隨著3D電影盛行，觀看該類電影使用的3D眼鏡需求也大增。近期便有院線以「為環保賣力」為名，推行自攜眼鏡計劃。
到底，這個計劃的背後，又有甚麼的含義？
是次計劃雖然聲稱是「四大院線」，但大家請不要誤會是嘉禾、洲立、百老匯及UA，因為同屬安樂旗下的AMC及Palace系列影院是分開計算，故此實際上只是安樂旗下及娛藝旗下兩組院線推出。
有關計劃內容大致是於六月廿三至九月十五日期間於有關院線欣賞電影，便可獲贈一副全新的RealD 3D眼鏡，而這類期間若自攜有關眼鏡欣賞3D影片，可獲贈細爆谷及十元購票現金券。
然而，推廣期過後，若觀眾沒攜3D眼鏡而在有關戲院看3D電影的話，便可能需要向戲院購買有關眼鏡。
整個計劃聽起來十分「環保」，不過實際上也許是另一回事。
計劃其實主要針對的，只是院商的行政便利。過去回收3D眼鏡，要院商自行進行清潔消毒，最終每場又要由職員去派眼鏡，中又要為觀眾換去不合水準的眼鏡。省回這一點，流程順暢不少，又減少工序。可是在這個過程中，觀眾則要承擔清潔自家眼鏡的責任。
在推廣期後，將3D眼鏡徵費，也令於推廣期內沒看3D電影的觀眾「被迫」購買眼鏡。而有關計劃戲院亦沒有提供如暫借的方案，對於一些每每忘者帶3D眼鏡的觀眾，便每每要購買眼鏡，此舉除增加戲院非經常性收入外，看不到有甚麼環保的作用。值得留意的是，雖然有關政策看來跟膠袋徵費一樣，可是對於推廣期間沒進場的觀眾，不能有其他自攜方案，不像不用膠袋可自攜紙袋那樣。
另一方面，計劃只有兩條院線執行，也許同時令其他院線與觀眾出現潛在衝突。
目前部份院線表明3D眼鏡只供暫借服務，即散場後要交回。倘若觀眾真的自攜3D眼鏡到其他戲院看戲，入場前又慣性地不取眼鏡，到散場時被要求交回自家眼鏡時，便有可能惹來爭拗。
若果有關政策真的是推動環保的話，何以不是所有戲院，包括一些大集團以外的戲院也來一致執行，統一政策呢？還是有關政策是以環保為名，實際上是將播放3D眼鏡一些成本轉嫁到消費者身上呢？到底怎樣執行政策才能達到環保之餘，又不會令觀眾增加成本呢？實在值得大家反思好了。
迷挑小書童華安
講到尾就係院方費事煩！！
因為每場之後，都要回收清潔…
大佬，有無諗過3d已經收貴左，果度咪包左清潔囉…
Siu yan
自己買一個3D眼鏡還要好^^
saili
可以考慮在買票時一次過買/借3D眼鏡,
到看完電影後交回時可收回按金.
好處是收發眼鏡交由出面D counter負責, 免去很多
流程.
而且觀眾可以自行決定帶不帶自己的3D眼鏡.
如果沒有暫借的方案, 如即興想看一場3D電影,總不能要長期3D眼鏡跟身吧,到時變成家中還有幾副3D電影因為無帶出街, 結果又要買多副.
臘腸
GHRI INVESTIGATES:
3-D Glasses
3-D films are cool, but the glasses that movie theaters hand out can be a lot less pristine than they look.
http://www.goodhousekeeping.com/product-testing/consumer-advocacy/3d-glasses-investigation
怒人
由頭到尾都是2條強勢院線(夠膽死話自己係4大，真係笑死街坊)想增加利潤，減低成本之餘再在觀眾身上抽水，但竟以環保為名，簡直有辱市民智慧，最環保的難道不是每次入場拿眼鏡，離場交還嗎？
此外大家更要留意，此2條院線所用的3D系統有別於其他院線，即是他們所”送”，或遲點迫你買的3D眼鏡根本不通用於MCL, GH等院線的3D系統；即是說，就算大家買了3D眼鏡去到其他院線亦不適用。
若然有日其餘院線亦迫大家買3D眼鏡，將會造成市場大混亂，唔通出街要戴一副太陽鏡，再帶2副3D眼鏡，點分？很明顯，最大得益者只會是戲院。
這種妄顧香港電影市場跌序，只為一己利潤的自私做法，簡直令人憤怒心痛。香港電影市場已窄，某此公司還時常想一統天下，排除異己，最後只會是電影觀眾的損失。
Ken
The only 3D movie I saw so far is CORALINE. I am still having that movie’s 3D glasses, as Megabox did not require us to return it.
I don’t think I will ever pay to see another 3D movie, as I refuse to pay a premium to see 3D.
比你誅
他們的做法剛好是和環保背道而馳的 !
好簡單的數學, 觀眾的人數一定比戲院坐位多呀 !
舉例一間戲院有200個座位, 按現時的方式不管放映多少場都只要用200個3d眼鏡. 但按他們的”環保方案”,3星期 放映100場, 就要用100倍的眼鏡了 !
這廣告明顯當我們是白痴啦!
Tony
在FB開個群組, 然後向生果報來報料, 等此事炒作.
Tse
算吧啦你…
唔明白
但從衛生角度出發，私伙眼鏡點都好過公共眼鏡… 公共眼鏡又要清潔，用水都用多咗啦！同埋如果大家都會保存好副眼鏡，就毋須比錢買眼鏡啦！
花火
其實如果睇開3d戲, 又鐘意睇3d戲ge朋友仔應該會喜歡這個做法吧!
因為眼鏡由戲院員工去清洗.. 你真係唔知佢洗得干唔干淨…(像avatar期間..供求多的時候..分分鐘冇洗過就拎番出去比人用,,我地都唔知!)
但如果自己清洗, 就係自己的責任!
不過的確執行只有在一兩間院線又真的只會造成混亂..
真係正反兩邊.. 睇你點睇…
ps. 據知, 3d戲票貴.. 唔係戲院收多左$$..
播3d戲好似係等於戲院員工做多左野..卻冇人工加一樣….
連略懂得動畫技術人都知.. 做動畫成本貴.. 其中一原因係費時.. load幾格畫面可能都load你幾日.. 電腦勁d嘅..$$又唔少得….
nikle
我今日係戲院買飛先知呢件事!我當堂好想搵個職員質問一下呢個自攜眼鏡究竟可以有几環保??
不過又諗d職員仔都唔會知咁多野, 質問佢又好似有d”港女”feel, 所以番到屋企即刻搵下d資料….
入正題….
我唔覺得要觀眾自攜眼鏡會比院方提供眼鏡借用更環保lor!
其一, 唔排除有人本身已經有眼鏡, 但唔記得帶(或者行行下街突然想睇3d電影, 先去眼, 無帶副眼鏡起身亦屬正常!), 咁佢又唔介意比6蚊黎買, 即係變相增加廢物產生既可能!
其二, 6蚊1副眼鏡, 可以想像副眼鏡既質料有几好!? 質料唔好自然唔襟用! 唔襟用自然增加廢物!
說穿了, 根本係戲院怕煩, 想係cut回收眼鏡、消毒等工序上削減成本, 增加利潤! 但又想搵個堂皇d既借口, 借用環保之名, 有欺騙觀眾之嫌!好無恥!
xyz
之前要回收個陣,D人一用完副眼鏡,
副眼鏡框就積滿油,我試過用過D積油眼鏡,
即刻XX佢地,日積月累點都洗唔甩D污漬啦,
咁樣係環保,同時係為左你著想者,
派舊既比你又話塊玻璃紙污糟又話副鏡框唔乾淨,
依家派D新既比你咪KEEP住lor,
派d新既比人起碼都高級小小,
仲有,3D戲不嬲都貴架啦,又要用數碼機放,
收多D錢有乜出奇,之前眼鏡成本都未計啦,
幾蚊雞咪算lo.睇3d戲90幾蚊唔爭在個幾蚊啦._.