在今屆香港電影金像獎中，陸劍青與梁樂民合導的《寒戰》奪得最佳電影、最佳導演、最佳編劇、最佳男主角等九個獎項，成了今年的大贏家，就連頒獎嘉賓都好像有點關係，賽果也許令不少觀眾感到是否過譽。
其實，倘若明白金像獎的遊戲規則及一些背景的話，《寒戰》成大贏家也許也有一些因素。
《寒戰》雖是陸劍青與梁樂民合導的首部電影，不過兩人其實在影圈在近廿年的時間，當中包括副導演或攝影等工作，只是這些崗位過去被觀眾的注意程度不高，在汲取經驗下，能拍出不俗水準的電影，一點也不出奇。
當然，倘若以戲論戲的話，也許《寒戰》不是每個獎項均是「實至名歸」，不過金像獎跟很多頒獎禮一樣，有時氣氛也會對於評審的選擇有著一定的影響。看看去年的情況，代表性的電影為數不少，不過倘若《低俗喜劇》得獎，也許對於不少評審十分忌諱，因為該片僅以十二天的速度拍畢，拿到最佳電影，又會否對於日後製作有所啟示？真的很難說。
無名氏
今年一定係本土電影抬頭, 同10年前既經典無間道相比, 寒戰可能有所不足, 但講真近幾年都真係無出過一部接近寒戰既格局, 亦都好少港產片涉及警察高層, 而梁家輝絕對係本片最最重要既元素。
期望寒戰2真係會加入傳聞中既發哥, 咁就一定要入場支持!!! 不過呢部戲仲有兩個未如理想既演出, 係少少美中不足.
Charmaine
其實好憎中港合拍片，因為係「四不像」，人唔似人，鬼唔似鬼，講真中港合拍片係「糖衣毒藥」，D電影人懶有信心話會摸索出一條路，呢D人真係天真得可以，究竟係個市場改變你，定係你改變個市場？？？我就未見過後者。而且中國大陸習慣抄別人的東西，然後「過橋抽板」，教識徒弟無師父，遲早似北上做０野０既香港人，畀人踢返落０黎香港，但０個時的所謂「香港導演」畀人廢武功久矣，都唔知拍唔拍得返正宗「港產片」。莊澄之前接受《明報》的訪問，睇完真係覺得現在的香港電影人有Ｄ問題，純粹為個人利益，少為行業前途著想……特別關於電影公司那部分……
中港合拍片如果係《桃姐》０個個形式，我唔會反對。就係大陸出錢，拍香港的社會問題，或者拍一些香港投資者唔會、唔敢拍０既片，呢Ｄ擺明係攞獎片，又同香港有切身關係，咁又無乜所謂（中港合拍）………
Nam
《低俗喜劇》以十二天的速度<—-都唔可以憑拍攝速度斷定佢係唔好
正如低成本電影唔一定唔好睇
但我都覺得《低俗喜劇》爆出因素好大原因佢係一套賣唔到番大陸既電影, 近年差唔多每套戲都係中港合拍, 為左遷就大陸市場, 劇情唔合香港人口味, 要政治正確, 加入內地演員。影迷熱捧低俗, 係因為佢係一套開宗明義拍俾香港人睇既電影。
最能留意到, 近年香港電影結局正義必勝, 無鬼片等等