獨立製作低成本電影《十年》膺今年香港電影金像獎最佳電影，惟所引發風波都一直存在。當中不少電影公司老闆質疑其金像獎第二輪評審制度。然而事隔數個月，卻出現有香港電影金像獎的屬會提出改變第二輪制度。
目前金像獎的評選工作共分為兩輪，而在兩輪投票開始前，先行選出一百位本地專業評審及五位海外專業評審，然後當中五十位本地專業評審為首輪五十人專業評審，其餘五十五位則為第二輪五十五人專業評審。首輪投票時，專業評審與金像獎選民投票各位一半分鐘，從而選出五強。次輪由香港電影金像獎十三個屬會投票佔45%，而第二輪專業評審則佔55%，有關制度沿用多年。
金像獎評審制度的改動，於今天《蘋果日報》報導，指由香港電影商協會及香港影業協會提出取消第二輪專業評審，改用十三個屬會會員以一人一票選出。有關提議將交由七月十九日的董事會大會投票決定。
據《蘋果日報》報導指出，其動議在上次金像獎代表大會時由洪祖星提出，指不應由專業評審控制最後一輪評審，而現場卻有四個屬會表明反對。
其實香港電影金像獎的制度已存在多年，一直也運作正常，如今需要改制，難免令人感到是衝著《十年》得獎而來。但是，到底目前的制度何以會加入「專業評審」呢？到底這批評審又會有甚麼作用呢？稍後再談。
Charmaine
引用《明報》7月12日報導：
【《十年》惹爭端】洪祖星提議取消專業評審：不改制會害死金像獎 (23:46)
香港電影金像獎下周開大會，有消息影協提議香港電影金像獎改投票機制，取消第二輪的專業評審。於今年4月舉行的「香港電影金像獎」由話題電影《十年》奪「最佳電影」引起爭拗，此片內容敏感而被內地封殺。多位電影老闆，包括寰亞林建岳表態對賽果失望，有要求檢討評審機制。
今日《明報》記者致電影協主席洪祖星，求證他是否已向香港電影金像獎董事局正式提出改制，要求取消第二輪的金像獎專業評審？洪祖星稱4月香港電影金像獎後已提出這建議，大家早察覺現在的制度有問題，但有些人不喜歡改變。
洪祖星表示金像獎大會將於下周舉行，有不同的意見，大家商討找出方法。洪祖星指出目前金像獎的第二輪投票制度有問題，不改變只怕會害死金像獎。他說目前第二輪投票，專業評審55個人代表了55%，13個屬會的1000人只佔45%，賽果完全被控制，這是不公平的。他提出取消專業評審，建議由13個屬會登記的1000人以一人一票投票才公道。他強調說：「沒理由讓55個人決定哪部是『最佳電影』，這制度是有問題的。」
(即時娛樂)
Charmaine
我奇怪洪祖星話早知道第二輪投票制度有問題，咁點解今年先提出？？？往年又唔講？？？用洪祖星的邏輯，咁不如將往年的賽果全部推翻，反正個制度有問題，咁個賽果一樣有問題，係唔係？？？
我覺得香港電影金像獎董事局應該求仁得仁，踢走呢班影壇擦鞋仔，呢班所謂「老闆」，邊忽似人？？？佢0地唔係揚言要退出0架咩，就成全佢0地囉……香港影壇咁死，都係拜呢班所謂「大老闆」所賜，佢0地對香港影壇有乜實際貢獻？？？連攞錢出0黎培育香港影壇新人(特別係幕後)都無見過……錢就識搵……
如果好似呢班人咁，結果唔係自己想要，就輸打贏要，條氣唔順就拿拿臨搬龍門，改制度改到佢0地滿意為止，咁世界仲有王法0既？？？要法律0黎做乜？？？呢D所謂「有娥佬」，真係以為自己係神，想點玩就點玩呀？？？
Charmaine
今時今日真心為香港影壇的，一隻手數得0西，但肯定唔包括呢批所謂「電影公司大老闆」囉，係攞錢出0黎培育，係培育大陸人，香港人？？？理得你……
我唔明大陸咁多戲劇學院、藝術學院，仲攞錢畀大陸人，培育大陸人入影圈為乜？？？咁唔公平都無人出聲鬧電影圈D人(包括0個D返大陸搵食的導演)……
Charmaine
黑心講句，我係等睇返大陸搵食的老闆、導演、演員PK的……呢D人唔多用腦，當大陸的商業片上軌道，甚至好過舊香港導演拍0個D，始終香港呢批人拍的技術、東西都係舊，而且唔及大陸導演「接地氣」，咪又係靠之前的名氣搵食，遲早都會畀人踢出中國大陸，最好佢0地搵夠下半世食，否則喊都無謂，大陸人遲早睇厭(呢批人的戲)……