製作多部由杜琪峰監製電影的銀像影像（香港）有限公司，將於下周公映其公司的新作《跟蹤》。雖然《跟蹤》近日來開始了不少的宣傳，例如在巴士站使用雙燈箱宣傳其電影。雖然電影有近期常叫人去跳舞的港姐徐子珊及幾乎跟杜琪峰電影掛鈎的任達華，但電影在宣傳效果上，竟不及幾不多時候開畫的電影，如《每當變幻時》及《戲王之王》，主要原因是該片已予人倉底感覺。
銀河影像近年在製作上十分奇怪，很多電影如《跟蹤》，《文雀》等拍攝多時仍未埋尾。而有關製作公司卻每每不依開鏡次序開畫旗下的電影。例如杜氏早排便完成自己的《鐵三角》。這樣的製作模式，難免予人一種「不務正業」之感。 而對於這些已擺放多時的「倉底」電影來說，在宣傳方面亦不容易。雖然宣傳公司近期已向各大傳媒派出不少新聞稿，可是這些新聞稿講的消息，例如任達華增肥及減肥等已是明日黄花，對觀眾而言亦無新意。 電影公司將電影先行賣埠，再慢慢想如何在港發行，難免令人質疑，這些電影是否仍將市場放在香港觀眾身上。
Ben
如果佢o係電影節放左之後冇幾耐上正場，會唔會好少少？
Ryan
Ben: 《根蹤》最初排期係去年暑假，而家計返係倉底大半年。
Paul
“跟蹤”一直未埋尾, 游導演話因為佢諗唔到點埋尾, 更一度想效棄….後來經杜sir啟發下先諗到點埋尾.
而”跟蹤”係6月先上, 因為要跟大陸同步上映.
“跟蹤”跟本就係外埠多於一切. 套片大陸票房應該好好(犯罪片合大陸觀眾口味). 係台灣仲勁:有美商Fox發行. 而且套片在 法國, 日本 等地的版權已賣出. 相比之下, 香港是[食之無味, 棄之可惜]的埠而已.
據聞”文雀”會在6月尾拍完;台灣媒體話因為 林熙蕾 片約指明拍攝時間最多4個月, 但套片過左好耐都未埋尾, 結果林熙蕾經紀公司強迫 杜sir 在6月尾拍完套片. 最近生果報話有人禁 林熙蕾 係康城走”鐵三角”紅地毯, 唔通….? (btw, 杜sir 最近已經拍左”文雀”結局場面)
其實銀河影像的拍法絕對唔算不務正業… 王家衛先算吧:p
Ryan
Paul: 王家衛那些，已經拍到唔知做乜了。
銀河影像的拍法，對演員亦唔係好事。一個演員好似呢樣沾些，那樣又沾些，真的想像外地電影專心去research完學一大堆東西，不太可能囉。
小夢
真係好倉底，所以興趣真的不大。
或者人哋當正自己係龍頭大阿哥呢，以為自己拍既嘢係最正最好，好似放·逐咁，其實真係悶到無倫﹗
Jess
無論如何…我都會去睇~
Ryan
小夢：隔太耐才拍，擔心的係風格保唔住，或者唔接戲。
至於《放。逐》，市場明顯不在香港。
Ryan
Jess: 周末有優先場，詳見另文。