曾幾何時，周潤發的確是票房靈丹，凡是他主演的影片，均有不俗的票房收入。也許是這樣，他最終還是過了荷里活發展。不過，當外間影評正揣測周潤發在《魔盜王終極之戰》出場時間是否以秒數計劃之時，大家是否先來回顧他在荷里活的發展？
周潤發在九五年拍畢韋家輝初執導作品《和平飯店》後便開始其荷里活之旅，齊齊看看成績：
九八年作品《血仍未冷》(The Replacement Killer)，演的是一名開槍機器，對白少到出奇。當時該片劣評如潮，連曾江的英語跟演技也好過他。
九九年《再戰邊緣》(The Corrupter)，都係開槍機器，票房及表現不見得比上一部好，嚇怕好多人。
同一年，有他演文戲的《安娜與國王》(Anna and the King)。好似好有戲做，不過留意片名，主體係「安娜」而不是國王。周潤發的作用，是男裝花瓶一大個。
零零年，拍李安的《臥虎藏龍》(Crouching Tiger, Hidden Dragon)，又是作陪襯品，襯托的是以食提子上位聞名的章子怡。
零三年，又變回開槍機器，拍下《刀槍不入一僧侶》(Bulletproof Monk)，香港片名騎呢得緊要，而電影本身亦同樣嚇人。
雖則周潤發是不少朋友心目中的偶像，但大家試問一下，周氏在荷里活發展的各部電影，都真係同佢演的港片水準，有一個大幅度的折讓。到底做演員是想演好電影，還是希望挖空心思在荷里活生存，便是終極目標？
期待他的，不是去看《魔盜王終極之戰》，而是看三月曾開畫的《姨媽的後現代生活》。
Ben
呢齣戲，我唔係諗住睇佢的 =P
Ryan
剛看了，還好，出場時間都有十零分鐘。
還有發哥廣東話贈送。
小夢
一向都唔係咁鍾意佢，覺得佢份人好囂但其實又唔係有咩特別好成績喎，只係去菏里活兜咗一圈就返嚟也吔文吔武。
外國人真係受佢咩？又唔係喎，拍親d外國片就正如網主說的一樣，發揮不大或者是配角。好似章子怡咁，佢拍西片係當正的，那才是叫得外國人歡心﹗
其實覺得佢最唔要得既係當年佢處理和陳玉蓮的那段感情，太小器啦佢，當當大男人無d風度﹗
以上純粹個人感受，如有得罪請多多包涵。
Ryan
小夢：荷里活有一定遊戲規則，演員融合程度好睇佢地了解又或者會否有一點妥協。
講到香港演員發展程度，最好的或者不是周潤發或李連杰，而是曾江。
承啟
看了魔盜王….對於戲中發哥只有十分鐘我不意外,不過角色行行企企的”重要”程度才令我最”驚喜”。
有無發現發哥近幾年演出的角色其實都是配角甚至客串?他似乎已經想脫去偶像的光環,盡力為他人作嫁衣裳,我想好像一本雜誌的封面所說,發哥真的老了,他可能不再想走在最前,只想演好自己的角色…
我始終覺得發哥係好勁嘅,對比起謝菲路殊都唔輸蝕….不過佢嘅英文又真係…..
Ryan
其實年齡不能走在最前，似是香港電影的思維。畢竟我們很多演員的演戲生命實在短得緊要。
周潤發在香港人眼中星味太重，大家對他於荷里活轉當配當，仍未習慣。
001
係別人地方,
自然要配合人地既規則,
你試想想,
由一個非州黑人黎擔正拍港產片,
重要連港東話都講唔正,
大家接受到嗎?
站在發哥立場講, 搵真銀,
等退休吧啦
Ryan
001: 同意入鄉隨俗的重要。感覺周潤發在英語演員出，不像成龍般生動，也許是致命傷。
至於廣東話講唔正是否接受不到，有時也有例外，例如舒淇。
小夢
人家章子怡﹑鞏俐﹑成龍﹑楊紫瓊在外國也能做女一﹑男一號耶。
連黃秋生在愛在遙遠的附近戲份都多過周生在魔3裡唄。
歌唱魂
小夢君:
覺得周潤發份人囂, 這個看法應該三十幾年來幕前幕後第一次聽. 正所謂關公都有對頭人了.
Ryan
歌唱魂：我想，有時未必關藝人事，其他配套或會影響吧！
文少
Ryan你最後有無睇﹖我買左隻D9﹐以為係大陸片﹐原來係許鞍華執導﹐啞左﹐周潤發係入面﹐我真係唔知點形容佢…而且好似最後都無講到佢係咪感情騙子﹐雖然似係…不過點講﹐都好過佢係魔盜王入面行行企企。
Ryan
文少：入場看了，真的只是一部大片而已
文少
呀﹖原來加左括號會唔見左個戲名﹐我係問你有無睇姨媽的後現代生活﹖
Ryan
文少: 睇左，算ok啦