《魔盜王》（《加勒比海盜》）最後一集結果今日又來繼《蜘珠俠》外又一個撲飛潮。
雖然看了，但今天不是談這些。
想講的，就是電影公司的市場策略。發行公司洲立今回搞了一次「連環場」，昨晚在JP銅鑼灣戲院一口氣播了《加勒比海盜》（官方名字）的《魔盜王決戰鬼盜船》、《決戰魔盜王》及《魔盜王終極之戰》。
不過奇怪的是，當年播放第一集時，官方用名是《魔盜王─決戰鬼盜船》，現在何以加入《加勒比海盜》名字？也許是想統一稱呼的小動作吧。
連環場播放是下午六時播第一集、下午九時播第二集、午夜十二時零一分播第三集（何以十二時零一分？是否電腦系統需要）。入場有贊助商提供的一公升裝牛奶一盒。但在戲院飲牛奶，有點怪。
其實一連播放三集的模式也並非首次。《無間道》試過、《魔戒》也試過，但兩者沒記錯也不是優先場播。奇怪的是，何解《蜘蛛俠》或去年的《變種特攻》不這樣做？是否發行公司不同還是各集間無太大關係？
對想觀看第三集《魔盜王》的朋友，請準時入場，並在尾末八分鐘時幕後觀賞最尾片段。
小夢
一次過看三集會唔會吃不消？
Ryan
其實連看三集不一定辛苦，只要有足夠的中場休息便可以。
講辛苦，或許《魔戒》會辛苦一點吧。
而外國電影節很多時都要連續睇四至六場，我反覺得那些如Variety的影評人真犀利，每天多場仍可以夜晚去埋派對。
小夢
我知，因為佢哋既職業同職責就係要專出席活動睇SHOW吃喝玩樂出席PARTY，係咪呢？哈哈哈，猜的。^ ^
噢 ~ Baby！！
好想睇吓你睇過《魔盜王終極之戰》嘅感想呀？(^O^)
重有請你話俾我知個最後一幕個答案吖，因為我本想看哂片尾，但坐到約 2、3 分鐘嘅片尾，觀眾走哂之餘，亦有工作人員入嚟清潔，可能係早場啦，所以我都唔好意思，片尾未完就走咗，不過我都會買隻碟睇多次。
Ryan
《魔盜王終極之戰》賣特技多，三大主角，尤其兩個男角，似花瓶居多。
至於片最尾涉及Spoiler，稍後私下電郵結局給你好了。
噢 ~ Baby！！
唔該哂，麻煩哂你呀~~ (^O^)
Ryan
不用客氣，電郵已寄出，留意你開blog登記的電郵地址看答案吧！
Frankie
今年係「星戰」三十年，好想一次過嚮戲院睇晒六集佢！就算幾百蚊張飛都制呀！
P.S.我是新來的，你好。
Ryan
Frankie: 多謝光臨，希望你常來！
《星戰》當年播前傳，曾於太子凱聲戲院播過現稱的四、五、六集的。