數到全港最多座位的戲院或者再估一下，但最少座位的戲院亦分不同類別。如果只計座位數目，UA太古城中心的Director’s Club兩家戲院只得十六個位，故然最少。不過，另一家座位數目少得可憐的華懋廣場戲院第六院，相信不是太多人知道或光顧過。
圖中顯示，不計E行兩個傷殘人士座位，全院只得座位數目廿二個。而若你座在最前一排，基本上雙腳是要平放的。
這幀圖片來自華懋電影院線網站，雖然華懋在網頁上聲稱自己位於尖東的華懋廣場戲院共有六家影院，但自去年聖誕過後，絕大部份時間只會開一、二及六院三家影院。
雖然只得廿二個座位，但票價卻跟其他影院相同。標準票價一樣是港幣五十元正。
很多人以為華懋這個集團很落後，但諷刺的是，華懋院線竟然比嘉禾屬下戲院更早推出網上購票服務。而每票的附加費（留意，不是寫手續費）是五元。然而，華懋院線旗下不少戲院如沙田希爾頓、粉嶺名都及上水名都相繼結業。而位於華富道附近的華富閣戲院絕大部份時間成了泰國人妖表演的香港大舞台。結果，全個院線只剩兩家戲院。
最近一回曾到華懋六院已是一年前，當時該院播放為《藝伎回憶錄》而衝來重映的「迎節」電影《春震藝妓館》。稍後再談華懋觀影經驗。
poonwinghang
Director’s Club 雖然只有十六個位，但的確好好坐，而且好貴。
噢 ~ Baby！！
你講開網上購票呢，之前蜘蛛俠3上映前，諗住係 MCL 上網 check 場次預售，點知同一個網站，並唔係間間院線Ｄ資料都 update，甚至係 check 唔到，結果要老土到要親自去買飛，但已往經爆院爆到七彩。
咖啡女
我唔會選一間咁細的戲院看戲,就算選最後那行,感覺都和第一行沒分別.
另外你的新blog頭都唔錯.
小夢
嘩，mud香港港有d咁細的戲院？
華懋無入過去睇戲，只在一次去那頭在外經過，發覺間戲院好偏僻，仲要好舊feel。
如果價錢係同GH﹑UA同百老匯一樣既話，咁梗係去大院線到睇啦。^ ^
小夢
我都覺得BLOG標題唔錯，不過睇唔到第四張海報係邊度電影名？
Ryan
Director’s Club採用全梳化，極闊落，但套票要$175，包括票價$125及美食券$50。勝在看《魔盜王終極之戰》不用加價。
網上訂票好多問題多多，遲下又插下。不過細戲院感覺，同看大電視差不多。
新blog標題圖像，另文再講好了。
aulina
Directors’s club，如果用citibank白金卡，好似係半價架……
你有冇聽movie review podcast？BBC呢個好正！今個星期講魔盜王，因為影評本身極討厭套戲，所以特別好聽。XD
英國上映時間同香港比較近，所以聽完決定睇唔睇超正。
Ryan
其實電影podcast本地都有幾個，自己聽影畫春秋多。
米奇
最少座位應該是銅鑼灣皇室Palace
Ryan
米奇：我們先來看看由UA戲院官方網站提供資料：
http://www.uacinemas.com.hk/publicUA/main/webpage/b5/fac_SE.html
皇室Palace戲院座位共有八十個。比起旺角百老匯四院（七十位）、五院（五十七位）及數碼港Palace院（七十四位）還要大。
米奇
幾年前我去過皇室Palace,係大型疏化椅,好像太古Directors’ Club咁既款,唔通我記錯定係裝修後唔同左?
Ryan
即使當年由百老匯經營的皇室戲院，以按摩椅模式，分左、中、右三組，每組兩個位，共有六排(A-F)，夾埋都有三十六個位，都多過華懋六院。
ryanlob
我在這裡看”生日快樂”
Ryan
ryanlob: 在華懋六院看感覺如何？
ryanlob
我仍記得我和朋友係坐c8c9, 銀幕size與裝修前既五六院一樣, 似睇緊一個好大既16比9… 音響比看電視差, 忽大忽細(左邊大右邊細), 亦時大時細。座位是新的沙發, 但比bc的又差dd…座車設計保證唔會有阻礙, 但坐最後一行距離銀幕只差不呎十步…最過癮是出入口, 根本是板間出黎…
響旺區黎計, 呢間戲院算抵, 六點前一律$40, 夜場$50