周末票房於大勢上於周四情況相若，不過由於本周戲碼畢竟較弱，加上下周除世界盃還有分別針對男性與女性觀眾電影上映，令本周票房爬升方面並不理想，周日全日票房只較周四上升約七成，除了只映一場的《穹蒼下的女神》、各映兩場的《基志雙雄》和荷里活大片《波斯王子：超時空之戰》外，其餘各片每場入座均在45水平以下，反映整體入座不佳。
荷里活大片《波斯王子：超時空之戰》在同期對手較弱下，周日在增場兩成映近三百場下票房較周四爬升一倍，而周末也曾衝破百萬大關，令電影截至昨天累積衝破千萬，觀乎同類型題材向來票房上不會大收來看，算是有所交代。然而，電影於下周面對兩部荷里活電影，相信票房爬升至千五以上的水平或有點難度。
新開畫電影方面，以麥迪文主演的《叛逆諜戰》的成績較佳，電影周日同樣增場兩成下，於36院映212場票房較周四爬升約四成七，而累積四天後衝破二百萬大關。值得留意的是，《叛》片於周日較周末票房回落逾三成。電影從牌面上看，過去導演與主角合作的《叛諜追擊》於戲院上映時票房都屬一般，故此現在的成績已算是預期之內。
港片方面，新寶院線上映的《打擂台》於票房爬升方面並不明顯，周日在並無特別增場下於36院映212場，票房僅較周末爬升約兩成，值得注意的是，電影於周五的票房竟較周四為少，而周末與周日則相若。雖然從賬面看來每場人次跟《叛》片同逆43水平，但是紅磡寶石戲院於周日錄得一倍升幅，每場平均達122人次，而周四錄得逾三萬收入的UA朗豪坊周日竟倒跌三分之一，實在匪夷所思。在上映四天後，《打擂台》累積衝破百六萬，可是觀乎數字，恐怕實際入座情況，也許不及上一檔期的《飛砂風中轉》。
高先發行的《特攻巴黎》在開畫錄得每場僅約十人次後，周日被縮一成於23院映111場，每場人次較周四雖然上升八成，但入座人次仍不足千二，故此在上映四天後仍未衝破百萬大關。恐怕電影預告片本身及原裝海報並不吸引，加上同期又有較早宣傳的客源相若對手下，成績不佳也在預期之內。小眾發行電影方面，泛亞發行的《給弟弟的安眼曲》周日維持四院映18場下票房爬升跟大勢相若，每場人次仍只達17，累積四天雖衝破十萬，但仍不理想。至於11院上映名威發行的《大盜五右衛門》在戲院提供較差放映時間下還魂乏術，周日映25場下每場人次僅剛達雙位數字，累積四天不足五萬。
其餘上映電影方面，泛亞發行的《交響情人夢最終樂章後編》周日錄得近四千人次，累積則在周日衝破350萬大關，同期上映高先發行的《驚動了愛情》周日於19院映64場下每場人次跟《叛逆諜戰》相若，累積11天也衝破二百萬。港片《飛砂風中轉》周日於21院映40場每場仍收約二千，累積則突破450萬大關。至於仍在上映的《葉問2》截至周日累積達4,322萬，而《鐵甲奇俠2》雖然距離三千萬大關只差75萬，但觀乎走勢要達該數字並不可能。
Stanleybear
打錯字，是百六萬，不是千六萬
實在匪夷所思。在上映四天後，《打擂台》累積衝破千六萬，可是觀乎數字，恐怕實際入座情況，也許不及上一檔期的《飛砂風中轉》。
Gary
《打擂台》在影評大讚之下，仍未能收200萬，可見現今50、60後已少入戲院了。
jerrychan
打擂台是向上一代人物致敬的作品,但觀乎香港普羅年青觀眾,對於尊師重道,已經被視為老土兼落伍,兩代人之間的觀念越拉越遠.香港的宣傳疲憊,話題性欠奉,亦難以吸引到一批平時不會入場的五十後.
molittlemo
不過呢套戲的口碑
我想會令後勁不俗
希望過到600萬啦.
IVAN
錯在香港人太賤, 有誠意又唔睇, 影評讚又唔睇
Peter!?
《打擂台》始终係「戲迷向」的電影…
要像《志明與春嬌》般大幅度反彈相信比較難…
PETERPAN
呢部戲宣傳唔少呀!去到邊都見到…電視又睇到,係無隧道塊板之外… 個人認為既然選擇得向上一代至敬,首要就係分清楚觀眾層,到底你想拍俾80,90後睇定係50,60睇? 而家有點兩頭唔到岸,老既見你騎局呢呢唔知攪咩所以唔睇,年青既見你班老牌演員三唔識七又唔睇…而家只有電影愛好者同埋劉華既忠實fan屎睇! 真實票房有三百已經叫好好!
molittlemo
都唔係既..
自從周星馳的功夫開始..
對d上一代, 兩代的回顧已開始了.
人腳不是太眾熟悉.也不是完全陌生.
戲的內容有部份也是比較”後生向”.打工仔的心態. 溝女. d笑位都ok.
此戲相信會比較慢熱.
咁要就睇下排陣容唔容許佢慢熱囉~~
路過一問
平時爛片d人就識得入各綱站狂插!好似個個都好識睇戲懂影評~!!!一有好片又唔知去了那裹?如爛片有四百多人比一粒星!理應有四百多人懂得去睇打雷台比四五粒!!而家冇人提又冇人睇(片房數字不好)!香港人真的識睇戲?我真係唔覺!反而去睇爛片後有得返屋企寫下插下先叫發洩過癮!正!??
路過一問
我絕對同意!!!
八部半
這個邏輯性很好。讚同!
Gary
《打擂台》唔係情侶入場首選，係高級知識份子或武打片迷才投入欣賞，Target audience 有限。
錯在香港人太窮，無錢一星期睇幾套戲。
如能收300萬己有交代了。
*靚玫瑰女孩*@_@
我認為80-90後未必入場睇(本人就係其中之一),
春嬌
新寶今次篤數篤足一倍, 首四天實數70萬唔夠, 真係好難好似 “志明與春” 咁收幾百萬, 始終郭子健既問題係唔收得, 早幾日此片未上已經有人係度話叫好叫座, 網上未句真, 唉
春嬌
唔睇打擂台的人真係好賤? 咁就證明香港人賤? 點解依家個社會變成咁? 做觀眾真係無自由?
ManU
I watched 打擂台 in Langham Place yesterday. around 1/3 full only. The movie indeed is very good. In certain extend, I like this even more than 飛砂風中轉, though both are very good movies.
PETERPAN
睇邊部戲,喜唔喜歡部戲,係每個人既自由,唔可能話你鍾意就一定要大家鍾意! 嚴格黎講,票房係反影一切,票房好代表多人睇,多人睇代表岩大眾口味! 收1000萬係等如17萬人睇戲,留言評論個d咪最多幾百人,俾夠你1000人,1萬人,都未夠10份之1,影評又可以代表到幾多人呢?代表到你同我之嘛!票房就是觀眾的喜好指標!
唔排除打擂台係一部岩一少部份人睇既好片,但唔代表唔入場睇既人唔識睇戲囉!咩叫識睇戲先? 俾錢入場睇當然係睇自己鍾意既戲啦岩唔岩先? 吸引唔到人入場睇係咪應該檢討下先,點可以掉番轉頭怪觀眾唔識睇架!
同埋我發覺有些有留影評既準則就係要偏離大眾,大眾讚好又叫座既,往往就俾d專業影評彈三彈四,個d唔收得無咩人睇既戲就要大讚特讚!咁係証明觀眾唔識睇戲?定係影評唔識睇戲呢?值得大家深思…當然10個有10個都話自己係最叻…這就是香港人~
PETERPAN
有錢睇都會選擇睇邊部啦,你講緊係要有錢又有時間又無聊又愛電影先會所有戲都睇
bobby
票房好代表多人睇, 岩, 但多人睇代表岩大眾口味?
有好多人睇左一部電影, 全部覺得爛,
同好少人睇左部戲, 全部覺得好睇
邊部岩大眾口味多d?
說穿了, 就是宣傳及大片問題
看到有炫目特效就不理好醜一窩蜂湧過去
看到多廣告大堆頭就乖乖入場
其他戲,一概不管, 除非有話題性
之前年份就可推說港片沒水準, 拒絕支持
今年真的有大量佳作了, 還有藉口嗎?
志明與春嬌根本就是大路商業, 一千萬也不過;
維壹也是有誠意有質素, 一樣留言說等dvd
風中轉也有心思有幽默, 還是沒反應;
看過七十二家租客就大條道理說港片已死;
這陣子大家就是忙於看波斯王子吧
入場原因? 大製作就是大製作, 爛極都有特技看
抱著這種心態, 怎能怪香港市場要向內地走?
bobby
票房好代表多人睇, 岩, 但多人睇代表岩大眾口味?
有好多人睇左一部電影, 全部覺得爛,
同好少人睇左部戲, 全部覺得好睇
邊部岩大眾口味多d?
說穿了, 就是宣傳及大片問題
看到有炫目特效就不理好醜一窩蜂湧過去
看到多廣告大堆頭就乖乖入場
其他戲,一概不管, 除非有話題性
之前年份就可推說港片沒水準, 拒絕支持
今年真的有大量佳作了, 還有藉口嗎?
PETERPAN
你當全部睇戲既人都係因為宣傳而入場睇戲,打擂台宣傳小嗎? 巴士車身車站地鐵電視電梯大堂樣樣齊,上埋tvb節目,劉華無份演做老闆都走埋出黎大力宣傳, 你話宣傳勁就等如入場多? 有無講錯? 好多人睇完部戲全部覺得爛, 如果全部覺得爛咪最多呃到頭幾日, 口碑一出咪直線跌囉…最佳例子咪岩岩既鋼鐵俠2,一出係威係勢,口碑一出咪直線跌囉!你怪觀眾睇大製作,呢d咪就係市場話你知觀眾想睇咩囉!葉問2既製作相信連鋼鐵2既10份1都無掛? 咪一樣贏一條街…關咩製作大唔大事,講大眾口碑的..硬要話大眾觀眾有問題點都講不過去…大力重申一次,寫影評讚好那些最多一千幾百人…睇戲收過千萬係有17萬人!幾百人寫影評就代表17萬人…搵鬼信…要信就信票房,堅信自己拍d無人睇既戲然後依靠一少部份人大叫支持大叫好,收得唔好就話觀眾唔識睇戲唔識欣賞,唔肯面對市場,呢d電影人先最唔要得!唔好下下懷舊都叫好先得架!
yo
打擂台上過電影節, 做過幾場大專場, 好多人睇左啦, 有人上正場前睇過唔代表係造馬啦, 張張報紙份份影評夾埋一齊造馬咩~~ (不過篤數就唔知喇哈哈)
又,點解d人咁鐘意為左打擂台ge票房喺度嗌交？
正所謂輸羸都無得分,拗咩呢？
nbachung
agree.feel《打擂台》上年紀人士先捧埸..後生30以下唔慌吸引到..宣傳方面o.k喎.林生上左好多tbb節目.亞記網台都上.上星期多本雜誌有2位男主角專訪.觀乎囗碑真win哂.可惜現在票房睇來過500萬有d難度.加上世界杯就黎.除非似《志明與春嬌》後勁.好彩劉老板叫林生收番一定收500萬以上說話..
小強
對, 打擋台一片宣傳一D都唔少, 發行出行力, 加上劉華穿州過省做宣傳發佈, 實屬罕見, 如再堅持唔收得=無宣傳, 就真係有D呵屎唁出賴地硬, 對郭子健都唔好! 唔收得, 絕不等於宣傳細, 之前”維多利亞一號”的宣傳是近年港片罕見的, 花近1000萬, 結果呢, 收200幾… 電影始終是靠觀眾, 我地講什麼也沒用!
風中轉
還有, 千萬唔好話觀眾賤, 唔好話香港人賤, 扶郭子健唔係咁扶, 打擋台是神嗎? 唔睇就賤? 我第一日就去APM入場, 電影確實一般, 製作比較簡陋, 影評讚他, 一般都基於感情心態, 幫幫他啦, 有誠意啦, 鋤強扶弱而已, 真的說是好片? 說不上… 所以年青人做事不要過頭, 唔睇就賤? 無左觀眾, 電影人就真係賤
仕
— 咁咪應左”打擂台”裡面的一句對白囉: “要打, 邊度都係擂台” 🙂
老馮
討論證明了還有人緊張港產片，這是好事。基本上《打擂台》不可能像《志明與春嬌》細水長流，因為後者係為年青人而拍，這正是最常入戲院的觀眾。《打擂台》是比五十後和六十後看的，年過六十的也有不少。口碑流傳比較慢，但係宣傳真係做到好足。還有，長者多選擇睇早場，會唔會因此影響收入?香港唔收得，大陸收得咪得囉!聽聞大陸的口碑都好好，票房點就唔知啦!
一套戲要做到雅俗共賞係好難的事。大眾口味就代表好?《葉問2》收四千萬，真係咁好睇?小眾口味又代表好?《維多利亞壹號》真係咁好?每個層面的觀眾有不同的水平，咁樣討論其實無意思。
白
Dan
熱血青年，想到就去講！
忘記了睇戲要俾錢買票、搭車、時間等因素，
唔係「想睇就去睇」咁簡單。
＋＝
我其實都好少理港產片，但覺得打擂台真係值得入場支持，見到佢唔收得都戥佢唔抵
抱怨港產片唔再港產班人去晒邊?
不過可能其實都係小眾
大眾根本都唔care…
係香港有心做創作都係死路一條 >_<
繼續睇BBB無腦電視吧!!!!
牢騷發完 …..
杰
非常同意, 發人深醒
yo
杰
拜託, 又是這個邏輯? 每次票房慘淡都怪罪觀眾, 唔睇打擂台就等如狂睇tbb的, 觀眾是無錯的? 幾時香港咁無自由? 唔睇一部片啫, 又話香港死路一條, 點解宣傳打擋台班友咁極端???
mei
mei
我是一名香港電影工作者! 十分贊同作者peterpan的講法!!!!!!!!!!!!!
史艷文
打擂台在首個周末經已cut 院了……
香港島接近沒有放映……
為甚麼呢？
公義
分明係各院商同其他電影公司針對及打壓郭子健
非常之唔公平同無公理,這事可到平機會投訴嗎? 未睇既快些入場睇,章顯香港既公理!
shtmanhk
本人早已指出,如《打擂台》票房欠佳,就會有人認為要將所有責任推落觀眾及發行承擔,現在一一言中.
好戲一定要有好報,只有妄顧市埸規律及運作之流才會口出此言.
1.口碑如何也檔不住一個星期後 A Team / SATC2 霸佔場次.
2.《歲月神偷》及《志明與春嬌》爆冷是個別各因素成功配合的例子,而且吸引到市場主流的女性觀眾入場.吸引不到女性觀眾入場,質素幾好都無用.
@siu yan@
shtmanhk,唯一能有較佳的票房就只有(葉問前傳),而(打擂台)的後勁應該會不繼.收300幾百萬已經算不錯,畢竟該片好難吸引到女性去入場.
@siu yan@
相信明天有A Team / SATC2 上映,(打擂台)會縮場不少.
過路人
戲院商無情白事做咩要針對及打壓郭子健呢？有什麼證據呢? 要話人地唔好之前, 是否應該先反省自己呢? 如果正如你所講戲院cut show就要被人告上平機會, 我想香港的戲院會越來越少, 香港的電影亦會因此越來越少….這是否一個電影圈的悲劇呢? 香港的公理就看有否入場睇, 會否有點可笑…..
發表偉論前請自用腦想清楚自己在講什麼, 咁係幫唔到套戲架~ 只會令人更反感!!!!
公義
不招人妒是庸才, 人紅梗受人眼紅, 打壓受得起! 大不了爆料俾記者, 香港垃圾政府, 平機會9成唔理, 不該
SAN
一部電影唔收得,最大原因係部戲差,差又分製作差,演員差,故事差,導演差等等…一部戲好唔收得就自然包含好多差!打擂台呢部戲廣告非常多,照道理應該可以吸納一批因宣傳而入場既觀眾!院商刪減場次只有一個原因,就係部戲唔收得,唔會有戲院有錢唔賺而專登聯同其他公司一齊打壓某個導演!所以你既言論,咩眼紅咩打壓,實在太不合理!
觀乎票房報告顯示某幾間戲院既收入係有離奇偏高既情況,行內稱之為篤數,而呢個情況由上畫日至昨日依舊存在,每日大概篤多8-10萬計算,打擂台既實際收入只有百五萬以下!你可以賴戲院減場以至收入減少,但別忘記係無人睇先會減場,請你接受現實,唔好只怪戲院發行,做生意唔會有錢唔賺亦唔會明蝕都做!呢部戲平心而論真係好普通,除左一點標奇立異之同掛住至敬呢個卓頭之外,無論劇情動作演員製作都係好一般,你可以話因為成本低,但低成本既電影票房差又怪得邊個?唔係應該怪電影出品方同導演打錯算盤嗎? 請你不要當戲院商是惡魔,不要當觀眾是白痴,不要當新導演是大導演,最重要是不要當打擂台是本世紀最佳電影!
發行人
截至昨日為止, 打擂台的實際票房數字才剛到100萬. 在對手完全不強凡的情況下, 觀乎這數字, 簡直是血本無歸.止片宣傳大, 聲勢甚佳, 劉華及林家棟無限量支持宣傳,電台日夜轟炸, 比自己戲有過之而無不及, 證明了一件事, 電影本身最緊要, 如何吹虛的宣傳及網上攻勢, 帶來的是極為慘烈的票房數字! 嫗賣觀眾由得他們賣吧, 觀眾始終是選民. 觀眾是否因網上讚得多而不看, 這可能是原因
jerrychan
南都訊 見習記者簡芳 實習生劉傑 上周五上映的《打擂台》廣州首周票房區區四十幾萬，被132萬的《超蛙戰士之初露鋒芒》甩在身後，甚至連沒怎麼宣傳的《異度公寓》都不如，香港方面的票房也僅有35萬港幣。與之前流傳的好口碑完全不成正比，再次上演了叫好不叫座的慘劇。
廣州地區票房比香港更慘淡, 今次劉華恐怕唔係跌百幾個咁少.
無理打壓
咁都仲話唔係打壓郭子健? 版主做野啦!
分明係各院商同其他電影公司針對及打壓郭子健非常之唔公平同無公理,這事可到平機會投訴嗎? 未睇既快些入場睇,章顯香港既公理!
Dan
描寫黃金歲月及由老一輩演員主演，為武打片迷帶來美好回憶，影評讚賞，雖然叫好未叫座，但明年金像獎肯定有獎攞！
jerrychan
雖然睇過打擂台既網友,絕大部分都讚口不絕.但係打擂台既劇本,其實有一個好嚴重既缺失.
作為一個普羅觀眾,睇電影係要代入電影故事主角,同主角一齊有所經歷,成長.
但係當我睇完打擂台之後,有一樣到最後都攪唔清楚,就係誰是主角.
初步去睇,打擂台有三條重要主線,黃佑南演既弱男,佢身邊有佢成日想拜師既梁小龍,有暗戀情人JJ,有天敵MC Jin.
另一條主線係梁小龍,佢身邊就有好想拜佢師既佑南,有師兄陳泰觀,有師父泰迪羅賓,仲有最後敵人李海濤.
最後一條主線,就係泰迪羅賓,圍繞佢身邊既人就有佢兩個徒弟,暗戀佢既醫師邵音音,死敵陳惠敏.
呢三條主線,雖然每人有自己精彩既部分,但係由於時間分配上太過平均,反而令三個男主角既描寫都流於表面.
如果電影定位係春青片,黃佑南係中間練武唔應該係大咖,而且最後一場要由佑南打.
如果係懷舊片,就要由梁小龍由頭帶到尾.要落重墨水講佢點解拜泰迪羅賓為師,佢點解要係陳觀泰既飯堂做廚,點解要收佑南做徒弟,甚至當年點解會救JJ個阿媽.可惜電影根本無呢D橋段去豐富梁小龍既角色,到最後一場打鬥,就變得因為佢好打而去打.
洛奇第六集都係講英雄遲暮,但係佢有前一至五集鋪排,我地見識過洛奇點英雄,而唔係好似打擂台既梁小龍,觀眾只見到佢既遲暮.
本來打擂台既第一稿,泰迪羅賓做既太師父係頭十分鐘就會瓜左.電影重點相信係擺番知南同梁小龍呢對師徒身上.本來咁樣寫先係正路,因為一段80後同50後既師徒關係,可以好有趣,不過編導係寫羅新時,可能越寫越起勁,結果將羅新由配角推向主角,變成寫兩個50後既師徒關係,師徒之間既代溝關係就完全無晒,亦令整個故事框架脫左軌.
一套電影,有三個男主角,得唔得先?咁有邊套真係成功?無間道3就有三個男主角,劉華,梁朝偉,黎明,結果係點大家可以再睇一次.
至於另一套聲稱有3個男主角既投名狀,但實情係陳可辛係事後都講,佢有大量刪減金城武戲份,而去突出李連杰同劉華既雙雄之爭.
商業電影只有九十鐘至百二鐘之間,其實寫兩個男主角已經係極限,創作人如果太過貪心就會變得進退失據.
由於電影劇本框架既失衡,亦令到電影宣傳好似泥牛入海,即使俾幾多錢賣廣告,成效亦不大.因為宣傳要成功,就要有一個好清晰既重點.
但係打擂台既重點係咩?好多網友叫人睇打擂台,第一個Point唔係話套戲幾精彩,而係話黃知南唔係主角!
好明顯,佢地係認為電影宣傳俾人既觀感有問題,需要更正.
但係只要睇過打擂台既大鋼,就會知道呢套戲係小子憤發向上挑戰自己,電影本身亦無甩過呢樣野.只不過小子有時係黃佑南,有時就係梁小龍.
觀眾對電影期望有好重大既歧異,雖然你話電影係梁小龍做主角,但係睇電影大鋼根本就唔係呢回事,編導亦無將佑南呢個角色Fade Out.
當觀眾對電影懷有一點點不確定性,害怕自己入場睇既戲唔係自己想睇既類型,好多人就會唔選擇入場.
Rat
唉, 套戲係有element冇主題ga…
至於三個男主角既戲真係多都數唔晒
nbachung
估唔到票房慘淡成咁..劉華唔係話佢自己蝕盡都係100萬
咩?票房失收是否現時觀眾只有興致看甄子丹打?希望唔好打擊到家棟.郭子健信心..
撐到底
我覺得郭子健已經贏左, 呢種戲既票房預左慢熱, 好多人都認為明年金像獎最佳導演及編劇, 一定是郭子健打擂台或為你鐘情! 撐到底! 香港觀眾奴性強, 尊睇衰片, 衰片實收得架, 你地班眼紅網友無謂再打壓郭子健了!
撐到底
郭子建係香港人既驕傲, 香港電影既未來, 香港電影靠你了, 你創造了奇蹟! 未睇既, 請入場吧, 免得將來後悔!
的的仔
你係真係想幫人定係想害人…..
filmmaster
我覺得對香港電影人來說, 郭子健的確係改朝換代領軍人物, 香港電影的唯一希望! 打擂台叫好叫座, 風評全城, 引起大眾話題, 喻此片為香港電影人的驕傲, 不為過也!
還有今天上映新片的麥曦茵, 我看六月風雲變, 在二人身上, 我看見香港電影的未來!
filmmaster
香港人通病, 眼紅! 唔知點解咁多人打壓郭子健, 加油郭導, 打擂合呀!
同門
shtmanhk你三番四次踩郭子健, 我知你係彭浩翔既人, 相煎何太急? 真的要這麼妒忌眼紅嗎? 郭子健唔係度就代表你贏晒? 積陰德, 收手啦…
支持香港電影的人
加油加油! 子健努力, 打擂台真的很好呀, 大家一定要支持!
支持香港電影的人
加油, 打得就要贏! 唔洗理別人
AIMAR
好鬼曲線!
Bird
同意! 太HARD SELL不是好事
過路
點會無端端有人會話係彭浩翔D人踩場？我覺得shtmanhk講o既唔係無道理，都唔明點解無端端會用打壓郭子健o黎講，超錯！
shtmanhk
一向如此
shtmanhk
個人對此有保留
shtmanhk
市埸定位有問題,點宣傳都無用.
shtmanhk
有誠意+ 影評讚 = 票房一定會好?
shtmanhk
自家新寶也只預兩周
shtmanhk
香港人俾錢睇多幾套 hollywood films 都冇問題,睇港片就斤斤計較picky到盡.
shtmanhk
志明與春嬌根本就是大路商業, 一千萬也不過;
維壹也是有誠意有質素, 一樣留言說等dvd
風中轉也有心思有幽默, 還是沒反應;
看過七十二家租客就大條道理說港片已死;
這陣子大家就是忙於看波斯王子吧
入場原因? 大製作就是大製作, 爛極都有特技看
抱著這種心態, 怎能怪香港市場要向內地走?
但為何八九十年代不是這樣?
是誰一手造成這麼多港人離棄港片結果由後人承擔?
shtmanhk
但 iron man 2 也有近三千萬, 如果有3D 甚至有可能過埋 葉問2.
hollywood films 抗逆能力極強,而且所謂’口碑’對票房造成直接影晌其實非想像中那麼大.
shtmanhk
laughing gor
《竊聽風雲》
隨手數到兩部
shtmanhk
《志明與春嬌》仲 draw 到30+的女性觀眾,女性觀眾才是 main point
SAN
我到今日都唔明大家讚呢部戲讚得咁厲害到底好在那裡?? 唔識個班老牌演員的話真係投入唔到,唔知你以前有幾威,部戲都無做到出黎! 老前輩戲係做得幾好,但後生既又南同JJ 既演技真係不敢恭維,點解無人指出過呢?大家又睇得到製作有幾粗嗎?笑料真係咁好笑?打得真係咁勁? 講到尾大家只為佢向前輩致敬呢個CONCEPT就大讚特讚!呢部戲比起ROCKY6 差好遠好遠,大家唔好再以鋤強扶弱既心態去評論電影,睇戲時感受埋現場觀眾既反應,就會更加明白今時今日既電影需要D咩了!
sumichau
支持打擂台, 希望大家可以入場欣賞
shtmanhk
首周full show 可以的,一周後 full show 可能只有新寶5院.
shtmanhk
假如沒有獎,會否又投拆金像獎打壓郭子健?
shtmanhk
《葉問2》內地票房破2.3億,但進口片 愛麗絲夢遊仙境》、《人神魔戰》和《鋼鐵俠2》也不相伯仲.
http://news.sina.com.tw/article/20100604/3226016.html
shtmanhk
多謝支持,其實留言者根本沒有對本人之言作出合理的回應,唯有出此下策,所以無須多加理會.
之前的留言一直只針對打擂台,但現想一談郭子健.個人認為9月初上映的為你鐘情票房也難以太樂觀,可能再時又要’聲討’一番了.
本人曾於08年6月3日《青苔》專文中如此説:
郭子健如有機會拍第三部電影,應跟隨葉偉信和鄭保瑞般作出某程度上的妥協.
http://hongkongfilms.mysinablog.com/index.php?op=ViewArticle&articleId=1183576