一般而言，香港戲院的票價無論多少也好，都幾乎全部是以五元或十元整數為單位，可是位於銅鑼灣的總統戲院，近期卻出現了極為奇怪的「入場票價」。
上圖所見，便是總統戲院的《3D肉蒲團之極樂寶鑑》票價，首場票價七十一元，而其餘各場則一律是九十一元。聽起來，這些票價還以為在是去做帛金似的。
其實有關的票價，已經是將3D電影眼鏡的六元加進其中。不過何以一開始已將其眼鏡價錢加進其中呢？
雖然總統戲院已不是首次放映3D電影，不過到近期未知有沒有更換系統，標明了現在使用的是MasterImage系統眼鏡，而該款式眼鏡目前在港使用的戲院為數不多，故此在該戲院入場幾乎是必要購買眼鏡，故此預先將其票價加入有關成本。
到底，總統這種直接將3D眼鏡成本打進票價的做法，又會否令大家選擇戲院時有所郤步呢？
小學生
如果我之前已於總統睇過3D，並己擁有MasterImage系統眼鏡，咁可唔可以減番$6俾我呀?(唔係錢ge問題，係原則問題)
Ryan
據悉是可以的
華仔
豪華票價一樣,正場$65+$6=$71 早場,首場,星期二 $45+$6=$51
嚴明
做帛金:D 我都不明白，為何有戲院收錢提供3D 眼鏡，我一定不會付費，寧可到別的戯院。
地通拿
我上兩星期去MCL德福睇《3D肉蒲團》，發覺用Master Image，於是用RealD眼鏡做透光測試，估計同一邊鏡片的偏光特性係一樣，有時間去Master Image戲院用 RealD眼鏡睇多次3D試試先。
tommyknchan
上次在屯門巴倫紐(MasterImage)我都用RealD睇! 大家，不要花錢買鏡了!
戲院人
Master Image有分一代同二代架
MCL用緊個個係二代,兼容REAL D
但一代係左右眼反相,唔兼容REAL D架
Peter
記得上年約9月時間，某院線既3D眼鏡可以拿走，日後再用。如果下次去無自備眼鏡，院線會收額外費用。
如果各院線都無統一標準制式，無統一3D眼鏡，只會令消費者無所適從。
何況現在電影所謂既3D，都得個少少，抵制3D電影算啦，我想要劇情既戲多D
地通拿
The Grand Cinema 係第一代還是第二代？