香港電影近年在宣傳品牌真是不遺餘力，繼杜氏作品大量出現減肥藥、《龍虎門》過期手機展後，更進化到為自己電影來個自我宣傳。
不要誤會，不是像《醒獅》般忽然將黃百鳴先生放上桌面。今回的主角就是羅守耀先生。羅守耀去年共有兩部作品《戀愛初歌》及《黑拳》。他在《戀愛初歌》卻突兀地安排下面情況：
Kary：鄭中基隻新歌幾好聽喎，叫咩名？
側田：係《黑拳》的主題曲黎嫁，叫做「黑風暴雨」
Kary：套戲十月上呀，我好想睇呀
側田：係呀，我都想呀，一齊去啦不如
Kary：好呀．．．套戲有鄭中基、吳京、Theresa同Miki主演，一定好好睇
側田：吳京打得咁勁，呀Ronald又咁搞笑喎，仲有兩位靚女既感情戲喎，一定要睇
Kary：點解我地講埋晒Ｄ咁既野既？
側田：點解你講Ｄ咁既野？
大家都可能問點解「講埋晒Ｄ咁既野」，如果接到戲也沒有太大問題，問題明顯地是硬插下的，接不到戲，於是只能一笑置知。
動作演員和搞笑演員，向來都是觀眾來訂的，不用片商指指點點。因為無實力的話，怎樣宣傳也沒用。
令人噴飯的，就是這種厚顏的自吹自擂手法。硬插入情況，毫無關係，觀眾對這場的反應，跟就字幕寫出來一樣，就是「胡說八道」。坦白說，這段戲難頂程度，更勝路訊通。
慶幸的是，《戀愛初歌》票房不高，不會有太多觀眾在戲院感受到這份爛味。當日在觀塘某商場戲院觀看此幕時，獲得噓聲，及後字幕寫出導演羅守耀時，再獲一次噓聲。如斯「熱烈」反應，實屬近年港片罕見。
大腦電波
最後兩句根本係多餘，唔講好過講。
Kary：點解我地講埋晒Ｄ咁既野既？
側田：點解你講Ｄ咁既野？
Tuss
其實這種硬銷，我也曾在某些獨立藝術電影中看過。在某些創作者眼中，這種並不是一種硬銷，而是真的相信那些影片是Masterpiece。
歷蘇
唔係, 其實佢地係鬼上身就真，因為依Ｄ咁嘅對白都唔係人講嘅0野！
aulina
ryan，想睇你比較呢套同緣邀知音。XD
最重要係呢套你俾「絕世爛片」的話，會唔會俾另一套「絕絕世爛爛片」，哈哈。
你講呢段，我係完全冇留意佢講過架！
Ryan
aulina: 一部電影跟一部音樂劇，直接比較對兩者並不公平。
作為電影，沒可能零劇情。而抽出的一幕，可謂跟劇情跟進全無關，是為加而加插的多餘戲份。起承轉合最終合不來，只有胡說八道不了了之。
Ryan
大腦：但沒有這兩句，也接不了下一戲吧！呢兩句明顯是廢話，但不講就更肉酸罷了。
Ryan
Tuss: 藝術電影有唔少，但講到商業電影，市場面對公眾，沒可能這樣吧！
Ryan
歷蘇：看來真的研究一下開拍《陰陽路二十之戀愛初歌》好了。:P
小夢
過份HARD SELL
歐十十
這種硬插的手法也想到出來，實在佩服！但真的可行嗎？恐怕本來對《黑拳》無野的人，也因此而反感，弄巧反拙！
Ryan
小夢：擺明硬銷，可喜的是觀眾也作出最適當的反應。 😛
Ryan
歐十十：這種硬插的手法不是沒有，看看《瘦身男女》王天林服食減肥藥已有，但數到如斯厚顏的程度，實屬首次。
事實上，亦見不到奏效在那裡。
Frankie
唔係咁離譜下話，不過算啦，金牌D人都係黑人憎架勒！
Ryan
Frankie: 不妨試找來看，保證噴飯。
其實未必關某公司事的，或是某導演個人風格也不出奇。
Frankie
嘩咪搞，生命寶貴呀兄台！況且我好憎側田！
凡楓
教我如何愛上《戀愛初歌》? 舊年我是在已不拆卸的尖沙咀新港戲院看這齣戲, 現場人數零星, 反應雖不像你說的有噓聲, 卻也真看呆了觀眾.
小夢
金牌d戲一向都唔會入戲院睇，棧嘥錢攞苦嚟辛，肯租碟睇吓已經係好俾面，金牌d戲一向無邊套好睇，尤其鄭生嗰d真係…=”=
如果要數，都係獨家試愛同十分·愛好一點，起碼有d意思，
Ryan
Frankie: 挑戰觀影下限O者。 😛
Ryan
凡楓：那部電影這一幕，沒有人看到呆了才怪。因為只有香港電影才做得出來。
Ryan
小夢：一部部啦。《龍咁威》第一集還可以，但第二集真係慘不忍睹。
小夢
金牌的戲有一個特色，就係部部除咗d女一﹑二和男一﹑二會係前cookies同方力申﹑鄭生﹑森美之外，其他角色都會搵好多嗡得出名的歌手來撐場，每部戲都像大集燴咁，搞到主次不分，嚟d戲真係好危險，因為通常嚟d戲多星撐嗰故事內容一定唔好得去邊，sell青春多過嘜﹗=”=
Ryan
小夢：不過無可否認，這類電影有一定市場，吹佢唔賬。
河馬仔
但真係好惡頂噃,點鐘意側田都有個”普”啩
米奇
老實講,我唔係好敢去戲院睇港產片,浪費時間事少,浪費時間事大,有時睇到爛片,都唔知走唔走好….
係電影中賣另一套電影的廣告,又真係離譜一點.
順帶一提,醒獅的質素也是好唔惦，好像是電視劇水平．
Ryan
河馬仔：鄉音呢家野好奇怪，有些藝人觀眾或會受，例如舒淇或者李綺虹，但有些則唔受。
Ryan
米奇：有時睇港片，真係好似買大細咁嫁 😛
電影中電影廣告，是最不能接受的地方囉。
《醒獅》根本只是九十分鐘的「頭條新聞」。
小夢
咪係偶像同fans的關係囉，無咗班fans，嚟d戲就玩完。
嗰時d人話yahoo嗰度好多人話十分·愛有幾好睇又幾好睇，好多人睇完都話根本唔係咁好睇，仲話有槍手係yahoo度吹捧添﹗
fans要瘋狂上來真係可以好瘋狂，好駭人﹗=”=
Ryan
小夢：平心而論，《十分．愛》雖有沙石，但整體感覺不太差。