上周末票房新片成績平平。榜首位置繼續由《神奇４俠：銀魔現身》蟬聯，周日於四十七院仍有過百萬票房，累積亦已過千五萬，看來仍有機會以二千萬埋單。
至於於端午節開畫的《戲王之王》，則於三十四院有八十多萬票房，六天累積近五百萬。詹瑞文首次擔正固然有不少觀眾捧場，然而在其他因素利好下亦有追捧。按情況看累積八百萬問題不大，至於千萬則看彩數。
新開畫的跟蹤雖然口碑不差，但是觀眾對於任達華的銀河影像片來來去去差不多款式興趣不高，再加上電影不太「新鮮」，廿九院收五十萬算有交代。四天累積近二百萬。至於《殺謎藏》，片長兼得十一家影院上映，周末收廿五萬也算不差。至少沒有《暴走四壯士》七院收九萬般難看。
《老港正傳》雖於周三於ＵＡ時代廣場有捧場客，但周末僅收十九萬，預計埋單應該不足三百萬。至於《綁架》，縮場後周末僅收十萬，累積僅過二百萬，比西片《我要籮霸》還要少。反觀播了逾一個月的《魔盜王終極之戰》仍收十七萬，票房四千一百萬。
周四開畫主要時《史力加３》鬥《每當變幻時》，看來勝負已決。
小夢
真係咁好睇？梗係覺得佢係vcd電影。︰p
Ryan
小夢：票房不代一切的。
Paul
By the way, 湯禎兆 寫了對”跟蹤”負面影片, 道出此片跟其他杜琪峰電影不同的地方, 某程度上亦道出我到現在還未看”跟蹤”的原因.. (我有時未看影片前也會知道影片的內容和結局; 此類情況多數不會影響我觀看一套電影的意欲, 但”跟蹤”是小數例外)
http://www.atchinese.com/index.php?option=com_content&task=view&id=35733&Itemid=91
Ryan
Paul: 坦白說，《跟蹤》太似杜氏電影，而這類電影亦出得密，間接令吸引力下降。
Paul
Ryan兄: 平心而論, 除左”暗戰”, “全職殺手” 和 兩集”黑社會”, [杜氏風格] 電影係香港票房都唔多收得. 之前在國際賣埠成績強勁的”放.逐”, 係香港票房都仆直….
我覺得在香港, [銀河影像]並不是賣錢的保證, 還要加上其他方面的配合, 如電影卡士(“暗戰”, “全職殺手”有劉德華, 兩集”黑社會”有古天樂) “跟蹤”只有性格演員任達華同不再當紅的梁家輝, 較難吸引觀眾.
(我問過一位女性朋友, 佢話覺得”放.逐”成班演員都係配角王, 無一位有主角相, 令佢無入場慾)
當然, 我個人而家都未有興趣看”跟蹤”…. 我覺得”鐵三角”香港票房都唔會好(雖然有古天樂, 但我諗套片的普遍觀眾口碑會好差)
Ryan
Paul: 無法。對觀眾黎講，款式同卡士又來來去去都係果堆，睇得多唔悶先至奇。