香港的戲院營運，有著不同的年代，亦有不同的特色。當中有些戲院可算是身經百戰，繼續營業。今天介紹的元朗戲院就是一個好例子。
元朗戲院六十年代開幕以來，位於福德街與元朗炮仗坊交界。初期是一家戲院分為堂座超等。到了九十年代，隨著不少大型戲院將堂座和超等拆分為一、二院後，元朗戲院也不例外。當年的廣告板可從大馬路見到。
不過，戲院營運實在不易，而同區位於新元朗中心的元朗百老匯開幕後。同區多家戲院如樂宮、美都、荷李活等戲院相繼結業。元朗戲院可算是除了元朗百老匯後僅存在區內的戲院。而戲院為求續命，只好將一院租出變成遊戲機中心，保留原有二院繼續營業。
至於畫板，將「二削一」時，也平分了一半給遊戲機中心，自家的一半只是宣傳自己戲院而已。到了去年年底，元朗戲院突然停業，寫出「內部裝修」。正常以為這是結業先兆時，幸好元朗戲院真的只是裝修。
裝修過後的元朗戲院於今年四月復業，原本的戲院分割成一院及二院，至於三院是新建的。而三院的座位僅為五十二座，可算是香港小型戲院之一。至於新裝修以白色較時尚裝修，原有的畫板位置已不復見。
元朗戲院雖然經歷多次變革，但仍崛立不倒，也算難得。
Ryan
sui_a：不過新開的3院好像細了一點。
Ryan
C.M.C: 其實改建後旳元朗戲院，感覺是不俗的。
Ryan
華仔: 這份人情味，集團經營的戲院實不復見。
Ryan
華仔: 《睇佢點死》? 有當年新聞主播袁志偉旁述喎 😛
Ryan
YL Guy：只是嫌三院銀幕過於細小而已。
Ryan
shtmanhk: 多謝補充。
Ryan
raymondchifai：算是有心繼續搞下去吧。
Nic
係囉..
香港而家愈來愈少戲院了..
好似在灣仔、天后、北角、香港仔都冇戲院了…
試問有幾多間戲院像元朗一樣在現在的市道也能分拆，同時播放3套電影呢？..
歴蘇
不過, 我覺得… 有好戲, 有質素, 觀衆就自然會入番戲院睇戲。因為屋企睇VCD係reproduce唔到個種音響或氣氛嘅！
★KuRuMi★
元朗個區比較大，所以要多d戲院都唔出奇，加上附近唔就腳，d人睇戲就梗係係返元朗區裡。
其他區就算無戲院但係方便去其他區睇戲，所以有d區無戲院都唔成問題。
Ryan
Nic: 其實分拆也只因為大院沒法坐滿，多分幾家，增加整體上座率而已。
Ryan
歷蘇：基本上同意，不過最重要，還是要找回入場的信心。
Ryan
KuRuMi: 也不一定，其實很多區也不算方便，但戲院現在很多時靠大商場。看看觀塘區apm和Megabox的例子便是。
sui_a
裝修後既元朗戲院ok呀!最好既係佢保留咗超等座位，即係d位係一級級上，唔會點比前面既人頭遮住，坐得好舒服…..
所以有得選擇既話，都寧願去元朗戲院好過去元朗百老匯。
C.M.C
講真, 佢裝修完真係同元朗百老匯有得揮。
係冇咁大, 同唔夠多戲姐。
但講feel, 元朗戲院不錯。
我都鐘意去這裡多點。
當初裝修完, 真的出乎我意料之外。
比起其他同區小戲院, 如已倒閉的荷李活戲院等, 好得多。
華仔
早幾天到元朗順道到元朗戲院一行,電腦售票模式和百老匯一樣,大院一院異獸戰2 二院末世凶煞驚天奪寶2 三院集結號,三個院和以前一樣都是同一位置上,小食部沒有了,變了一部播預告的電視,附有末世凶煞那張警告標誌.入場人數不多.可能是日場關係.但無論新和舊的元朗一樣戲院的票務員和賣飛阿姐都在談天說地.這些都是新迷你戲院所找不到的.
華仔
荷李活戲院有高高在上的票房(設在二樓)曾經播過正常的港產戲(東方院線戲)東方院線結束後和九龍灣的奧斯卡一樣改播三級影片(同區的金龍和芝加哥結業前都是播三級影片,金龍很深印象,因為戲院午夜場會播映港產舊片.印象中只有金龍是這樣,其他戲院如南華銀都只在早場四點播港產舊片,又不知當時會有多少人夜晚專程到戲院看舊片午夜場呢?)
荷李活戲院臨結業前播放過潤程娛樂出品的三級影片睇佢點死(潤程有幾套片曾上映過)套戲我都是出vcd先買來睇的.紀錄片一套.
附近的美都只睇過一次戲(98年睇李保樟導演許志安何超儀的想見你)入座人數約十人,暗暗的入場處,沒人的小食部,撕票員是個老伯,格局和總統堂座,新蒲崗麗斯堂座差不多約三十行,中間有一行是較闊的.
聽聞當年播濠江風雲期間有元朗公仔人在戲院入面斬人不知是真是假.02年播乾柴烈火後不久就結業了.
YL Guy
Yuen long Cinema is an excellent place to watch blockbuster movies. It’s clean and the ticket is cheaper.
shtmanhk
元朗戲院1961年開業
http://ol.mingpao.com/cfm/style5.cfm?File=20080418/sta02/wia3.txt
raymondchifai
今日終於去左睇戲
真係好過元朗百老匯
細少少,但係d座位好好坐
希望可以多d人去睇
KiuKiu
有同感﹗好過元朗百老匯。本身住元朗希望元朗戲院繼續生存下去，它畢竟帶比我同年一點滴的回憶，又因為舊戲院有佢獨特氣息…外國D劇院、戲院，越舊越受人保護，香港o既越舊就越要拆…可悲﹗﹗
john
但論生意 & 存在價值, 完全比唔上人地巴倫紐米 / 凱都, 唔知差d咩了…
魔仔
元朗戲院兩個座位間的扶手可以拉起~
更適合情侶一起去看電影~
呢個設計出面好多戲院都有, 但元朗百老匯就冇~
亦因為係元朗人, 只要元朗戲院有上的戲, 都盡量去元朗戲院睇~唔想最後一間小時候陪自己長大的戲院都消失~
兒
其實我依家差吾多系1想睇戲就會睇下元朗戲院有咩戲
因為佢d set位,舒服.放手個位又可以放上去.最岩d想攬住尼睇戲d情侶;p
仲有.
佢戈度系斜上去. 系完全吾會比前面遮倒囉.
地方又夠大,可能真系冇乜人識,入去睇戲系真系好似包場咁xd
好似之前個變形金剛2咁,我睇左2次. 我第1次系元朗百老匯睇.
d位又吾舒服, 又細, 又平, mon又大又近d位,坐最後戈行都好難睇得清楚囉,仲要抬高頭睇先慘w0r! 真系花到吾想睇
第2次去左元朗戲院, 夠大夠遠 又系水平線睇, 好舒服,又吾會眼花w0r
音響戈d都好正, 所以我真系幾buy元朗戲院