圖片來源：羅志良微博
自零七年《綁架》後，導演羅志良已好一段時間未有新作推出。最新作品《荒村公寓》雖然是香港特區政府電影發展基金投資項目之一，不過電影選擇於內地先行上映，香港映期則在八月底。
上圖所見便是來自導演羅志良微博關於電影《荒村公寓》的海報設計，兩名主角余文樂及張雨綺一上一下，兩人其中一雙眼有血流向臉頰。背景則以粉紅色作底色。電影改編自蔡駿的同名小說，並且文雋監製，繼續走懸疑類型。雖然電影獲電影發展基金資料，不過仍是以合拍片形式製作，故此其他演員也是以內地為主，當中包括嶽小軍、海一天、劉姝含、李澤鋒等。
《荒村公寓》預計於八月十二日在內地上映，至於香港映期則會延至八月廿六日，同期對手包括林超賢執導的《綫人》及許鞍華執導的《得閒炒飯》，到底是另闢溪徑還是對手太強呢？
力高
好期待呢套戲
因為有睇蔡駿既小說，好想知佢會改成點
因為小說版真係幾好睇
07年咪有套『地獄第十九層』既？
其實都係蔡駿既小說改篇
不過改到九唔搭八咁 sosad
如果排返次序既話，荒村公寓應該係第一集
地獄的第十九層係第二集
春雨同時會係呢兩集出現…
shtmanhk
泛亞發行,嘉樂院線?
去年八月尾嘉樂院線久別終有《復仇》上咉,今年嘉樂院線暫時只有《錦衣衛》及《志明與春嬌》上咉.
仕
我有讀這小說, 純個人感覺故事真係麻麻地, 希望電影改編得扣人心弦一些啦. 單看trailer, 好些場景小說中是沒有的, 不知會否比綫人更”人面全非”呢.
另外, 海報還有另一款的(請按此), 我覺得兩款海報都幾靚, 雖然這另一款的設計好像深雪的小說封面.
仕
在上面的連結顯示不了另一款海報, 現提供另一條連結, 有興趣者請按此看看吧.
JK
马来西亚本周五开映，今晚我会去睇首映。
仕
— 還有”荒村歸來”.
力高
荒村歸來我也有看，老實說，結尾真的有點爛…
有無聽過內地有套電影叫做『荒村客棧』？
關智斌，羅家英有份飾演，電影據聞係改篇自『荒村』系列…
不過睇左大陸網民d影評…根本就係以荒村既牌頭呃人睇=_=除左角色名之外，內容同小說無關=_=
仕
— “荒村客棧” ? 沒有留意呢. 會不會是集蔡駿的荒村系小說跟他的”幽靈客棧”於一身呢 ? XDD
“荒村歸來”我未開始睇, 如果只比較”荒村公寓”跟”地獄的第十九層”, 我會較喜歡後者的故事呢.
(o係度講小說會唔會因為唔貼題俾人鬧架[即閃])
力高
er…蔡駿既小說我未睇幽靈客棧…不過用得荒村做名，角色名有歐陽先生，小枝，葉蕭…呢d真係唔清楚喇
基本上除非你對爛片有興趣，不然 荒村客棧 可以慳返
小說我係先睇地獄的第十九層先睇荒村另外兩本
不過電影版既地獄第十九層真係改到好差囉，差到陪我睇果個人都未睇到一半就已經訓著左=_=
聽講荒村公寓同地獄第十九層既導演係唔同既人
希望唔會睇到訓著啦….
Twister
大陸的和諧恐怖片？可以不看
JK
睇左首映，极度失望！！
晞
以此片名, 我第一感覺是〈荒村客棧〉?
小弟當年在北京奧運期間於北京「欣賞」過本片, 接近全院滿座, 可惜驚嚇場面比無線的驚嚇場面更兒戲, 結局又是內地驚慄恐怖片硬要營造一個無鬼的結局, 令人看得極不是味兒。
希望本片並非另一部〈荒村客棧〉!