香港近十多年來，戲院變化可算很大。部份戲院已經不再存在，部份則已經改建，人面全非。今天回望起來，大家可曾若有所失？
其實一些「已故」的戲院，不一定是存活很久，也許你只曾在該戲院看過一部電影，不過那次經驗也許令人難忘。即使到了此時此刻，印象仍在 。今天，也希望大家可以談談對於自己最為懷念的「已故」戲院及其相關體驗。
不過，大家談戲院便夠，請不要扯到談所屬院線發行云云，不然該類回應只會獲得極刑。
對於談及的戲院，也許會在未來的日子，談及該些戲院。故此，也希望大家能借這個機會一起分享。其中一個選擇，其實也許是以往曾談及的碧麗宮戲院。不過除此以外，還有超等的海運、現時新寶戲院原址的金聲戲院、駱克道的紐約戲院，又會否是你的選擇呢？
大家齊來談談分享好了。
PAL
個位大,大到太好坐,有如而家d按摩椅一樣.
播D戲又好,單係”時光倒流70年”就已經classic 到無得再classic!!
個大堂又夠大,睇長戲中間又有個BREAK,去下洗手間,買下野.
咩叫GRAND! 碧麗宮就係啦! 睇戲D人完全係有品有識之士,同左近間總統可謂兩個世界!
碧麗宮真係可以話香港咁多年以黎最佳!
齊來談談最懷念的「已故」戲院
我記得呢世最正係佢…..用一時冇兩黎說就啱!!
Sam
在碧麗宮睇《時光倒流七十年》，Perfect！
tim cheung
我在碧麗宮睇 last 一套片是 Mickey Rourke 的 Angel Heart.( 香港有三級之後,頭幾套列為三級影片)
青雨
不是我年代~~我不知道。
但說到經典,很小很小真的很小時候,在上水的行樂戲院看戲。是木椅的,電影海報是油畫畫的。現在,應該消失了。
在戲院外,還有人買蔗~~黑色的蔗。
molittlemo
我細個住觀塘..
點都係對寶聲同銀都有情意結
最記得係銀都睇哥斯拉.
計埋我得三個人.哈哈.
個時又冇d特別細既院.
迷逃小書童華安
行樂我都去過，因我住上水的，最經典除左小食外，正場前的幻燈片式廣告亦都好懷念。
我個人最懷念的觀影經驗是，在行樂戲院睇「東邪西毒」，因為全個舊式大戲院，得我一個人睇！！！！
shadowzo
舊版旺角金聲，無敵正宗旺角風味，夜場睇港產特別係江湖片，印象難忘！
老闆
麗聲/凱聲/樂聲/快樂/百樂/光華/同樂/美都/京華/華盛頓/利舞台…越數越多
Sam
在凱聲睇《大地震》，真係感受到震撼呀。
雲柏斯
一路家住佐敦, 所以對幾間戲院特別有童年記憶..
第一次自己一個人去睇戲係快樂戲院, 還記得那時有分吸煙區和非吸煙區..但所有煙霧都吹向非吸煙區那裡..
嘉禾戲院, 最深的就是佢個榜同那條樓梯..
另外還有些更小時候去過的戲院..如華盛頓, 普慶, 大華…都俱住已…
Sam
油麻地的廣智戲院，係早期的迷你戲院。金華戲院專映粵語片，經常爆棚。
Gary
碧麗宮真係無得彈,雖然價錢比較貴,真係物有所值.
正如之前朋友之回應, 單單是大堂,大面積配上紅地毯, 當等待入場前, 你就好像影片中d上流社會, 等睇歌劇一樣, 雖然大家都唔係咩大富大貴的人,但處身當中又唔覺得格格不入. 果些感覺真係好正.
不單有新戲上映, 當淡貴時更會重影一些經典大作, 本人就在這兒第一次看, 六壯士, 齊瓦哥醫生, 雲藍橋斷,大都會……等等,真係回味. 順便問問大家,
我在這兒還看過一部叫”迷離風雪夜”, 但我找不到dvd, 可以幫幫忙嗎?
謝謝大家
Gary
碧麗宮真係無得彈,雖然價錢比較貴,真係物有所值.正如之前朋友之回應, 單單是大堂,大面積配上紅地毯, 當等待入場前, 你就好像影片中d上流社會, 等睇歌劇一樣, 雖然大家都唔係咩大富大貴的人,但處身當中又唔覺得格格不入. 果些感覺真係好正.不單有新戲上映, 當淡貴時更會重影一些經典大作, 本人就在這兒第一次看, 六壯士, 齊瓦哥醫生, 雲藍橋斷,大都會……等等,真係回味. 順便問問大家,我在這兒還看過一部叫”迷離風雪夜”, 但我找不到dvd, 可以幫幫忙嗎?謝謝大家
嚴明
很多影院也令我很懷念哦, 不過你貼上碧麗宮, 就說說它吧. 第一次去到, 真是個驚喜, 原本聲色犬馬的夜總會設置, 實在是香港最豪華的影院, 一見難忘. 可能是錯覺, 因爲太多年前的事了, 感覺是, 現在只有IMAX 影院才能跟其”大” 作比較, 但說到grand, IMAX 影院是硬裝置, 沒有豪華的感覺.
Gary
說得沒錯, 很有同感哦…..
Fun
從小就住銅鑼灣，對碧麗宮好有感情.. 另外亦常去天后的百樂、摩頓台的新都、駱克道的紐約/總統、百德新街的翡翠明珠戲院等..
但最令我懷念的始終是利舞台，那classic都不能再classic的劇院裝潢，看怕在香港都後無來者吧~
齊來談談最懷念的「已故」戲院
利舞台:最正係前,後,超,特等位….!!特等係比超等還要高!!
tank
下間到邊間結業呢.
機器人2號
我比較懷念銅鑼灣既豪華戲院、紐約戲院、利舞臺戲院，旺角既新華戲院（地下有餐廳），中環既娛樂戲院，仲有紅磡既珠江戲院同埋國華戲院，尖沙咀既新聲戲院。可能因為呢D都系細細個時候曾經跟屋企人去過既戲院。
kc2244
舊戲院不能不提全港最大戲院.有成3000個位的麗官戲院,位置在新浦崗,亦係全港最平票價的,專上二輪西片,
記得當時上映的[E.T.外星人],[油脂],[第一滴血]..
係全場滿座.當散場及等入場的人,就有成6000幾人堆在門外及大堂.真係可以話盛況空前..好難忘
Sam
懷念灣仔京都放映藝術電影，和香港國際電影節的電影。
Sam
麗官戲院放映國語片、日本片亦大受歡迎。
Tony
碧麗宮戲院去過看末代皇帝和與狼共舞, 小時去得最多是麗聲及凱聲, 新版凱聲在97年間瘋狂地看, 多個星期日2點半或4點場均在此觀看, 雖然樓底不是特別高.
小新
港島有碧麗宮,九龍有麗宮,有3000個座位,全港最大戲院,專做二輪戲,有前座,中座,後座,頭等,特等,超等!!!有冇印像?
大助
碧麗宮係我生平至愛既戲院，嗰種氣派，我諗以後都唔會再有戲院代替到。最鍾意佢個大堂，好大好華麗，令到每次睇戲入場都好有期待。記得佢最後上映套戲係情迷血瑪莉，套戲十分之唔好睇，但我自己一個人坐第一行，用呢個方式同佢道別我仍然好懷念，散左場仲喺大堂行左好耐好耐，真係好唔捨得！
nbachung
比較懷念有土瓜灣既珠江戲院同埋紅磡戲院..
明月戲院以前細過2人坐一張登..門囗職員比入架.
心聲
那時最後放映是”未來戰士續集”, 同朋友睇最後一場9:45PM, 散場時, 好多人唔走, 拿起相機到處拍照, 最多人影上面(天花板)
阿秋
當年睇 十誡 都係呢度睇, The Morning After 都係呢度….真係好多回憶.
迷逃小書童華安
我想問下，傳說中麗宮戲院完場時，係咪播香港小姐音樂？
Terry
早期普慶戲院放映國產電影，又做粵劇，啱哂普羅大眾。
史艷文
舊戲院我要數我的舊居北角，那年代真是戲院城
皇都、國都、國賓、新光、金鴻基…….
現全都不在，只剩新光，也不再放電影了…..
Van
灣仔的東方、東城和紐約勝在平民化。
+=
最後一套喺碧麗宮睇係 Cameron Crowe嘅”singles”
好懷念間戲院~~~~
+=
亦好懷念 順利戲院, 屋邨戲院嚟講好新淨好舒服, 有好多童年同父母同學睇戲嘅回憶~~~~
Ben
好彩早期放映粵語片，後期放映三級片的油麻地戲院仲有個殼係度。
shtmanhk
彌敦道:凱聲/大華
灣仔北:新華/影藝
PAL
皇都,國都,金鴻基.都係我以前都會去下,
但天后百樂同新都我就多D
不過記憶中都係”黑社會戲院”黎,HAHA.
特別係金鴻基, 一到星期6播午夜場,
O個幾區D黑人物全部都黎哂呢度~~
仲有一樣係舊戲院,下下都過千人,好笑有激位就全部人拍掌,大叫.唔好睇就15分鐘已經有人走,走之前仲要大大聲講幾句粗口,
一散場全場人掉垃圾去個銀幕,飛煙頭.仲有拎鎖匙界個位. 呢D真係集體回憶黎!
PAL
我好鐘意利舞台O個幾級樓梯,上去就係大堂,左右兩邊都有賣飛,邊門又有一個買賣飛,
左右兩條梯上特等,細個打死都要上去坐特等,但阿媽多數唔想上,又話邊D 位係斜~~
散場時波斯富街D門全部開哂,記憶中最小5,6對,對對都成兩三個人咁高.
利舞台係真係一間”舞台”黎!
PAL
其實大家成日講灣仔影藝,但其實同樣係灣仔的新華都一樣咁”高級”!
不過可能再早d結業關係啦, 我好記得係呢度睇”My own private Idaho” Keanu Reeves 加River Phoenix…….唉!
Tam
彌敦道:凱聲/大華/麗聲/東樂/麗斯/百老滙/普慶/樂宮
shtmanhk
彌敦道:倫敦
史艷文
XD 我最記得我係灣仔國泰ABC 看《灣仔之虎》夜晚場，真係全場起身拍手
shtmanhk
凱聲音效設備一點也不比海運遜色,在那兒看 Titanic 及 Saving Private Ryan 印象難忘.(Ransom,Twister,Mission Impossible,古惑仔3,Face Off, Air Force One, Evita,Up Close and Personal…)
凱聲僅三年壽命太可惜,並由此起彌敦道戲院逐一結業無一幸免.
大華見證泛亞盛世,開業八年上映了甚多九十年代最出色的影片.
港威已縮減一院迎戰,希望海運能繼續生存.
JJ
當年職員親口說出,凱聲結業主因大業主認為戲院回報低,而且佔用商場相當大的空間,不乎合經營效益,3年結業可能連投資都回不到本,因凱聲的設計和裝修是不便宜的,十分可惜.
但如果換著今天在始創中心重新規劃戲院一定大有可為,旺角區3間戲院長期收入高企,仍未到飽和的階段.
shtmanhk
凱聲是洲立當年的龍頭戲院,至今MCL仍是四大院線唯一於旺角區缺席.
凱聲設計格局和JP有些近似,現今罕見仍勉強保持往昔龍頭戲院間隔的戲院.凱聲的售票大堂相當寬敞及設有大型電視螢幕播放預告片,僅有兩院但確是佔據相當大的空間.
凱聲結業前生意仍算不俗,但不知97年底開業的GV旺角是否對凱聲構成嚴重的威脅和影響?
JJ
本人當年單單在凱聲看洲立的優先場不下於30部電影,比錢買票看也不少,也很喜歡這間戲院,時常去跟戲院職員聊天,從中也知道不少戲院和電影的事.凱聲/麗聲(後期只叫”凱聲1和2″)每間院都有400多位,以當年來說算是大型的迷你戲院,音效相當出色,戲院內設計有點像皇室戲院的大院(也是400多位),但感覺比皇室看得舒服,座椅以當時來說算是優於其他戲院的.由戲院大堂入戲院內的過程會搭電梯,途中必經一些類似鵰花的獅子頭牆壁,很有心打造.還有一樣是當年領先於其他所有戲院,是電腦售票系統,清楚顯示座位表售票情況,而且screen夠大,電腦速度夠快.就是以上這些這些設計應花了不少錢.
GV旺角絕對對凱聲構成十分大的影響,由於GV旺角有8間戲院,多電影選擇,連接火車站商場,除了食得到火車站沿線客外,去旺角市中心十分方便,四通八達,所以到今天嘉禾旺角仍然是高收入戲院之一.近年嘉禾很有心打造這間戲院,改成劇院式座位,銀幕先天性較細改不到,但音效改得不錯.可以說,凱聲大業主無心應戰,GV旺角是導致凱聲加速滅亡的主要原因.
JJ
更正少少資料,凱聲每院應有500多位,不是400多位,座位數目和海運差不多,但看上去海運戲院內裡比起凱聲大很多,由於海運樓底高,銀幕大很多,音效打出來的效果比起凱聲較好.
記得始創中心未興建前,是一片大空地,那年農曆年正準備上映吳宇森導演的”蹤橫四海”,那片空地放了幅很大的”蹤橫四海”畫板廣告(忘了有無另一幅是”整古專家”),每次搭巴士經過都看到,很觸目.