上圖的宣傳品，大家想到是甚麼嗎？
正當其他電影以提早宣傳作為賣點之時，由黃真真執導，被中方視為唯一認可回歸電影的《女人．本色》卻反其道以行。繼「官人我要」式海報及騎呢電梯海報後，近日卻發現另一」騎」呢宣傳物。
這款立體宣傳物品近日出現於戲院內，外貌跟玩魔術用變走人的魔術箱類似，但沒有任何門口。繼續沿用「官人我要」的海報設計。但擺位卻奇怪得很。
先看看梁詠琪，竟然在左眼位置放了一個手掌位，不過當大家想將自己的手掌放進去時卻沒有任何反應。莫非宣傳公司已想到該片的質素是「無眼睇」？這隻手的作用實在不明所以。
至於薛凱琪的鼻孔則更為奇怪，則變成一個類似入咭位的東西。但這個宣傳品怎樣看也不像任何自動售賣機，還是給大家大搞薛凱琪的鼻孔？看來也欠衛生吧！
看罷《女人．本色》的多款宣傳，真的令人難有入場意慾。
aulina
手掌解讀=隻眼開隻眼閉？
入卡位就真的估佢唔到！
另一款海報
Ryan
aulina: 出些咁既宣傳，似乎反效果較多囉
Ryan
另一款海報: 呢款《女人．本色》海報咪好地地囉，都唔明點解要搞成咁。
ryanlob
anyway, 都引起你既注意先啦係咪… 如果不計成效既話…
大腦電波
另一款海報正常好多，亦容易為大眾接受。
歴蘇
立體poster好似Ｄ比人劃了grafitti個種街招咁…
第一, content欠娛樂性攪到唔太想入塲; 第二, 睇完個3d poster直情唔使入塲。
歴蘇
既然如此, 不如睇多次《戲王之王》仲好啦？！
Paul
套片其實由Lark Films發行, 但在海報上它們的logo卻很細….
Ryan
ryanlob: 不斷為「講。鏟。片」提供素材？ :p
Ryan
大腦：是否宣傳要博出位呢？
Ryan
歷蘇：如果是人型立體模型，或是是另一回事。
Ryan
歷蘇：《戲王之王》不是人人合睇囉。
Ryan
Paul: 立基發行，不怪行UA戲院特別支持啦！
歐十十
從戲名，《女人．本色》好像是女權為主的電影；看海報，完全摸不著頭腦；看班底，又是難以想像。神神秘秘又拍緊戲？沒耐性去了解，所以不會看，除非好評如潮。
Ryan
歐十十：會否想拍的是《女人本好色》? 😛
Frankie
我會睇，因為已經有贈券勒！:)
Ryan
Frankie: 不覺得浪負時間麼？