還有不足兩星期便是農曆新年，今年賀歲檔期可算是十分熱鬧，多部電影同日開畫之餘，年三十又有不少電影提供優先場。也許院商預期這是個難得的黃金檔期，於是想盡方法向觀眾「開刀」。當中百老匯院線今年新春再次開展其「歛財大法」。
上圖所見，便是「講。鏟。片」情報人員昨晚於油麻地百老匯電影中心所攝，發現該戲院已經張貼通告，該院於二月十一日（年廿八）至二月廿一日（年初八）期間，戲票一律上調五元正。至於二月十三日（年三十）至二月十六日（年初三）期間，除了預期不設星期二優惠後，更不設學生票價。
然而，更令人意想不到的，就是該集團旗下的Palace IFC戲院的情況。上圖便是該戲院開始預告電影《天生不是寶貝》，於該段「特價」期間，更將標準票價上調十元正，由七十五元增至八十五元一票。
香港戲院曾有段時間於聖誕及賀歲檔期將票價上調五元正，直到各戲院正式上調標準票價後，便再沒使出這招。可是，有關做法率先在百老匯院線重現，未知其他院線會否也會出樣推出如此招數。雖然部份地區的票價也會有平日與假日之分，便特地在農曆年或長假期再上調票價，恐怕只是香港獨有，在《財神到》仍未上映之時，先來刮盡觀眾的「新年財」。
ciciman
這類行為不應該助長, 唯一方法是不去這類戲院!
Raymond
1941年，利舞台重新裝修後，並無固定票價，視放映的電影而定。
又，六十年代下旬七十年代初的京華、麗聲、皇宮線經常調整票價。
Tony
09新年加初一至初三, 今次四大院線多數要被迫跟隨, 這樣做當然是要谷高自己”So hak yi”條數.
放映員
個公司係點樣，佢自己套戲名已經講晒出黎喇’so’乞兒
ANN
又係江志強… 唉,
安樂 SO 乞兒
Billy
無所謂, 逢大時大節我唔會去戲院同人爭, 所以對我冇影響.^_^.
Tony
最要命是加了便不會減番, 08年”長江7號”是一大例子, 以後去IFC/PP看3D電影英語原聲版, 早場都要70元!!??
Tony
忍不住了, 我在facebook開了一個group, 名為”我們不要新年睇戲加五蚊!!”, 借~了本文的資料, 雖然力量微小, 但是仍然要表達!!
http://www.facebook.com/group.php?gid=283632939562&ref=mf
路過
自由社會, 如唔願意比個五蚊, 直接罷睇就可以. 畢竟人家不是慈善機構.
sc
對,看電影不如進食般是每天必需的.
ANN
江志強本人路過乎? 🙂
Man
這只是supply and demand的問題，農曆年的demand明顯多了，supply卻又沒有大幅增加的空間，加價也是正常不過的事。除非大家齊心不在大時大節睇戲，抑壓著demand，院商才不敢輕易加價。
shtmanhk
香港奉行自由市埸,也不是所有戲院劃一加價.如感不忿,不光顧百記就是最佳的反對做法.
如認為做法不合理可向消委會投訴,且看會否接納?
包話事
正賤人！
大時大節又唔見佢地加人工比員工！
普天同慶，應該減價先o岩呀！
獨立觀眾
好憎呢間公司層出不窮的掠水手法，千方百計要賺到盡,像艾慕度華的新戲冇信用卡折扣,但影片是安樂發行,放在自己院線已不用拆賬,還要這樣子 ,好討厭!
非獨立觀眾
有無人係打開你銀包攞錢, 係你心甘情願比的..唔想益佢咪等出碟先睇囉!! 不過睇你到頭來都係死死地氣去入去睇.
獨立人士
一於鬧到佢執粒為止!
放映員
要多d supply咪開多幾間戲院lo，反正都係做大時大節生意，閒日理得佢拍烏蠅，做生意做到趁火打刧咪低lo
路過
“閒日理得佢拍烏蠅”?
你估人地好似你咁架智慧咩? 人地做生意要賺就賺盡.
放映員
做生意有旺季淡季，大部份戲院都係靠旺季賺的錢平衡番淡季虧蝕，如果要好似你咁講賺要賺盡，我諗香港真係冇乜地方適合開戲院，根本上冇可能每一場都係賺。朋友記住唔好用咁既智慧去做生意，一係你一世唔使至意創業，一係蝕到你瞓街。
呢到係一個討論既地方，希望你唔好人身攻擊對，OK?
Tony
昨晚很多人都有去旺角百老匯, 整了一個表, 最重要那一句”所有票價全部加五蚊”字體最小.