（圖片來源：香港電台網站）
第六十八屆威尼斯國際影展已於九月十日閉幕，香港演員葉德嫻憑許鞍華執導的電影《桃姐》，奪得影展的最佳女演員獎項。
今年威尼斯影展競賽部分共有廿一部電影角逐獎項，當中包括杜琪峰執導的《奪命金》與許鞍華執導的《桃姐》。真人真事改編的《桃姐》由劉德華與葉德嫻主演，片中葉德嫻飾演一名家傭，自小照顧劉德華飾演的少爺，六十三歲的葉德嫻需於片中扮演老角。葉德嫻在獲獎後，於台上以意大利語表達感謝。《桃姐》同時也是葉德嫻繼二千年《唔該借歪！》後於影壇的新作。
與此同時，內地導演蔡尚君憑電影《人山人海》奪得最佳導演銀獅獎，而金獅獎則由俄羅斯導演庫羅夫的《Faust》奪得。杜琪峰的《奪命金》並未奪得任何獎項。
Ryan
有意討論其他影展或頒獎禮者，敬請另行投稿發文，不然留言會被刪除而不另行通知。
DP
期待早日在大熒幕欣賞Deanie的演出，相信她的影后獎項陸續有來。
有權爆冷
可喜可賀.
kent
之前有網友表示 葉德嫻 演技浮誇…唔通大會喜歡浮誇式演繹??
kent
葉德嫻 今次奪得意大利威尼斯影展-最佳女演員後,會唔會成為一級電影女演員呢??
kent
今次葉德嫻姐姐奪獎後,內地影業應弊多過利。雖然大家都係華人,但大家用既語言及制度有分別,華語片想取代港產片會遇到困難。
香港電影人會分兩三派吧…
大明星一樣會北上/荷理活挖金
邵氏,老演員,靚模會留港發展
英皇,黃百鳴,王晶一樣乜都拍
nbachung
《桃姐》應食住上提早上映..明年3月上映凍哂啦
[相信她的影后獎項陸續有來]…9成9掃哂所有女主角
kent
我對今屆威尼斯影展水準暫時不敢躬維,始終多倫多影展正同期舉行,(看來後者的號召力真的越來越強了)連 人山人海 都可以攞最佳導演(更有網友表示,導演上台時被台下人士喝倒彩)
威尼斯影展地位岌岌可危…遲d會被 鹿特丹影展 取代
kent
威尼斯影展似乎太多影片以全球首映既形式參展,水準難免比較參差…
鹿特丹影展舉行日期大約係二月,通常會有大量奧斯卡金像獎入圍名單影片參加,不過無演員獎項。
kent
到時就知龍與鳳,希望唔好雷聲大雨點小。
a
而金獅獎則由俄羅斯導演庫羅夫的《Faust》奪得。
係叫做索古諾夫 or 蘇古諾夫…名作包括 Moloch..Russian Ark..
早兩年 HKIFF 都有選映佢之前嘅作品如 Alexandra..
nbachung
唔知杜sir有冇失望?杜sir在威尼斯真多fans.
nbachung
[葉德嫻 演技浮誇]…之前看佢亞視[義無反顧]的確浮誇.但依次許鞍華一定調教得很好…
kent
其實上年都有薛海琪(越南),何超儀(西班牙),任賢齊(南韓)
今年之前都有湯唯(南韓),吳君如(意大利),麥俊龍(南韓)
攞最佳男/女主角,揚威海外…
所以今次葉德嫻封后,都唔係有乜咁大件事
nbachung
佢地係山寨最佳男/女主角,葉德嫻威尼斯國際影展係4大影展..地位差得遠
KK
請問“威尼斯”同“康城”邊個受矚目多D？
shtmanhk
香港本土女演員終於分別攻下三大影展影后,下個目標該是奧斯卡影后提名.
前兩次本土女演員於柏林封后後,也連掃金像獎甚至金馬獎影后.葉德嫻明年金像獎影后可以封盤,尤其是今年對手完全欠奉.
如果許鞍華執導的《姨媽的後現代生活》也在三大影展參賽的話,斯琴高娃拿下影后也不足為奇.
p.s.張國榮x葉德嫻
藍江傳之反飛組風雲
http://www.youtube.com/watch?v=VKuJ0p7iJLg
shtmanhk
何謂一級電影女演員? 抑或是指一線電影女演員?
shtmanhk
《桃姐》也是合拍片,片內不乏須要重新配音的內地演員.
shtmanhk
歲月神偷 也是3月待大檔期完結後才上映,而且尾段仲有金像獎效應.
如果此片代表香港角逐明年奧斯卡最佳外語片(其實很合適),3月上映可能有額外效應.
由於是合拍片,內地情況也要考慮.
shtmanhk
首先何以見得 人山人海 不值拿最佳導演? 是否人云亦云抑或從各片各方評論歸納分析出來?
今年威尼斯大熱倒灶多的是自然引起外人路人嘩然,但請勿將影片及評審水準混為一談.
如長期有留意影展消息該知今年威尼斯 line up 公認近年最強的一屆,當然沒有一直跟進的不會太清楚.
三大影展的競賽片全球首映參展早成慣例,本人對水準難免比較參差之說甚感奇怪.
多倫多影展重要在於為來年奧斯卡造勢第一擊,但不少重量級影片也是在威尼斯影展全球首映後才去多倫多參展.
威尼斯影展地位岌岌可危甚至被鹿特丹影展取代(OT:十多年前葉念琛曾是評審之一)?本人只知道去年威尼斯影展的開幕電影是 Black Swan.
nbachung
http://hk.apple.nextmedia.com/template/apple/art_main.php?iss_id=20110912&sec_id=462&subsec_id=463&art_id=15604475
果然報今年金像獎. 12月在香港安排先放映 5場，以符合參選的資格..葉德嫻最佳女主角想輸都難.已是襄中物.
danchan234
初初睇個班底以為又係王晶 個影王朝公司, 好彩唔係, 最唔 like 王晶以前自己好叻
(不詳)
肯定係康城。雖然威尼斯電影節係歷史最悠久既影展，但呢幾十年愈黎愈多參展作品都係水準麻麻甚至差劣。康城反而年年都有看頭，每一屆都有一大批大師級作品充撐。今屆威尼斯 可以講得上係近幾年水準較高既一屆，有《桃姐》、《Shame》、《The Ides of March》、《Tinker, Tailor, Soldier, Spy》等片助陣。本人認為今年金獅應該頒俾Polanski既《Carnage》(豆泥戰爭)，搞笑+實力演員又意味深遠，而且深受影評愛戴，無奈評審頒左俾探討權力本質的德語俄片《Faust》(浮士德)，全片我未睇過，但trailer差到難以形容，鏡頭又矇矓，況且影評人評選排名三甲都入唔到(頭三名係《Carnage》、《Shame》同《Tinker, Tailor, Soldier, Spy》)，佢同《人山人海》拎獎簡直令我跌晒眼鏡。不過演員獎由葉德嫻同Michael Fassbender拎就實至名歸，今趟佢地演技真係十分細膩出眾！
kent
《人山人海》唔係香港片,但因為通過唔到內地有關部門審批,所以就用 中國香港 既名義參加威尼斯影展…
(不詳)
我冇話過《人山人海》係港產片喎，我只係覺得睇完佢既trailer後暫時認為佢未必有能力擊敗其他勁敵駕馭銀獅，佢用香港名義比賽我之前睇過新聞，不過唔係新鮮事，我亦都預左，事關尺度大膽少少既電影內地向來都唔批，好似幾年前拎康城最佳編劇的《春風沈醉的夜晚》，都係婁燁導演唔理內地，自己私下以香港和法國出資為由，用港法兩個地方既名義參賽。
shtmanhk
《桃姐》代表香港角逐明年奧斯卡最佳外語片?
9月20日偷步上映,埸埸 full house,電檢已定一級,UA發行.
似乎明年3月上映另有部署.
http://www.uacinemas.com.hk/chi/movie/MovieDetail?id=1234
lp
《桃姐》依家個勢咁勁,又唔係敏感電影,
代表香港報名oscar機會應該非常高,
但會否今年正式上畫好難講~
OT:Shame香港會唔會上到?
kent
香港人好善忘
一個月之後,就鬼記得威尼斯影后係乜水,分分鐘好似上年 劍雨 咁票房失收。
shtmanhk
《桃姐》怎能和 劍雨 相提並論? 肯定不會票房失收且看能否挑戰 新不了情 的三千萬?
Rat
此片應該hit中, 票房目標會否是女人四十, 歲月神偷以至新不了情
hin
之前話左因為戲院d檔期full曬,要3月先上到
(不詳)
如果《桃姐》可以食住個勢上，喺港產片面對沈寂時突然為香港於威尼斯拎四個獎，加上啲外國3D片太多開始令人生厭，其實佢要破《女人四十》甚至新不了情都冇問題。出年三月先上可能真係攤到凍晒，啲甚少留意影壇新聞既人可能已經好似kent咁講忘記左，或者係入場既衝動變得冇咁熾熱。而且早啲上既話下年基本上掃晒金像獎既大獎，對好多片造成好大既衝擊，最佳電影、最佳男主角(華仔演技躍進)、最佳女主角係囊中之物，《武俠》同《白蛇傳說》橫掃技術獎項，《倩女幽魂》可能幫惠英紅拎女配角，《竊聽風雲2》拎硬剪接同得到贏攝影獎既機會，《奪命金》仲可以為杜琪峯同許鞍華爭最佳導演，否則呼聲甚高都要空手而回，始終技術又唔似得動作片咁搶。(九成賽果估倒晒)
shtmanhk
戲院檔期只是表面原因,配合各大獎項不斷造勢才是主因.
金馬獎本年尾,明年二月尾奧斯卡,四月香港電影金像獎壓陣,歲月神偷去年三月上映大收旺場前車可鑑.
95年 女人四十 二月揚威柏林,本地延至當時五月淡季泛亞院線上映照收千五萬.97年 春光乍洩 WKW 揚威康城,不足一個月上映照舊不足千萬.
只要 hit 中市場何懼攤到凍晒? 有麝自然香無須打鐵趁熱.
shtmanhk
去年 歲月神偷 收二千三百萬,劉華雖今非昔比但仍有一定叫座力.
明年金像獎最佳男主角不能忽視劉青雲,《竊聽風雲2》男女配角也不乏機會.
如果 龍門飛甲 及《大魔術師》也能角逐明年金像獎,《武俠》和《白蛇傳說》就難以橫掃技術獎項.
Monby
古天樂和吳彥祖有否機會入圍?
nbachung
如apple報冇吹水.明年劉青雲《奪命金》是金像獎最佳男主角熱門..《奪命金》未上..敢快認定《桃姐》代表香港角逐奧斯卡最佳外語片?《桃姐》挑戰 新不了情 的三千萬..難d喎?千萬以上就o.k…
nbachung
最佳男主角(華仔演技躍進)..以apple報講.華仔《桃姐》角色很平淡..無乜發揮
(不詳)
你講得有道理。不過上年劉嘉玲憑少量同冇乜發揮位既戲份都拎影后。劉德華演技是否備受認同我唔知道，但肯定既係佢一直都活躍於影壇，加上《桃姐》既成功唔少得佢肯冒險出資既勇氣，所以佢感動到業界而過關斬將拎影帝一啲都唔出奇。劉青雲於今年係好出色，我亦肯定佢分別會以《奪命金》《竊聽風雲2》2片獲雙提名，但咁樣可能會分薄票源，會否重現任達華當年既完美結局仍然係未知數。至於甄子丹，唔駛講啦……
(不詳)
《大魔術師》已被鎖定為一月上映既賀歲片，基本上係要等多一屆，除非佢學《歲月神偷》《戀人絮語》咁偷步啦，但明知大獎十成九拎唔到仲要咁冒險？？佢只係想要搏技術獎？？王導演係咪唔夠理智呢？？況且佢套片又未去康城參展，去左電影節先再爭獎，勝算會較大。
(不詳)
sorry, 打錯左，係爾導演。
(不詳)
係《桃姐》於威尼斯奪4獎而《奪命金》空手而回，邊套代港爭Oscar已呼之欲出。
Ken Resurrected
Somebody pretending to be a movie lover or insider and try to downplay a positive news for HK cinema and HK people? Shame on you!!
shtmanhk
許鞍華作品本地最收得該是《女人四十》的千四萬,《桃姐》超越難度不大.