安樂發行對於《色，戒》可謂嚴陣以待，不單大規模宣傳，更在百老匯院線派駐重兵來防盜錄，到底實際情況是怎樣？成效如何？
不如就拿昨晚在某百老匯院線旗下戲院的一場九點場《色，戒》來看看吧！
該院線在事前的準備，除了在戲院票房購票時獲得如上圖的影印告示外，還在戲院的網頁有圖像通告。更有趣的是，在該戲院的電視屏幕中，竟然其中一格出現反盜錄字眼！
入場搜查方面，主要是戲院職員搜查一下袋內的物件。倘若帶有手機或是手提電腦的話，全部均需要暫存於戲院內，而戲院亦準備了大膠箱。至於一般的手提袋，大都是打開搜查便能過關。然而，雖然手提電腦在告示上只要求關掉，但入場時卻仍需託管。
手提電話呢？其實沒有特別查核。倘若你真的將手機放在不起眼地方，恐怕也看不出來。入場的速度雖然稍為減慢，但該戲院亦有三名人手，故此沒有出現太大「樽頸」的情況。
入場後，看見戲院果然「駐紮重兵」。在戲院的後方有一名職員。至於前方則左右角各長駐一位，其中一位，更是在一度像攝記便用的梯，相信是方便監察戲院座位較高的觀眾。
當觀眾進場得七七八八之時，職員便拿著MP3機駁上擴音器播出防盜錄聲帶。這款聲帶是重新錄製。唯一相同的，只是粵語和英語仍然說得差勁。
開場時，除原班人馬外，還多加兩位職員再環看情況。播放期間，每隔數分鐘便有職員駐守。然而，場中所見卻有沒有關掉手機的觀眾曾三次開著手機回覆短信。頭兩次沒被職員發現。到了第三次，則被職員立時阻止。整體來說，負責監察的職員尚算盡責。
然而，整個「反盜錄」的行動，又要搜袋又要關手機，除了戲院觀眾覺得煩外，原來職員也拿來開玩笑。在沒有觀眾入場時，一眾職員拿著「關手機」大開玩笑，。
★董小玥★
嘩，擺入膠袋內，如果出嚟拎返時俾人拎咗都唔知啦，咁麻煩。
Nic
淨係睇”色．戒”先要咁麻煩？…
咁其他電影又唔需要反盜錄呀？…
“色．戒”上正場都係咁，戲院真係要調動多一倍以上的人手..
Ryan
董小玥：牌仔有編號記認的。
Ryan
Nic: 似乎只得《色，戒》這樣做。
祁佳仕
我諗,越係做得煞有介事,就越收宣傳之效吧..
★董小玥★
嘉禾就全程有個大粒(唔係平時賣飛嗰d職員)的站在院裡，咁既行動無咁擾民，一向都覺得嘉禾無咁麻煩。
反"反盜錄側目行動"小市民
我未試過睇戲睇得咁激氣!
事緣本月26日去元朗百老匯睇”色.戒”, 一進場, 工作人員無論男女老幼都要搜袋, 宜家恐怖襲擊咩? 話乜鬼反盜錄wor, 算, 我忍.
元朗百老匯出名院細觀眾席闊而淺坐位又細而前後座高度分別唔大, 不幸我只買了中間section的走廊位都已經好慘. 但開戲半句鐘, 發現中間幾十個靚位都仲係冇人坐, 唔通halloween比鬼坐? 事後找工作人員查問先知原來又係因為反盜錄, 話要開場前唔知幾多分鐘先release出o黎, 有冇搞錯, 早買飛反而冇得坐好位? 工作人員話中間靚位係盜錄黑點, 咁洗唔洗所有交通黑點都封路, 所有罪案黑點都宵禁? 斬腳趾避沙蟲, 反盜錄o的人都冇腦.
影片放映不時受到工作人員滋擾, 左右都有一個工作人員成場戲都棟o係度望住我o地, 宜家考試咩, 搞到冇晒mood. 不時仲有個工作人員o係銀幕前行左行右, 佢個頭仲要遮住字幕, 喂, 哥哥, 你食玻璃大架? 中段時間個哥哥仲要手執一舊發出紅光o既野(我估係夜視鏡)yup yup樣樣, 喂, 哥哥仔, 好似係你想偷拍d 姐姐仔多d wor!
因為比d 工作人員不斷滋擾下, 套戲雖然兩個幾鐘但都好快完左, 亦都唔係咁知套戲講乜.
試過要求退飛又不果!
仲有買飛o個陣都冇同我講會有人滋擾ga bor, 如果我知咁滋擾我一定唔會比錢入戲院, 情願等DVD仲好享受!
ryanlob
O徙氣… 有心錄既, 唔去boardway咪得
Ryan
祁佳仕：宣傳一輪，再做幾輪就變反宣傳了
Ryan
董小玥: 似乎其他院線有點「行動」喎
Ryan
反”反盜錄側目行動”小市民: 的確，坐在通道旁的, 仿如觀看九十年代老翻的「人頭版」
Ryan
ryanlob: 這些「行動」其實有另一個目的，詳見另文