位於銅鑼灣皇室堡商場的皇室戲院，隨著皇室堡商場裝修，於零八年二月廿八日起內部裝修兼暫停營業。期間雖然曾傳出多個重開日子，可是有關消息均未經官方証實。
直至最近，官方已公佈了該戲院將於今年四月三十日重開。
從UA發出的官方宣傳資料顯示，皇室戲院將於四月三十日重開，同時為了宣傳該戲院的開畫，提供了三項優惠，當中包括小食部獲贈禮品、該院票尾換汽水及會員申請折扣優惠。
UA自零六年二月十六日從百老匯院線手上接下皇室戲院，在經營兩年後因商場裝修而停業，結業前設有三個影廳。由於是次商場裝修是整體上的裝修，故此重新開業後的皇室戲院，也許不一定跟停業前的位置、影廳數目以至座位數目相同。到底情況如何？恐怕要待該戲院正式復業才知曉了。
華仔
皇室閞幕頭炮應該係鐵甲奇俠2同埋葉問2
obi-den
呢個場之前以裝修過一次，當時hmv亦搬過對面style house，近一兩年又裝修，都幾密下，好想快啲再去皇室戲院睇戲！
MM
岩岩睇到UA網頁，
已經有皇室戲院的連結，
不過暫時唔知會上映邊O的戲（當然理論上都不外乎Iron Man 2 同埋葉問 2）
至於院線資料o個度，
列左皇室戲院有 3 間院，
而 3 間院既座位數目都係一樣，
得 84 個…
真係有o的擔心會係 Megabox 既翻版