隨著近年在港放映的3D電影於票房上較非3D版本多出數倍，舊式戲院也加入3D放映行列，繼尖東華懋戲院、旺角新寶戲院及銅鑼灣總統戲院後，一般以來予人舊式感覺的豪華戲院，亦加入3D放映的行列，並以《3D肉蒲團之極樂寶鑑》為首部放映的3D電影。
豪華戲院雖屬新寶院線，但較早前卻未有像其他新寶旗下戲院安裝3D放映器材，故此每每當該院線選映3D電影時，豪華戲院也只能放映35米厘的菲林版本。不過去年年底該院已張貼《3D肉蒲團之極樂寶鑑》海報，令人在想豪華會否成為唯一放映2D版本的戲院。
結果，在宣傳公司及電影公司資料裡，說明了豪華戲院已安裝3D放映器材，並以《肉》片為首部放映的電影。
看看票價，豪華戲院3D電影票價為六十五元，比起正場貴廿元，不過長者及學生則設有四十五元的優惠票價，還有首場、星期二及早場優惠四十五元。看起來豪華戲院的3D票價，只是一般戲院的2D電影價錢。不過，3D眼鏡每副售價六元，看來各位未入場要先購眼鏡了。
位於旺角道四號的豪華戲院共設兩個影廳，每個影廳設有座位950位，為現時商營戲院影廳中座位最多的一家。雖然在豪華戲院觀看也許獲得大銀幕的效果，不過該戲院無論是座位、音響以至銀幕質量都不太理想，不知有因應3D放映而在這些方面升級呢？還望到該院看《3D肉蒲團之極樂寶鑑》的朋友報告一下好了。
華仔
我是豪華多年的fans,得知豪華會播放3d電影都有點興奮,可惜我買了飛後日朝在旺角百老匯睇3D肉蒲團之極樂寶鑑.如果下星期有時間定必到豪華試看一下3D效果.不知坐最後一行(第三十六行)可不可以感受到.
shtmanhk
全港僅餘下UA東薈城、影藝、元朗、寶石四院未設有3D放映設備,也常上映新寶發行的影片.
新寶發行的《3D肉蒲團之極樂寶鑑》line up 一律是設有3D放映設備的戲院,不設2D版本因此上述四院罕有缺席.
安素
3D電影票價為六十五元。。。3D眼鏡每副售價六元，諗得過喎～～
唔知有無ching試過音響又點呢？
球証
用成七十蚊去睇日本AV女星唔打真軍的演出?不如B/T佢地最新作品好過啦…
呢套野分分鐘又係搵笨野,我對個發行人無乜信心…
迷逃小書童華安
音響？我果次睇「潛行凶間」…
理論上係無聲的，人聲似睇電視，杜比效果似有或無…
個幕就無喇喇五分一「白左」，光暗有問題…理論上似睇翻版…
sally
回水呀
又話雷凱欣.有露點
點之係用替身
導演真係當我地咁柒睇唔出,
重有呀…
好撚多打手話好睇
唔好信佢地呀
吊你老母 蕭導演回水呀
華仔
豪華一院白左的畫面情況已有左超過十年,唔明白點解戲院竟然唔跟進.以後豪華有3d戲上都會放在一院上.
pal
其實只不過係佢地無開DD, 呢度係有DD架,
以前係呢度睇西片D 音響好正,銀幕大,聲又大,
我最近一次係新少林寺, 依然無開DD…..慘!
銀幕問題就真係好多年,你講起翻版,想當年真係係翻版碟度見過呢條白條,haha,即係有不少偷拍係出自呢間影院.
豪華迷
今日終於去左「豪華」一院睇3D肉蒲團，結果大失所望，個幕仍然係「白」左。
然而，一套3D電影只係收$65著實吸引，我睇個場都有100個觀眾入場。相比起平時的個位數字入場人數，「豪華」很明顯因為3D器材而鹹魚番生。
Chris
翻生幾日o者
豪華迷
我成日覺得豪華個場本身條件唔差(地理位置+巨型放影廳)事實上，一到大時大節聖誕/新年檔期，豪華一樣可以過500/600人一場。
豪華的問題晶結，在於陳榮美老闆無心經營，一副「HEA住做等收樓重建」的心態，搞到豪華個場日久失修，銀幕、暗響、裝修全部又舊又爛，售票職員個個年紀老邁豪無朝氣，完全都唔符合今時今日的年青人MARKET。