一部電影的開畫情況，關於多個因素。電影宣傳的優劣固然對入場意慾構成影響，不過電影的首周排陣卻反映了院商對電影的另一指標。
院商排陣，往往需要在沒有往績的情況之下，量度觀眾口味以排出戲院首日應安排在哪家戲院或多少場次播放。固然，院線與發行商之間的關係會有所影響。不過，在一般情況下，也會給予整間映院於開畫日播放電影。
然而，這個情況，卻不適用於近期一部華語電影，就是《天堂口》。
《天堂口》雖有吳宇森及張家振監製作賣點，並有劉燁、吳彥祖及楊祐寧等中、港、台群星拱照，可是百老匯院旗下多間戲院在開幕首周，竟然出奇地沒給與《天堂口》一整間戲院播放，而是每天只播四場，再將餘下場次拆給其他電影。
這個情況，對於一部正常的開畫電影來說，並不尋常。
排片其實反映出院商對電影的信心，間接地影響了觀眾感覺。試想一下，當大家看到某片只排三場時，大家不其然問何以首周已如此「淪落」，會否跟其影片質素有關。結果，得出來的是觀眾對《天堂口》產生負面感覺，更加不敢去看。
事實證明，《天堂口》開畫日雖在廿家戲院播放，但票房卻只得十三萬。院商及觀眾齊齊為電影投下不信任票。
Nic
雖然套戲有咁多stars + 吳宇森做監製 + 陳奕利首部作品做賣點…
就連院商都覺得此片不適合港人口味而放映咁少場次….
所以票房咁差都唔出奇…
我諗投資此片的人都對此片大跌眼鏡呀..
★董小玥★
天堂口在香港才第一星期上畫，我今日去看，以咁大的cast嚟講，竟然第一週已把此電影放在最小院裡上畫，看來電影真的給所有人負信心。
不過事實上亦然，看完此電影後，四個字︰不知所謂﹗終於明白為何內地人看完此電影後都大罵不堪了﹗
Ryan
Nic: 可能一睇戲片已知乜事，但又唔可以唔發行，唯有咁做。
Ryan
董小玥：我同意劇本已害死部戲了
祁佳仕
套戲有咩問題呢 ? 我都有打算去睇…我睇過個trailer,又唔似係咩爛片丫 ?
★董小玥★
睇trailer真係唔似架，但當你一路睇你就會明白的了，尤其是個結局，仲有好多好多地方都令你好想即刻離場。
Frankie
咁大鑊！重想去睇添，因為個故仔係我鍾意既類型(我好鍾意「喋血街頭」架)！
祁佳仕
–講d唔講d,真係引死人喇…^^
Ryan
祁佳仕：預告片與電影，絕大部份時間都是兩回事來的。
Ryan
董小玥：同意，陳奕利將預告當ＭＶ來拍，當然好睇。九十多分鐘的ｍｖ，相信不易哽吧！
Ryan
Frankie: 咁去重睇，一定看得大罵。
Ryan
祁佳仕：個結局根本係《喋血街頭》，但只係「懶型」，節奏慢，配樂亦唔多掂。
★董小玥★
我驚係度講咗出嚟會俾人掟雞蛋喎。︰P
其實我的BLOG有寫到，如果你有興趣的話可以去看看。^ ^
★董小玥★
完全唔明嗰結局係想點，唔清唔楚，係咪之後本來應該係素珍變舞女嗰D戲份？
Ryan
董小玥：多謝體諒。 ^ ^
Ryan
董小玥：我諗係，但而家實在太「騎呢」