將受歡迎的劇集以至縱藝節目於大銀幕呈現在外國時有出現，可是在港的例子為數不多。邵氏與無線繼年半前將劇集《學警狙擊》轉作電影版《Laughing Gor之變節》後，近日傳出將受歡迎縱藝節目《荃加福祿壽》開拍電影版本。
《荃加福祿壽》是由汪明荃、阮兆祥、王祖藍及李思捷主持的縱藝節目，當中三名男主角以扮演不同角色見稱，無論是電視節目本身還是其舞台表演都有不俗的成績，蘋果日報便於今天傳出該節目會開拍電影版本，預計最快可能於今年年中開拍。
其實以搞笑節目為名開拍電影版本並非首次，近期較有印象的例子便是將無線搞笑節目《笑星救地球》轉化作電影《笑星撞地球》。不過開拍電影由籌備、拍攝、後期以至上映至少都要三個月的時間。《荃加福祿壽》的電影版本成績如何，實在十分取決於上映時該節目人氣還有多少。
Geoffrey
還有阿叻的經典作「運財至叻星」，成績真係有目共睹，當年都收過千萬…
Law
小市民求開心，《荃加福祿壽》中「福祿壽」搞笑俾小市民睇啦！
yo
坦白講, 我會為盧覓雪入場…
路人丁
多謝tvb全力推動香港電影之死, 唔該其他電視台快d掘起收佢皮
之
《荃加福祿壽》的電影版本成績如何，實在十分取決於上映時該節目人氣還有多少。
– 那要看看劇集版《福祿壽.com》是什麼時候播映了. 如果兩者時間相近, 加上TVB的洗腦式宣傳, 應該保得住人氣. 但問題是觀眾會否看厭.
講開又講, 汪明荃有多久沒拍過電影?
Jack
香港觀眾係鍾意TVB式的笑片，唔喜歡的話可以去睇美國式的笑片。
路人丁
係, 好多人鍾意睇垃圾, 所以呢d片同劇可以長拍長有
其中一個電影fans
無汪呀姐我應該會入去睇
jack
見到阮兆祥,王祖藍,李思捷氾濫程度已經有點吃不消,尤其是王祖藍,現在又電視,電影一齊拍,好恐怖呀
gman
做藝人當然要趁紅拍多d戲
nbachung
唔敢批死佢.620加上TVB的洗腦式宣傳有一手,估佢暑假上映..打地趁熱..
閒雜人等
由綜藝節目拍成電影仲有吳鎮宇亂世超人,食住王菲超人個勢都係收百零萬.不過以無記催眠式宣傳+大量串星+自家板前派飛,福祿壽過千萬應無難度.
文少
有laughing Gor﹑翡翠明珠呢D失敗﹐都無有識死…真厲害
球証
據聞阿姐唔會參與…
依家六嬸要做番電影強人,梗係要轉型拍電影啦…
shtmanhk
亂世超人94年上映不足百萬 : $752,384
http://ma_wwh.tripod.com/HK_Movies/HK/hk1994c-b5.htm
Tam
香港電影公司唯有TVB加邵氏才可拍出香港風味，有普羅TVB fans 支持，大家支持港產片，TVB係得嘅。
傑
其實都無需鬧爆邵氏+TVB拍垃圾, 他們拍的都唔算太差, 一般水平啦, d人鬧佢哋大多是對TVB的偏見, 唔同電影照顧唔同階層, 其實美國比香港仲多垃圾電影, 只不過香港發行商唔會播而已….
Zoo
其實美國比香港仲多垃圾電影，———Agree！
美國有 D 搞笑片粗口、色情、變態，香港人睇唔明？