周四開畫的《勁抽福祿壽》其中一款海報，便嘗試將參演藝人漫畫化。這類海報設計模式其實於八、九十年代十分流行，當時的水準也看來較高。
拿回一張昔日的《神探Power之問米追兇》來看，當年由曾志偉、陳勳奇及翁慧德主演，電影海報十分掌握了各人的髮型與臉部輪廓，當中看著曾志偉化著女裝扮到仿如龍婆一樣。
同樣造型神似的，還有當年看起來身材和格局都男性化的翁慧德，海報則特別顯露她瘦削的臉孔，而陳勳奇十年如一日的髮型與鬍子，拿到今時今日來看，神似度極高。
不要以為當年製作這類型較漫畫化的海報十分容易，每每都需要插畫師花心思去畫，那些年代沒有電腦後期加重，故此今時今日看起來，特別感到彌足珍貴，有著一份昔日的味道。
華仔
看到陳勳奇個樣就想起當年在麗聲戲院睇的我要金龜婿.
galaxy
記得當年出名畫那些海報的好似姓阮,但唔記得左個全名。
Peter!?
叫阮大勇，嗰陣時玉郎漫畫封面全部都係佢畫的…
寫乜
阮大勇, 當時九成以上手繪海報都係佢畫, 早期如最佳拍擋等作品, 精細好多, 但後來畫埋玉郎漫畫封面, 畫風已經簡化咗好多, 上邊嗰幅算後期, 已經算求其嗰批.
另有一個崔成安, 畫咗少量德寶既出品, 一啲雜MARK彊屍片都有畫過, 像真度明顯低好多,不過叫做畫過一次ASIA WEEK定TIMES封面, 所以算有啲名.
siemud
呢幅唔係阮大勇畫o架。
余小明
《勁抽福祿壽》所謂的漫畫化完全唔得,個樣100%照印相,個身就咁縮細,個個排排企,完全冇咩設計!
寫乜
你究竟知唔知阮大勇係邊個?