香港的戲院分佈十分奇怪。就是新界區而言，沙田區僅得UA沙田及馬鞍山。至於大埔及北區，全盛時期的多間戲院如寶華、大埔星輝、銀星、鴻基、粉嶺名都及上水名都相繼結業。結果留下來的，竟然不多人看好的粉嶺戲院。
從位置上看，粉嶺戲院位於聯和墟與粉嶺火車站之間，交通不算說是方便。戲院保留了舊式戲院的單幢建築，樓高兩層。戲院現時分為兩家戲院。當中其中一家戲院，更曾於九十年代加入了專播三級色情片見稱的日活院線。隨著日活線的沒落，該院也「從良」起來。
近年粉嶺戲院除了播放中西大片外，還播放過不少極為小眾的電影。還記得當年該院便獨家於暑期播放由林慶隆執導的《狂野臥底》，上映一周只錄得三百三十元票房。當日到粉嶺觀賞此片時，幾乎成為一人包場的局面。
然而，也許該地段的地契用途所限，令到戲院在其困難時期，保住該院的存在，亦成為了現時大埔及北區唯一的戲院。不過，相信不少居住大埔的觀眾，也許寧選在沙田甚至市區觀賞電影，多於花錢入粉嶺戲院看戲吧！
Ryan
Hajime: 沙田的UA仍在裝修，只得3個screen，會否出到九龍塘甚至旺角去看戲？
Ryan
神經刀：如果地契說只能營運戲院，也許未必死得了。
Ryan
Nigo: 大埔沒戲院，一程307去港島又得，搭火車轉地鐵或隧巴又得，只是要花多點搭車時間而已。
Ryan
4res：《東京審判》是今年開畫的，由馬鞍山戲院獨家獻映。
Ryan
過路人：謝謝指正。這兩家戲院，相信入座率高極有限了。 😛
Ryan
R: 其實這家戲院，可算是香港極少數能保存單幢戲院建築了。
Ryan
JJ: 其實UA沙田現在該是重建，因為稍後如無意外，有說法該處是香港第二間商營 IMAX 3D 戲院的所在。
Ryan
yuenyan: 上水火車站行過去行樂戲院約十分鐘路程，當年見到是頗有特色的，後來結業曾有一輪作商場，不過現在已是另一回事。
Ryan
謝毅：多謝捧場。在粉嶺戲院看得最有特色的，還是當年的《狂野臥底》。
Ryan
昌：近年坊間有本書談香港戲院的，可以一試。有空時，請試到觀塘銀都看戲好了。
Ryan
JJ: Mono? 嘩！果然十分「懷舊」！
Ryan
stephen: 唔知係咪壞鬼左無整呢？
Ryan
JJ：這類題材已買少見少，還望仲可撐得住。
Ryan
ngu: 不過第二朝要返工, 恐怕九點半場應該不會太有意欲入場吧
Ryan
SUSAN：粉嶺戲院其實是香港極少數單幢式建築戲院，實在難得。
Ryan
Chris：的確，有空時不妨再到觀塘銀都戲院，亦具特色的。
Ryan
shtmanhk：相信不少人想不到新界北區剩下的只得這間吧。
Ryan
Roy：當時在粉嶺戲院入座如何？
Ryan
sue：這點恐怕撲朔迷離了。
Ryan
waz：當年上水名都和粉嶺名都便是這樣，結果雙雙結業。
Ryan
Sammi: 兩人包場，拍得住上周末Megabox 午夜場的《魔幻王國：卡期柏王子》 😛
Ryan
kjkj: 多謝提供，這倒也是好事來的。
Ryan
patlikica: 何不打電話去問?
Ryan
小琪：票價會否是另一因素？
Ryan
梓梓: 何不親自前往一下呢?
神經刀
睇黎結業下場都係遲早問題…
Hajime
「不過，相信不少居住大埔的觀眾，也許寧選在沙田甚至市區觀賞電影，多於花錢入粉嶺戲院看戲吧！」
我住大埔的，睇戲真係去沙田多……
Nigo
i live in Tai Po too, even I prefer to watch movie in Hong Kong side,I do enjoy visit this cinema,it has the nostlagia feel that nowhere can compare too
4res
上年的《東京審判》
我記得也是在粉嶺戲院獨家上映…
過路人
東京審判
正確是馬鞍山 + 粉嶺
2月1日上映的
R
我次次都去呢間戲院,其實唔錯
我住大埔既，睇戲就係去呢間同埋沙田多
上次睇阿森一族大電影都係係呢間睇
好似係$40
JJ
本人一向很喜歡留意戲院的發展,既然新界北區那麼缺乏戲院,為什麼UA沙田會在早前無端端由10間院低調地減至3間?我還有印象,當一些大片公映,UA沙田能動輒撥出4間甚至6間大院同映一部電影,即是,同一場同一時間有可能超過2000人同在觀看同一部電影,生意是相當不錯的,我也試過在UA沙田門口那長長的人龍排隊排了超過一小時才買到票.現在只有3間院,真的很為UA可惜,更為住在新界北的市民可惜.不知是否那發展商認為戲院回報低而改變規劃,還是UA本身改變發展策略?
yuenyan
我是在search新界區有甚麼地方可以看色戒時search到這裡的…我以前都是新界北的人，細個時在石湖墟去行樂戲院的…想不到不只舊的戲院，北區較新的戲院也都相繼結業…真是可惜…
謝毅
本人家住粉嶺十多年，只是到近年才知道有粉嶺戲院的存在，深被其獨特建築及懷舊氣息所吸引，但說來也有點慚愧，因為始終無幫襯過。
決定了，今個周末一定要看番套戲，可能是奇異思典或魔戰王，總之要支持下﹝之後也會繼續支持﹞，免得將來戲院倒閉而後悔。
昌
我昨天到了旺角的豪華戲院看戲…
開始留意了舊戲院的存在…
一直的在網上search post…
看看哪裡還有舊戲院可以光顧,
竟然來到這裡…
很感謝發文者如此細心的介紹呢!!
因為你, 我應該會很快就找個時間進去一看^^
如果可以, 可否提供更多有關舊戲院的資訊/消息給我呢?
因為我實在已分不開哪些已經結業><
萬分感謝^^
我的email:williamrow@gmail.com
JJ
剛剛在此戲院看了”異獸戰2″,音響是Mono的,看荷里活大片的確不適合在這裡.但如果不靠音效的電影,又想尋回80年代入戲院的感覺,此戲院絕對是極佳的選擇,座椅仍是80年代流行那種,牆身是木的,也是傳統舊戲院那種.
stephen
MONO? how come?
i thought they have Dolby Digital sound.
JJ
佢售票處有”Dolby Digital”標誌,但真正入戲院內看時一聽便知是Mono.不過,我都預左,只收40元,是這樣的水準了.但如果這裡有我想看的港產片,可能我都會再去,懷念80年代入戲院的感覺,還會保留那張人手劃的戲票.
另外,由於這是新界北區的唯一戲院(最近只有ua沙田),粉嶺戲院的票房也不太差,因無競爭的關係,而且新界北區的市民也始終是需要娛樂的.如果附近再無新開戲院,這間戲院絕對有排做.
ngu
Mono soundtrack?
怪不得，昨晚元旦公眾假期，放映《異獸戰 2》，我約8:30pm經過時，發覺9:30pm 那場，竟然一個位都無劃。
SUSAN
我住上水O既. 我同老公工作都好忙, 每次有戲想睇, 又唔想專登走去最近O既沙田OR元朗.之前我同老公勁想睇蜘蛛俠3, 點之到落左畫我地都未得閒去睇. 無意中經過粉嶺戲院, 竟然有得睇!仲要係特價$45兩張飛!又可以泊車O係正門口!我地超開心立即買飛入場睇!! 原來有D戲O岩O岩落畫O既時候, 粉嶺戲院就會有得睇. 所以我好唔想佢執笠呀……
Chris
今天我專程到粉嶺戲院看戲-史柏力魔怪書, 以其建築相當獨特壞舊, 成為文物保留更好. 戲院大堂的簡樸返計, 人手劃票, 古老的座椅, 都給我大開眼界. 其實它的設備雖然舊式, 但保養得十分好, 加上職員們的禮貌招待, 給我深刻印象. 多去捧場吧! 不要冷落它.
提外話, 看完戲行多一條街會到舊聯和虛街市-電影《每當變幻時》的取景地點, 今次是一舉兩得的旅程.
shtmanhk
(轉貼) 粉嶺戲院：北區戲院不倒翁
明報
2008-4-18
坐落聯和墟的粉嶺戲院，於1959年9月11日開業，為目前全港最舊的戲院，暗斜的地台、乳膠墊座椅、銀幕四周的木條裝飾，說的都是當年情。現為兩間迷你戲院。
置身戲院和舊墟中，可以遙想昔日偏遠墟市的面貌。開幕當天由新界副行政署長黎敦義主持揭幕，他致詞時說：「（聯和墟）居民靠工農事業維持生活，貴院今日之開幕，將使本區居民獲到娛樂享受，即亦可藉娛樂事業而引起農村之繁榮。」由大埔、粉嶺到上水，現只有這一間戲院，繼續它提供娛樂的使命。
現狀：仍在營業，主要映西片。
Roy
我也曾在細個的時候到果度睇Terminator第一集.果時呢套戲好收得
sue
粉嶺戲院同行樂戲院我都由細睇到大,全盛時期既行樂戲院真係日日全院滿座架!
十幾年前呢兩間戲院都係木板櫈,d觀眾都喺門口買用雞皮紙包既粟子亞燒尤魚亞咁入戲院食,邊好似而家d戲院咁唔比人帶野食入場!
後來電影市道低迷,加上行樂個位又喺上水市中心,咪比個業位改做酒樓囉!而家叫行樂軒酒樓,好好生意!
唔知粉嶺戲院個老細係咪大有錢佬呢,本來粉嶺戲院就冇行樂咁好生意,行樂執咗又有上水名都戲院同粉嶺名都戲院(好似冇乜人知粉嶺名都都曾經開過戲院),地點都比粉嶺好,但粉嶺戲院重有錢裝修(重係大裝嗰隻,而家先咁乾淨),上影既戲都有好多係大片,票價又平,老實講上水名都同粉嶺名都戲院都要執粒肯定粉嶺戲院要蝕錢,但到而家都重見到佢,可能係個老細唔想執又有大把錢又鐘意電影想方便我地班街坊才橕住間戲院…唔知真相係點呢?有冇人知亞?可否告訴我?
大家留意吓,其實好多電視電影背景五十至八十年代都係粉嶺戲院取景!不過我都係鐘意以前既粉嶺戲院多d,好懷念木板櫈既戲院,嗰時d戲好似好睇d…
P.S.”每當變幻時”個街市一d都唔似原先嗰個,有見過原先嗰個既人是否同意?但套戲都幾感人既…
waz
其實我覺得上水都可以係市中心開間新戲院,上水同粉嶺好多人住,實有錢搵
Sammi
我三星期前才在粉嶺戲院睇”豬鼻情緣”，當晚睇9:30，全院只得我和朋友二人，心裡暗想，如果看的是恐怖片就好了，氣氛和環境的冷清簡直令人心生寒氣呢。
記憶中，第一次在這家戲院內看的電影是”似水流連”，當時七歲，是坐在姐姐的膝蓋上看的，慳回我的票價，記得當時相當流行孩童只要能抱著在膝蓋便免費入場，現在已經沒有戲院有這人情味了。
好想問問，有誰知道這戲院的老闆是誰？
kjkj
都唔係！我今曰去粉嶺戲院睇軍曹3好鬼多人去睇！
patlikica
軍曹3有得做呀，
太好了
想今星期日過去睇，
但我不知場次係點，
係唔係一定要係去到戲院到才知呀？
小琪
我反而去親睇戲都唔鏜意去沙田..我一定去粉嶺睇,貪佢少人又多數買到飛
梓梓
下?但係粉嶺戲院係點+?我想睇浪漢世界盃,但係沙田冇,我又唔可以去旺角個度睇..有冇人可以比多D粉嶺戲院既相比我?同埋E間戲院舊唔舊?我又唔知E間戲院有咩電影睇..望落去好似好”糊遭”咁..
種子
請問點樣去?
sweet
人手劃戲飛，甚有懷舊味道。
請大家多多支持它。
北區無嘜幾多間戲院！
Ccshui
google粉嶺戲院—-到貴地,謝謝資訊.
啱啱打電話問到個女仔答得好有禮貌,
決定一陣同仔仔去睇麥兜响噹噹.
順便帶相機去影低這個最古老的戲院.
簡直係上一世紀80年代活化石啦.
又令我想到之前幾乎日日行經的紅磡寶石戲院
講真,奇怪居然從沒有打算過在寶石戲院睇戲.
寶石戲院那個黑黑的入口令人卻步.
車人
有消息指粉嶺戲院會於2010年1月結業, 如果消息確實的話, 再作通知…可惜~~
Carol
朋友說, 粉嶺戲院已於1月7日結業!!!
Carol
致電戲院都冇人聽!
yau
我去過真的關門了!
shtmanhk
http://hongkongfilms.mysinablog.com/index.php?op=ViewArticle&articleId=2125076