《忘不了》教你小巴行業

由爾冬陞執導，劉青雲及張柏芝主演的《忘不了》零三年在逆市開畫時算叫好叫座。原因之一就是對紅色小巴這個行業有極為現實的描述。就以其中一幕站頭負責人陳惠敏在擺孫兒賀壽時，張柏芝到場要求免交「入線費」一幕，兩名童星之間的對白就十分實在。

男：「我姨姨要入線呀！」
女：「咩叫做入線呀？」
男：「我都唔知呀！」

結果，陳惠敏感到極為尷尬，最後免了張柏芝的「入線費」。

不過，當中劉青雲教如果在小巴行業「搵食」亦同樣精采。

張：「點解你開車要用二波既？」
劉：「一波起步慢勒嘛，通常都係斜路起步呀，或者你自己車呀咁囉。自己車用一波，咁咪錫車Ｄ囉。咁有時同埋Ｄ行家平排，係燈前面又要搶面個客既，咁梗係用二波啦！搶食，搶食丫嘛！」

劉：「而家紅燈你就無得衝唧，黃燈你就要搶勒喎。」

劉：「同埋你Dup車呀，唔好Dup咁勁呀，如果唔係牙，班客個個仆穿頭都有知！」

劉：「不過記還記，跟唔跟佢係另一回事。」

劉：「一眼關七，有客落就落客，無客落就俾油！」

劉：「快少少就走多轉，走多轉即係賺多轉！」

張：「喂，小心呀！」
劉：「渣車大恰細丫嘛，你唔駛驚Ｄ的士佬嫁，有咩你就俟埋去囉，佢驚過你啦！」

劉：「不過嚇時嚇喎，你唔好真係俟埋去喎，下，俟埋去棧嘥時間咋喎。你睇！呢Ｄ咪叫做戇居啦拿。」

劉：「呢條木咀唔知訂，禁區截車！」

劉：「博上唔博落，上客你就袋袋平安，落客俾人捉到抄告票就自己囉黎衰，無人可憐你嫁！」

劉：「嗱，Ｄ車砵你當佢傻既，Ｄ客詐型當聽唔到囉！」

各位搭過小巴的朋友，是否有親身經歷或「驚歷」呢？不過從業員千祈不要亂學，不然就會…

Ryan