近年不少女藝人都有復出之勢，繼吳家麗與夏文汐於《出軌的女人》復出後，曾於《等愛的女人》與吳家麗合作的王小鳳也回流香港復出。
王小鳳自九四年投資《等愛的女人》失利後淡出影圈，婚後移居美國相夫教子，是次回流，將會為電視節目《荃加福祿壽》的電影版本《勁抽福祿壽》作客中形式演出，將於片中飾演曾志偉的太太。因戲份不多關係，王小鳳是次只會逗留約三星期左右，並已出席昨天舉行的開鏡儀式。
《勁抽福祿壽》由《我愛HK開心萬歲》導演之一的鍾澍佳，演員陣容包括「福祿壽」成員王祖藍、阮兆祥及李思捷，合演的還有張可頤、高海寧、陳美詩等，預計於暑期上映，且看這個電視受歡迎系列電影版本又能否可以爭取票房。
patrick1029
仲有 Fiona 薛凱琪 呀 !
居然拍 TVB 電影 -_-
Rat
預計於2011暑期上映?
nbachung
奇怪.唔通薛凱琪 是客串.吳家麗與夏文汐復出都冷淡收埸.相信王小鳳唔好得去邊
球証
無記邵氏作品,必屬”街”品啦…
乜野”街”?心照啦…
明
戲分不多都留3個星期?係寫錯(3日?)定係點?
呢D垃圾戲﹐分分鐘成套戲都唔駛拍3個星期啦!
Al 佛
福祿壽今次終於脫離阿姐, 恭喜恭喜!!! 冇阿姐份呢套戲應該會好睇好多!!!