去年戲院市場佔有率跌至兩成的UA院線，近年不斷嘗試開源節流，當中包括上調票價、推出優惠大不如前的新會籍計劃等。不過隨著戲院網絡愈縮愈小，便要想點方法來開「開源」，最新方法便是要求觀眾自備IMAX 3D眼鏡。
目前全港的IMAX戲院均屬於UA院線旗下經營，由於IMAX 3D眼鏡的制式有別於一般的3D眼鏡，故此一直以來戲院均提供借用服務。可是，有關服務將於下月暗渡陳倉地結束。
上圖所見，便是「講。鏟。片」情報人員於旺角UA Cine Moko戲院所攝，通告指目前IMAX 3D眼鏡借用服務將提供至今年五月廿四日。意味著五月廿五日起便需要自備3D眼鏡，而目前觀眾則可以港幣十元購買全新的IMAX 3D摺疊眼鏡，而五月廿五日起每副正式為港幣二十元。
如斯的做法，反映UA院線「歛財」方面不遺餘力，IMAX 3D影院戲院可適用戲院極少，但是卻要觀眾自行購買，而且售價更比一般3D眼鏡高出一截。相比之下，戲院便可減少眼鏡保養與清潔的成本。難道目前UA院線已淪為同名但無關係的財務機構一樣，要將其失去戲院的成本轉嫁到觀眾身上乎？
sherman
今次我就支持UA
俾得錢睇IMAX都唔爭在俾多$20買眼鏡
佢派的眼鏡真係好污糟
又多大陸人用過
Ryan
提供選擇給觀眾自備IMAX 3D眼鏡沒問題，但現在是不提供借用服務，然後強制觀眾要自己買自己帶眼鏡，萬一唔記得帶就又要多付廿元。
要清潔衛生，大可以戲院提供全新眼鏡給觀眾，然後觀眾帶回去自己用。現在就連「過渡期」也不像當年提供免費眼鏡給觀眾，而是只以所謂的優惠價購買，可以見到其心意何在。
chiang
絕對認同Ryan 兄說話，奈何百老匯IMAX 未開，UA獨市生意下想點都得
sherman
“免費眼鏡”咪又係會係票價反映返出黎
宜家多個option俾人自帶
費事又多個理由俾UA加票價
Sin
其實近期開始UA上親新IMAX 3D版嘅戲已經無會員減價優惠
等同變相加價
起碼要上咗兩星期或之後至有得減價。
諗極都唔明會員卡仲可以有乜用？
信用卡做到嘅優惠反而會員卡做唔到
咁張會員卡真係要來托囉。
多年前嘅UA會員會員真係唔錯
而家就真係真心望佢接晒轉手。
Danny Cheung
本人看過很多不同意見和回響的IMAX 影迷。 我自己年輕時已經喜歡睇戲。由我2004年開始起,UA 戲院是我第一間 做會員的地方。 可惜到了一年，UA 戲院制度改革， 所有積分不能夠再累積， 因為戲院想賺更多錢加上3D 眼鏡加價， 確實變相要付出，有好處亦有不便之處。好的是 衛生的問題加上為地球環保， 不好之處是加價和 通脹問題。而最大的問題是制度大改革， 積分賺小了一半， 沒有積分累積， 這個是一個問題，我本身已經提供一些 已經給IA戲院, 但可惜沒有反映問題， 這個應該是營商問題。但亦希望 戲院再改善一點 優惠及制度。
Star Prince
IMAX眼鏡只是屈你一次錢,UA另外有一真‧歛財必殺技—CUT會員折扣,
現時所有最熱門電影首兩週甚至整個放映期門票都不提供會員折扣優惠,Blog主有沒有興趣做一個專題探討背後原因並將此惡行公諸天下?