自從位於聯和墟的粉嶺戲院於去年一月結業後，大埔及北區便沒有任何戲院。雖然曾經有傳大埔將有一家新的戲院在籌劃中，不過經過四年的籌劃，現在仍有待政府批核。
其實大埔區設立戲院的計劃，由大埔超級城的經營者新鴻基提出，並早於零七年五月的大埔區議會會議上提及將多層停車場大廈的一樓全層改建成四家迷你戲院，共提供三百個座位。可是，計劃至今已提出超過四年，仿如從沒發生一樣。
直到近期，星島日報的新界東區地區報就有關事宜查詢新鴻基，回覆是有關文件仍政府審批。即使審批完成也好，戲院改建其實涉及的工程不少，繼而還要物色經營者去負責營運，加上租務及裝修等事宜，恐怕即使政府完成審批也要一年的時間方能完成。
看來，大埔和北區的觀眾，未來一年仍要到其他地區戲院看戲了。
AlexL
等左好耐喇 唉!
迷逃小書童華安
是重建嗎？
在一樓改建的話，咪樓底好底囉…
華仔
想當年大埔有銀星,鴻基,寶華,星輝.如今竟然一間戲院都無,難道戲院商覺得北區居民唔捨得花錢入場睇戲?
迷逃小書童華安
同消費習慣有關…
而家通常係，行街，買野，睇戲，食飯一野做野，如果就咁樓下睇場戲，好係無乜feel咁…
Hammer
可以向邊到反映？
avo
大埔戲院遲遲都未落成的原因，有興趣的朋友可以一看
學生一個
我學校都定期去戲院包場啦!真係冇野講.
Hammer
只喺戲院，有幾品流複雜阿！
cg人
“電影”依家係視藝科課程內容之一, 只係基督教有好多規條同電影內容有抵觸, 佢地唔識教, 只有逃避
天主教比較開明, 欣賞完電影會一齊討論及反思, 教會有教會的看法, 世人有世人的理解. 說教說教, 唔比機會”說出來”, 點”教”?
3.3
我都係大埔讀 成日都放學出去睇戲吾覺成績差左lo
Hammer
喺新界西，元朗，屯門，荃灣，葵芳，連天水圍都有戲院，但係成個新界東，只有沙田有戲院，都幾離譜。