂搞！製造垃圾，唔環保！)
sunmovie
您所指的是「壹周刊」內的電影廣告？抑或宣傳「壹周刊」的廣告呢？
sunmovie
「壹周刊」早排我先至劈咗兩大箱，由第一期許冠文封面開始，不過早期娛樂報導唔多，即使直至現在電影廣告都唔算多，所以冇刻意儲！另外，我已經揾到「92黑玫瑰對黑玫瑰」嘅宣傳單張，您畀個網址我Ｅ畀您吖！
貓空子
我記得我第一次入去旺角百老匯睇的戲是大隻佬州長演的True Lies. 但可惜冇留到票尾.
其實台北西門町一帶仲有大戲院是用人手開票的,不過劃位就用電腦劃囉!
雖然呢d大戲院音響唔夠香港正, 但銀幕比而家的迷你戲院正, 各有各好啦~~!
樂
你收藏的戲票我都有集到，請問你還有否收藏香港舊戲院的手劃戲票？